US Launches Strikes: సిరియాపై అమెరికా దాడి.. ఆరుగురి మృతి, న‌లుగురికి గాయాలు

US Launches Strikes: ఇటీవల జోర్డాన్‌లోని అమెరికా శిబిరంపై డ్రోన్ దాడిలో ముగ్గురు అమెరికన్ సైనికులు మరణించారు. ఇప్పుడు ప్రతిస్పందనగా.. ఇరాక్-సిరియాలోని ఇరాన్ బలగాలు, టెహ్రాన్ మద్దతుగల మిలీషియా గ్రూపులకు వ్యతిరేకంగా US మిలిటరీ (US Launches Strikes) శుక్రవారం ప్రతీకార వైమానిక దాడులను ప్రారంభించింది. శుక్రవారం సిరియాలో అమెరికా జరిపిన వైమానిక దాడిలో ఆరుగురు మిలీషియా యోధులు మరణించగా, మరో నలుగురు గాయపడ్డారు.

మా ప్రతిస్పందన ప్రారంభమైందని అమెరికా అధ్యక్షుడు జో బైడెన్ ఒక ప్రకటనలో తెలిపారు. ఇది శత్రు స్థానాల్లో కొనసాగుతుంది. ఎవరైనా మాకు హాని చేస్తే మౌనంగా ఉండబోమని, తగిన సమాధానం చెబుతామని బైడెన్ అన్నారు. అదే సమయంలో సిరియా సరిహద్దు సమీపంలోని ఈశాన్య జోర్డాన్‌లో జరిపిన డ్రోన్ దాడులపై స్పందించాలని తాను నిర్ణయించుకున్నట్లు అమెరికా అధ్యక్షుడు చెప్పారు.

అంతకుముందు అమెరికన్ బేస్ క్యాంపుపై డ్రోన్ దాడిలో ముగ్గురు అమెరికన్ సైనికులు మరణించారు. 40 మందికి పైగా గాయపడ్డారు. ఈ దాడికి ఇరాన్ మద్దతు ఉన్న ఉగ్రవాదులే కారణమని అమెరికా ఆరోపించింది. అయితే మీడియా నివేదికలు దాడులకు సంబంధించిన కాలపరిమితి గురించి ప్రస్తావించలేదు.

Also Read: Cancer Cases: భారత్‌లో కలవరపెడుతున్న క్యాన్సర్ కేసులు.. కొత్త‌గా 14 ల‌క్ష‌ల కేసులు న‌మోదు..!

సిరియన్ అబ్జర్వేటరీ ఫర్ హ్యూమన్ రైట్స్ ప్రకారం.. సిరియా-ఇరాక్‌ సరిహద్దుకు సమీపంలోని అల్-బుకమల్ నగరంలోని అల్-హిజామ్ ప్రాంతం, పారిశ్రామిక జోన్‌ను కూడా US యుద్ధ విమానాలు లక్ష్యంగా చేసుకున్నాయి. మొత్తంగా యుద్దవిమానాలు డీర్ అల్-జౌర్‌లోని ఇరానియన్ మిలీషియా స్థానాలపై నాలుగు రౌండ్ల వైమానిక దాడులను ప్రారంభించాయి. ఇందులో అల్-మయాదీన్‌పై మూడు రౌండ్లు, అల్-బుకమల్‌పై ఒక రౌండ్ ఉన్నాయి.

We’re now on WhatsApp : Click to Join

ఇరాక్- సిరియాలోని మిలీషియా లక్ష్యాలపై అమెరికా దాడులను ఇరాక్ ఖండించింది. ఈ ప్రాంతంలో స్థిరత్వం కోసం ఇరాక్ ప్రయత్నిస్తున్న సమయంలో ఈ దాడులు జరిగాయని ఇరాక్ ఆర్మ్డ్ ఫోర్సెస్ కమాండర్-ఇన్-చీఫ్ ప్రతినిధి తెలిపారు. ఈ దాడులను ఇరాక్ సార్వభౌమాధికారాన్ని ఉల్లంఘించడమే కాకుండా ఇరాక్ ప్రాంతంలో భద్రత, స్థిరత్వానికి వాటి పర్యవసానాలు తీవ్రంగా ఉంటాయని ప్రతినిధి పేర్కొన్నారు.