US Former President Donald Trump: అప్పుడు ఉద్యోగినితో క్లింటన్.. ఇప్పుడు పోర్న్‌ స్టార్‌తో ట్రంప్..!

Resizeimagesize (1280 X 720) (4)

అమెరికా మాజీ అధ్యక్షుల అఫైర్స్‌పై ప్రపంచ వ్యాప్తంగా చర్చ సాగుతోంది. అప్పట్లో బిల్ క్లింటన్ కూడా వైట్‌హౌస్‌ ఉద్యోగిని మోనికా లెవిన్‌స్కీ‌తో రాసలీలు సాగించారనే ప్రచారం జరిగింది. ఆ ఘటన ఆయన రాజకీయ, వ్యక్తిగత జీవితంపై చాలా ప్రభావమే చూపింది. ఇప్పుడు పోర్న్‌ స్టార్‌ స్ట్రామీ డేనియల్స్‌తో నెరిపిన వ్యవహారం కారణంగా డొనాల్డ్ ట్రంప్ విమర్శలు ఎదుర్కొంటున్నారు. అమెరికా మాజీ అధ్యక్షుడు డొనాల్డ్ ట్రంప్ 2016లో మౌనంగా ఉండేందుకు ఓ పోర్న్ స్టార్‌కు డబ్బులు చెల్లించారనే ఆరోపణలపై మాన్‌హాటన్ గ్రాండ్ జ్యూరీ నిర్ణయం తీసుకుంది. ఈ నిర్ణయంతో నేరారోపణలు ఎదుర్కొంటున్న తొలి దేశ మాజీ అధ్యక్షుడిగా రికార్డులకెక్కారు. ట్రంప్‌ కంటే ముందే అమెరికా మాజీ అధ్యక్షులు రిచర్డ్‌ నిక్సన్‌, బిల్‌ క్లింటన్‌లు కూడా అనేక ఆరోపణలు ఎదుర్కొన్నందున న్యాయపరమైన ఇబ్బందులు ఎదుర్కోవాల్సి వచ్చింది.

న్యూయార్క్‌లోని రిపబ్లికన్ పార్టీ అధినేత ట్రంప్ 2016లో పోర్న్ స్టార్ స్టార్మీ డేనియల్స్‌కు US $ 130,000 చెల్లింపునకు సంబంధించిన ఆరోపణలు ఎదుర్కొంటున్నారు. పోర్న్ స్టార్ స్టార్మీ డేనియల్స్‌కు ఆరోపించిన ఎఫైర్ గురించి మౌనంగా ఉండటానికి డబ్బు చెల్లించడంలో ట్రంప్ పాత్రపై నేరారోపణ చేయడానికి గ్రాండ్ జ్యూరీ పూనుకుంది.

రిచర్డ్ నిక్సన్‌పై కూడా ఆరోపణలు

అమెరికా మాజీ అధ్యక్షుడు రిచర్డ్ నిక్సన్‌పై కూడా లంచం ఆరోపణలు వచ్చాయి. 1974లో వాటర్‌గేట్ కుంభకోణంలో రిచర్డ్ నిక్సన్ పేరు తెరపైకి వచ్చింది. అయితే, నిక్సన్ అధ్యక్ష పదవికి రాజీనామా చేసిన కొద్ది వారాలకే అధ్యక్షుడు గెరాల్డ్ ఫోర్డ్ అతనికి క్షమాపణ చెప్పారు.

బిల్ క్లింటన్ వేధింపులకు పాల్పడ్డారని ఆరోపణలు

2001లో బిల్ క్లింటన్ కూడా ఇలాంటి ఆరోపణలను ఎదుర్కొన్నారు. అధ్యక్షుడిగా ఉన్నప్పుడు వైట్ హౌస్ ఇంటర్న్ మోనికా లెవిన్స్కీని వేధించాడని క్లింటన్ పై ఆరోపించారు. ఆ ఘటన ఆయన రాజకీయ, వ్యక్తిగత జీవితంపై చాలా ప్రభావమే చూపింది.

Also Read: Earthquake: కోస్టారికా, పనామాలో భూకంపం.. రిక్టర్ స్కేలుపై 6.4 తీవ్రతగా నమోదు..!

2006లో లేక్‌తాహో హోటల్‌లో ట్రంప్ తనతో శృంగారంలో పాల్గొన్నట్టు పోర్న్ స్టార్ స్ట్రామీ డేనియల్స్‌ ఇటీవల వెల్లడించి ప్రకంపనలు రేపారు. ట్రంప్‌తో తన సంబంధాన్ని ఆమె ఓ పత్రికకు ఇచ్చిన ఇంటర్వ్యూలో ఇలా బయట పెట్టింది. ఈ వ్యవహారాన్ని రహస్యంగా ఉంచేందుకు ట్రంప్‌ వ్యక్తిగత అడ్వొకేట్‌ మైకేల్ కోహెన్ 2016 అధ్యక్ష ఎన్నికలకు నెల రోజుల ముందు డేనియల్స్‌కు డబ్బు ముట్టజెప్పారు. డేనియల్స్‌కు 1.30 లక్షల అమెరికా డాలర్లు ముట్టజెప్పినట్లు కోహెన్ అంగీకరించాడు. ఇప్పుడు ఈ కేసులో ట్రంప్‌పై క్రిమినల్ అభియోగాలు నమోదు చేయాలని గ్రాండ్ జ్యూరీ నిర్ణయించింది. కాగా.. ఈ కేసులో తానే తప్పు చేయలేదని ట్రంప్‌ అంటున్నారు. అంతేగాక వచ్చే ఎన్నికల్లో తనను పోటీ చేకుండా నిలువరించేందుకు జరుగుతున్న కుట్రగా ఆయన పేర్కొంటున్నారు.

Follow us