YSRCP Plenary : నేడు, రేపు గుంటూరులో వైఎస్సార్‌సీపీ ప్లీనరీ… భారీగా ఏర్పాట్లు

YSRCP

దివంగత నేత‌, మాజీ సీఎం వైఎస్ రాజ‌శేఖ‌ర్ రెడ్డి వర్ధంతి సందర్భంగా నేటి నుంచి రెండు రోజుల పాటు వైఎస్సార్‌సీపీ ప్లీనరీ సమావేశాలు జరగనున్నాయి. గుంటూరు జిల్లా నాగార్జున యూనివర్సిటీ ఎదుట శుక్ర, శనివారాల్లో వైఎస్సార్‌సీపీ ప్లీనరీ సమావేశాలకు ఏర్పాట్లు పూర్తయ్యాయి. ఈ సభల్లో వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ప్రసంగించ‌నున్నారు. రెండు లక్షల మందికి పైగా హాజరయ్యే ఈ సభల్లో ఆ పార్టీ గౌరవాధ్యక్షురాలు విజయమ్మ కూడా పాల్గొంటారు. తొలిరోజు ఐదు అంశాలపై చర్చించి ఆమోదం పొందనున్నారు. ఉదయం 8 గంటల నుంచి 10 గంటల వరకు వైఎస్సార్‌సీపీ పార్టీ సభ్యత్వ నమోదుతో ప్లీనరీ సమావేశం 8 గంటలకు ప్రారంభం కానుంది.

ఉదయం 10.10 గంటలకు సీఎం జగన్ పార్టీ జెండాను ఆవిష్కరించి, 10.55 గంటలకు పార్టీ అధ్యక్షుడిని ఎన్నుకుంటారు. అనంతరం వైఎస్సార్‌సీపీ అధినేత, సీఎం జగన్ ప్రసంగిస్తారు. ప్లీనరీలో పాల్గొనే కార్యకర్తల నుంచి అధినేత‌ వరకు ఒకే మెనూ ప్రకారం టిఫిన్లు, భోజనం, స్నాక్స్ అందజేసేందుకు పెద్ద ఎత్తున ఏర్పాట్లు చేశారు. వాటిని సిద్ధం చేసేందుకు అవసరమైన వంట సామాగ్రి, కూరగాయలు, వస్తువులను పెద్ద ఎత్తున ఏర్పాటు చేశారు ఇందుపల్లి, ద్రాక్షారామం తదితర ప్రాంతాల నుంచి వంట మనుషులను తీసుకొచ్చారు. గురువారం సాయంత్రం నుంచి పనులు ప్రారంభించారు. రాయలసీమ, కోస్తాంధ్ర, ఉత్తరాంధ్ర ప్రాంతాల సంప్రదాయ వంటకాలతో వేడివేడిగా టిఫిన్లు, భోజనం, స్నాక్స్ అందజేయనున్నారు. ఇడ్లీ, పొంగల్, ఉప్మా, మైసూర్ బజ్జీలు శుక్రవారం మరియు శనివారం ఉదయం టిఫిన్‌లుగా వడ్డిస్తారు. శాఖాహారం మరియు మాంసాహార భోజనంతో సహా 25 రకాల వంటకాలతో భోజనం వడ్డిస్తారు.

Follow us