VG Venkata Reddy Arrested: ఏపీ గనుల శాఖ మాజీ డైరెక్టర్ వీజీ వెంకట రెడ్డి అరెస్ట్

VG Venkata Reddy Arrested: వైసీపీ ప్రభుత్వ హయాంలో జరిగిన అక్రమాలపై ప్రస్తుత ఆంధ్రప్రదేశ్ కూటమి ప్రభుత్వం ఫోకస్ చేస్తుంది. ఈ క్రమంలో అరెస్టుల పర్వం కొనసాగుతుంది. తాజాగా ఆంధ్రప్రదేశ్ గనుల శాఖ మాజీ డైరెక్టర్ వీజీ వెంకట్ రెడ్డి (VG Venkata Reddy) అరెస్ట్ అయ్యారు. దీంతో గత ప్రభుత్వ హయాంలో గనుల శాఖలో జరిగిన మరిన్ని అక్రమాలు బయటపడే అవకాశం ఉంది.

వీజీ వెంకట్ రెడ్డిని ఈ రోజు అవినీతి నిరోధక శాఖ ఏసీబీ (ACB) కోర్టులో హాజరుపరచనున్నారు. గత వైఎస్సార్ కాంగ్రెస్ పార్టీ ప్రభుత్వ హయాంలో ఆయన హయాంలో అక్రమాలు, అవకతవకలు జరిగాయన్న ఆరోపణల నేపథ్యంలో ఈ అరెస్టు జరిగింది. అవినీతి ఆరోపణల కారణంగా ఆంధ్రప్రదేశ్‌లోని అధికార కూటమి ప్రభుత్వం సస్పెండ్ చేసినప్పటి నుంచి వివాదాల్లో చిక్కుకున్న వెంకట రెడ్డిపై సెప్టెంబర్ 11న ఏసీబీ కేసు నమోదు చేసింది. ఇప్పుడు వెంకట రెడ్డితో పాటు మైనింగ్ కార్యకలాపాలకు సంబంధించిన మూడు కంపెనీలపై కేసులు నమోదు చేయడానికి దారితీసింది.

ఈ వ్యవహారంపై కొనసాగుతున్న విచారణలో భాగంగా ఏసీబీ ఏడుగురిపై ప్రథమ సమాచార నివేదిక ఎఫ్‌ఐఆర్‌ దాఖలు చేసింది. రాష్ట్రంలో మైనింగ్ రంగంలో అవినీతి ఏ స్థాయిలో ఉందో వెలుగులోకి తెస్తూ వెంకట రెడ్డి మరియు అనుబంధ సంస్థలపై చట్టపరమైన చర్యలను ఏజెన్సీ కొనసాగిస్తోంది.

వీజీ వెంకట్ రెడ్డి వైసీపీ (ysrcp) ప్రభుత్వంలో తన అధికారిక హోదాను దుర్వినియోగం చేసి అనేక సంస్థలకు లబ్ధి చేకూర్చినట్లుగా ఆరోపణలు ఉన్నాయి. అయితే తన అధికార దుర్వినియోగం కారణంగా ప్రభుత్వ ఖజానాకు భారీగా నష్టం కలిగించినట్లు ప్రస్తుతం కూటమి ప్రభుత్వం గుర్తించింది. తనపై ఆరోపణలు వచ్చిన వెంతంటే ఏసిబి అన్ని జిల్లాల్లోని గనుల శాఖ కార్యాలయాలు, ఇసుక రీచ్‌లను సందర్శించారు. కీలక ఆధారాలు సేకరించారు. ఇసుక తవ్వకాలు, విక్రయాల విషయంలో భారీగా అవకతవకలు జరిగినట్లుగా అధికారులు చెప్తున్నారు.

Also Read: Delhi Civic Body Panel Election: హై డ్రామా తర్వాత నేడు ఢిల్లీ సివిల్ బాడీ ప్యానెల్ ఎన్నికలు