Trump Shooting Case: ట్రంప్ కాల్పుల కేసులో బిగ్ ట్విస్ట్‌.. ఎఫ్‌బీఐ డైరెక్ట‌ర్ సందేహ‌లు..?

Trump Shooting Case: ఇటీవల డొనాల్డ్ ట్రంప్‌ (Trump Shooting Case)పై హత్యాయత్నం తర్వాత అమెరికా మాజీ అధ్యక్షుడు సోషల్ మీడియాలో తన కుడి చెవి పై భాగంలోకి బుల్లెట్ చొచ్చుకుపోయిందని చెప్పారు. అయితే ఇప్పుడు ఈ కేసును విచారిస్తున్న దేశ అత్యున్నత ఏజెన్సీ ఎఫ్‌బిఐ డైరెక్టర్ క్రిస్టోఫర్ రే ట్రంప్‌ ప్రకటనపై కొంత సందేహాన్ని వ్యక్తం చేశారు. జూలై 13న ట్రంప్ పెన్సిల్వేనియాలోని బట్లర్‌లో ఎన్నికల ర్యాలీలో ప్రసంగిస్తున్న సమయంలో థామస్ క్రూక్స్ అనే వ్యక్తి కాల్పులు జరిపాడు. సీక్రెట్ సర్వీస్ ఏజెంట్లు క్రూక్స్‌ను అక్కడికక్కడే చంపారు.

ర్యాలీలో ట్రంప్ చెవికి బుల్లెట్ తగిలిందా లేక గాజు ముక్క తగిలిందా అనేది స్పష్టంగా తెలియరాలేదని రిపబ్లికన్ పార్టీ నేతృత్వంలోని హౌస్ జ్యుడిషియరీ కమిటీకి ఎఫ్‌బీఐ డైరెక్టర్ తెలిపారు. మాజీ అధ్య‌క్షుడికి ఇవ్వాల్సిన గౌరవంతో దీనికి సంబంధించి కొన్ని ప్రశ్నలు ఉన్నాయని నేను నమ్ముతున్నాను అని క్రిస్టోఫర్ తెలిపారు. కమిటీ చైర్మన్ జిమ్ జోర్డాన్ అడిగిన ప్రశ్నకు సమాధానంగా ఆయన ఈ విషయం చెప్పారు. థామస్ క్రూక్స్ పేల్చిన బుల్లెట్లన్నీ ఎక్కడికి పోయాయని జోర్డాన్ అడిగాడు. ఈ దాడిలో నిందితుడు అక్క‌డిక‌క్క‌డే హ‌త‌మ‌య్యాడు. ఈ సంఘటన తర్వాత సీక్రెట్ సర్వీస్ ఏజెంట్లు ట్రంప్‌ను అక్కడి నుండి తీసుకెళ్తున్నప్పుడు అతను జనం వైపు పిడికిలిని చూపాడు.

Also Read: Olympics Opening Ceremony: నేటి నుంచి ఒలింపిక్స్ ప్రారంభం.. బ‌రిలో 117 మంది భార‌త అథ్లెట్లు..!

ఎఫ్‌బీఐ డైరెక్టర్‌ను ట్రంపే నియ‌మించారు

థామస్ క్రూక్స్.. ర్యాలీ ప్రదేశానికి సమీపంలో ఉన్న ఇంటి పైకప్పు నుండి కాల్పులు జరిపాడు. ఈ సమయంలో ట్రంప్ చెవుల్లోంచి రక్తం కారడం కనిపించింది. ఈ ఘటనలో మరో ఇద్దరు కూడా గాయపడ్డారు. బిజినెస్ ఇన్‌సైడర్ నివేదిక ప్రకారం.. ఎఫ్‌బిఐ డైరెక్టర్ ప్రకటనపై ట్రంప్ ప్రచార ప్రతినిధి స్టీవెన్ చియాంగ్ తీవ్రంగా స్పందించారు. ఈ కుట్ర నకిలీదని భావించే ఎవరైనా మానసికంగా అసమర్థుడని లేదా రాజకీయ కారణాలతో ఉద్దేశపూర్వకంగా ప్రవర్తిస్తున్నారని అన్నారు. రిపబ్లికన్ పార్టీ తరపున అధ్యక్ష ఎన్నికల్లో పోటీ చేస్తున్న డొనాల్డ్ ట్రంప్ 2017 సంవత్సరంలో ఎఫ్‌బిఐ డైరెక్టర్‌గా క్రిస్టోఫర్ రేను నియమించారు.

We’re now on WhatsApp. Click to Join.