AP Liquor Scam: ఏపీ లిక్కర్ స్కాంలో తిరుగులేని సాక్ష్యాలు.. గుట్టలుగా డ‌బ్బుల క‌ట్ట‌లు, వీడియో వైర‌ల్‌!

ఈ కేసులో దర్యాప్తు చేపడుతున్న సిట్ బృందం సాంకేతిక పరిజ్ఞానాన్ని ఉపయోగించి నిందితుల సెల్ ఫోన్‌లలో గతంలో డిలీట్ చేయబడిన ఎన్‌క్రిప్టెడ్ వీడియోలను కూడా తిరిగి పొందినట్లు తెలుస్తోంది.

AP Liquor Scam
AP Liquor Scam

AP Liquor Scam:ఆంధ్రప్రదేశ్ మద్యం కుంభకోణం (AP Liquor Scam) కేసులో దర్యాప్తు అధికారులు సంచలనాత్మక ఆధారాలను సేకరించినట్లు విశ్వసనీయ వర్గాల ద్వారా తెలిసింది. ఇటీవలే హైదరాబాద్‌లోని ఒక ఫాం హౌస్‌లో నోట్ల కట్టలను కనుగొన్న అధికారులు, ఇప్పుడు నిందితులకు సంబంధించిన కీలకమైన వీడియో ఫుటేజీలను బయటకు తీసినట్లు సమాచారం.

డిలీట్ చేసిన వీడియోలను వెలికితీసిన సిట్

ఈ కేసులో దర్యాప్తు చేపడుతున్న సిట్ బృందం సాంకేతిక పరిజ్ఞానాన్ని ఉపయోగించి నిందితుల సెల్ ఫోన్‌లలో గతంలో డిలీట్ చేయబడిన ఎన్‌క్రిప్టెడ్ వీడియోలను కూడా తిరిగి పొందినట్లు తెలుస్తోంది. ఈ వీడియోలలో నిందితులు భారీగా డబ్బుల కట్టలతో ఉన్న దృశ్యాలు రికార్డు అయినట్లు సమాచారం. ఈ వీడియోలు దేశవ్యాప్తంగా సంచలనం సృష్టించే స్థాయిలో ఉన్నాయని దర్యాప్తు వర్గాలు పేర్కొంటున్నాయి.

Also Read: IND vs ENG 5th Test: ఇంగ్లండ్ ముందు భారీ ల‌క్ష్యం.. టీమిండియా ఇన్నింగ్స్ వివ‌రాలీవే!

కుండ బద్దలు కొట్టినట్లు బయటపడిన నిజాలు

ఈ తాజా విజువల్స్‌తో వై.ఎస్.ఆర్. కాంగ్రెస్ పార్టీ (YSRCP) నాయకులు, మాజీ ముఖ్యమంత్రి జగన్ అండ్ టీం పూర్తిగా నోరెత్తలేని స్థితిలో పడ్డారని రాజకీయ వర్గాలు విశ్లేషిస్తున్నాయి. సాంకేతికంగా తిరుగులేని ఈ ఆధారాలు, ఈ కుంభకోణంపై వస్తున్న ఆరోపణలకు మరింత బలం చేకూర్చాయి.

మరింత బిగుసుకున్న ఉచ్చు

ఈ వీడియోల ఆధారంగా ఏపీ లిక్కర్ స్కామ్‌లో వై.ఎస్.ఆర్. కాంగ్రెస్ నాయకుల పాత్ర మరింత స్పష్టంగా కనిపించే అవకాశం ఉందని దర్యాప్తు అధికారులు చెబుతున్నారు. దీంతో ఆ పార్టీ నాయకులకు ఈ కుంభకోణం ఉచ్చు మరింత బిగుసుకున్నట్లు కనిపిస్తోంది. ఈ తాజా పరిణామాలు రాష్ట్ర రాజకీయాల్లో తీవ్ర కలకలం సృష్టించే అవకాశం ఉంది. ఈ కేసుపై తదుపరి చర్యలు ఎలా ఉంటాయో చూడాలి.


Follow us

Tags