World Cup Loss: మ్యాచ్ ఓడిపోయిందని ఇరాన్‌లో సంబరాలు.!
ఫిఫా ప్రపంచ కప్‌లో భాగంగా USAతో జరిగిన మ్యాచ్‌లో ఇరాన్ ఓడిపోయిన విషయం తెలిసిందే.
- By Gopichand Published Date - 08:32 AM, Thu - 1 December 22
ఫిఫా ప్రపంచ కప్‌లో భాగంగా USAతో జరిగిన మ్యాచ్‌లో ఇరాన్ ఓడిపోయిన విషయం తెలిసిందే. దీంతో ఆ దేశస్థులు సంబరాలు జరుపుకున్నారు. గత కొంత కాలంగా హిజాబ్‌కు వ్యతిరేకంగా ఆ దేశంలో నిరసనలు చెలరేగుతున్నాయి. దీంతో WCలో ఓడిపోవడంతో నిరసనలకు మద్దతుగా ఇలా సంబరాలు జరుపుకున్నారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.
ఖతార్‌లో జరుగుతున్న ఫిఫా ప్రపంచకప్‌లో మంగళవారం అర్థరాత్రి జరిగిన గ్రూప్-బి మ్యాచ్‌లో అమెరికా 1-0తో ఇరాన్‌ను ఓడించింది. సాధారణంగా జట్టు ఓటమితో దేశంలో విషాద వాతావరణం నెలకొంటుంది. కానీ ఈ విషయంలో మాత్రం అందుకు విరుద్ధంగా కనిపించింది. ఈ ఓటమి తర్వాత ఇరాన్‌లోని పలు నగరాల్లో వేడుకలు జరిగాయి. ఇరాన్‌లో ప్రభుత్వానికి వ్యతిరేకంగా నిరసనలు కొనసాగుతున్నాయి. సెప్టెంబర్ 16న మాషా అమినీ అనే మహిళ పోలీసు కస్టడీలో మరణించిన తర్వాత ఇటువంటి నిరసనలు మొదలయ్యాయి. మాషా హిజాబ్ సరిగ్గా ధరించలేదని ఆరోపించారు.
ఇరాన్‌లో మహిళలుహిజాబ్ కప్పుకోకుండా బయటకు రాకూడదు. ఇలా చేయడం ద్వారా అక్కడి మోరల్ పోలీసులు మహిళలను అదుపులోకి తీసుకుని విచారించవచ్చు. మాషాను పోలీసులు చిత్రహింసలకు గురిచేశారని దీంతో ఆమె మృతి చెందిందని ఆందోళనకారులు ఆరోపిస్తున్నారు. ఇరాన్ ఓటమిని సంబరాలు చేసుకుంటున్న ప్రజలు తమ ఫుట్‌బాల్ జట్టు అక్కడి ప్రభుత్వానికి ప్రాతినిధ్యం వహిస్తుందని, సాధారణ ప్రజలకు కాదని నమ్ముతున్నారు. టెహ్రాన్‌తో సహా ఇరాన్‌లోని అనేక పెద్ద నగరాల్లో అమెరికాపై ఓటమిని జరుపుకోవడానికి ప్రజలు వీధుల్లోకి వచ్చారు.
ఇరాన్‌లో మహిళలు తాజా నిరసనల్లో చురుగ్గా పాల్గొంటున్నారు. వారు తమకు మరింత హక్కులు, బహిరంగతను డిమాండ్ చేస్తున్నారు. ఈ ప్రదర్శనను అణిచివేసేందుకు ఇరాన్ ప్రభుత్వం అన్ని ప్రయత్నాలు చేస్తోంది .టోర్నమెంట్ ప్రారంభంలో ఇరాన్ ఫుట్‌బాల్ జట్టు ఆటగాళ్లు కూడా దేశంలో కొనసాగుతున్న నిరసనలతో ఏకీభవించినట్లు తెలిసింది. ఇంగ్లండ్‌తో మ్యాచ్‌కు ముందు ఇరాన్ ఆటగాళ్లు జాతీయ గీతాన్ని ఆలపించలేదు. అయితే వేల్స్ తో జరిగిన మ్యాచ్ లో మాత్రం తన స్టాండ్ మార్చుకుని గీతం ఆలపించారు. దీని తర్వాత ఇరాన్‌లో నిరసనల మద్దతుదారులలో జట్టుకు ప్రజాదరణ తగ్గింది. ఇరాన్ జట్టు గ్రూప్ దశలో 3 మ్యాచ్‌ల్లో 2 ఓడిపోయి టోర్నీ నుంచి నిష్క్రమించింది. తొలి మ్యాచ్‌లో ఇరాన్‌ను 6-2తో ఇంగ్లండ్‌ ఓడించింది. ఆ తర్వాత ఇరాన్ జట్టు 2-0తో వేల్స్‌ను ఓడించి పునరాగమనం చేసేందుకు ప్రయత్నించింది. అయితే నాకౌట్‌కు చేరుకోవాలనే వారి ఆశలు అమెరికాపై 1-0 తేడాతో పరాజయం పాలయ్యాయి.
After the defeat of the Islamic Republic of Iran national team against the #USA and eliminating from the #FIFAWorldCup people in Kurdistan and major cities in Iran took the streets to celebrate. Here is the Kurdish city of Sine (Sanandaj) 😃 pic.twitter.com/MC2K0tYkFE
— Mutlu Civiroglu (@mutludc) November 29, 2022
