Minior Girl : నెల్లూరులో మైన‌ర్ బాలిక‌పై యాసిడ్‌ దాడి.. ప‌రిస్థితి విష‌మం

Acid Imresizer

నెల్లూరులో దారుణం జ‌రిగింది. ఓ మైన‌ర్ బాలిక‌పై దుండ‌గుడు యాసిడ్‌తో దాడి చేసి గొంతు కోశాడు. సోమవారం అర్థరాత్రి నగర శివార్లలోని బుజబుజ నెల్లూరు ప్రాంతంలో ఈ ఘ‌ట‌న జ‌రిగింది. బాధితురాలి ప‌రిస్థితి విషమంగా ఉంది. స్థిరంగా ఉంటుంది. మైనర్ బాలిక మెడపై లోతుగా గాయం అయింద‌ని.. ఆమె చేతులపై యాసిడ్ ప‌డి కాలినట్లు ఎస్పీ విజయరావు తెలిపారు. బాధిత బాలిక పరిస్థితిని గమనించిన ఇరుగుపొరుగు వారు ఆమె తల్లిదండ్రులకు సమాచారం అందించగా, వారు కూడా ఘటనపై పోలీసులకు సమాచారం అందించారు. వెంటనే ఆమెను ప్రభుత్వ ఆసుపత్రికి తరలించారు. బాధితురాలి నుంచి వివరాలు రాబట్టి ఘటనపై కేసు నమోదు చేస్తామన్నారు.

ప్రస్తుతం బాలికకు వైద్యులు చికిత్స అందిస్తున్నారని.. అదేవిధంగా విచారణను కూడా చేపడుతున్నట్లు ఎస్పీ తెలిపారు. నిందితుడిపై తమకు సమాచారం ఉందని, త్వరలోనే అదుపులోకి తీసుకుంటామని తెలిపారు. నెల్లూరు రూరల్‌ డీఎస్పీ హరినాథ్‌రెడ్డి ఆధ్వర్యంలో పోలీసులు రంగంలోకి దిగి వివరాలు సేకరించారు. వ్యవసాయ శాఖ మంత్రి కాకాణి గోవర్ధన్‌రెడ్డి ఆసుపత్రిని సందర్శించి ఆమె తండ్రిని ఓదార్చారు. ప్రభుత్వం నుండి సహాయం చేస్తామని హామీ ఇచ్చారు. ఎస్పీ, ఇతర పోలీసు అధికారులతో కలిసి ఆసుపత్రిని సందర్శించి సమాచారం సేకరించారు. వైఎస్ఆర్ కాంగ్రెస్ పార్టీ ప్రధాన కార్యదర్శి కోటంరెడ్డి గిరిధర్ రెడ్డి కూడా ప్రభుత్వ ఆసుపత్రికి చేరుకుని బాధితురాలి పరిస్థితిని అడిగి తెలుసుకున్నారు.\ మైనర్ బాలికను మెరుగైన వైద్యం కోసం నెల్లూరు నగరంలోని ఓ ప్రైవేట్ ఆసుపత్రికి తరలించారు. అపోలో ఆసుపత్రిలో వైద్యుల బృందం బాలిక పరిస్థితిని పర్యవేక్షిస్తున్నట్లు జిల్లా వైద్య, ఆరోగ్య శాఖ అధికారి డాక్టర్ ఎం పెంచలయ్య తెలిపారు. బాలిక పరిస్థితి నిలకడగా ఉందని, అవసరమైతే చెన్నైకి తరలిస్తామని చెప్పారు.

Follow us