AP Cabinet: జూన్ 24న ఏపీ కేబినెట్ భేటీ
ఈ నెల 24వ తేదీన ముఖ్యమంత్రి చంద్రబాబు నాయుడు నేతృత్వంలో ఆంధ్రప్రదేశ్ మంత్రివర్గ సమావేశం జరగనుంది . సచివాలయంలో ఉదయం 10 గంటలకు జరగనున్న ఈ సమావేశంలో రాష్ట్రానికి సంబంధించిన పలు అంశాలను ప్రస్తావించనున్నారు
- Author : Praveen Aluthuru
Date : 19-06-2024 - 4:26 IST
Published By : Hashtagu Telugu Desk
AP Cabinet: ఆంధ్రప్రదేశ్ తొలి క్యాబినెట్ సమావేశానికి ముహుర్తం ఖరారైంది. మంత్రులకు శాఖల కేటాయింపు, బాధ్యతల స్వీకరణ పూరైన నేపథ్యంలో ఈ నెల 24వ తేదీన ముఖ్యమంత్రి చంద్రబాబు నాయుడు నేతృత్వంలో ఆంధ్రప్రదేశ్ మంత్రివర్గ సమావేశం జరగనుంది . సచివాలయంలో ఉదయం 10 గంటలకు జరగనున్న ఈ సమావేశంలో రాష్ట్రానికి సంబంధించిన పలు అంశాలను ప్రస్తావించనున్నారు. సమావేశానికి సన్నాహకంగా, చర్చించాల్సిన అంశాలపై ప్రతిపాదనలు సమర్పించాలని అన్ని ప్రభుత్వ శాఖలను ఆదేశించింది. ఈ ప్రతిపాదనల సమర్పణకు 21వ తేదీ సాయంత్రం 4 గంటల వరకు ముఖ్యమంత్రి కార్యాలయం గడువు విధించింది.
రాష్ట్రంలో ఇటీవల కొత్త ప్రభుత్వం ఏర్పడిన తర్వాత ఈ క్యాబినెట్ సమావేశం జరుగుతుంది. ముఖ్యమంత్రి చంద్రబాబు ఈ సమావేశానికి అధ్యక్షత వహిస్తారని, ఈ సమావేశానికి ముఖ్య అధికారులు మరియు నిర్ణయాధికారులను సమీకరించి, ఆంధ్రప్రదేశ్ ఎదుర్కొంటున్న ముఖ్యమైన సమస్యలను పరిష్కరించాలని భావిస్తున్నారు.
Also Read: Bandi Sanjay : ఇంద్ర సినిమా లెవల్లో ఎంట్రీ ఇచ్చిన బండి సంజయ్
Follow us
