Donald Trump: రహస్య పత్రాల కేసులో కోర్టుకు హాజరైన డొనాల్డ్ ట్రంప్.. కోర్టులోనే ట్రంప్ అరెస్ట్.. ఇంకా ఏమైందంటే..!

Donald Trump: అమెరికా మాజీ అధ్యక్షుడు డొనాల్డ్ ట్రంప్ (Donald Trump) జాతీయ భద్రతకు సంబంధించిన రహస్య పత్రాలను అక్రమంగా కలిగి ఉన్నారని ఆరోపణలపై మంగళవారం మియామీ కోర్టుకు హాజరయ్యారు. కోర్టుకు చేరుకోగానే ట్రంప్ (Donald Trump)ను పోలీసులు అదుపులోకి తీసుకున్నారు. తాను నిర్దోషినని ప్రకటించుకున్నాడు. ట్రంప్ ఈ పత్రాలను తన వద్ద ఉంచుకోవడమే కాకుండా వాటిని సేకరించేందుకు వెళ్లిన అధికారులకు కూడా అబద్ధాలు చెప్పాడు. అయితే, విచారణ అనంతరం కోర్టు ట్రంప్‌ను బేషరతుగా విడుదల చేసింది.

ట్రంప్ రెండోసారి కోర్టుకు హాజరయ్యారు

ఈ కేసులో ట్రంప్, అతని సహాయకుడు వాల్ట్ నౌటాపై కేసు నమోదు చేసినట్లు కోర్టు అధికారి ఒకరు తెలిపారు. అతనిపై విచారణ సందర్భంగా కోర్టులో కెమెరాలు లేదా ప్రొసీడింగ్‌ల ప్రత్యక్ష ప్రసారం అనుమతించబడలేదు. గత నెలరోజుల్లో ట్రంప్ కోర్టుకు హాజరుకావడం ఇది రెండోసారి. ఏప్రిల్‌లో పోర్న్ స్టార్‌కు డబ్బు చెల్లించాడనే ఆరోపణలపై కోర్టుకు హాజరయ్యాడు. ఆ కేసులో తాను నిర్దోషి అని ప్రకటించుకున్నాడు.

Also Read: Lungi and Nightie: ఇకపై అక్కడ లుంగీ – నైటీ నిషేధం

కోర్టు హౌస్ వెలుపల ట్రంప్ మద్దతుదారులు

మంగళవారం ట్రంప్ కోర్టుకు హాజరయ్యే సమయంలో ట్రంప్ మద్దతుదారులు కోర్టు హౌస్ వెలుపల గుమిగూడారు. ట్రంప్‌కు మద్దతుగా నినాదాలు చేశారు. భద్రతకు ఎలాంటి ముప్పు లేదని మియామీ మేయర్ ఫ్రాన్సిస్ సురెజ్ కోర్టు వెలుపల విలేకరులతో అన్నారు. 50,000 మంది గుంపును, హింసను ఎదుర్కోవడానికి అధికారులు సిద్ధంగా ఉన్నారని ఆయన అన్నారు.

ట్రంప్ తాను నిర్దోషి అని చెప్పుకున్నారు

డెమొక్రాటిక్ పార్టీ అధ్యక్షుడు జో బైడెన్ పరిపాలన తననే లక్ష్యంగా చేసుకుంటోందని ట్రంప్ నిరంతరం తన నిర్దోషిత్వాన్ని చాటుకోవడం గమనార్హం. మంగళవారం అతను ప్రాసిక్యూషన్‌కు నాయకత్వం వహిస్తున్న ప్రత్యేక న్యాయవాది జాక్ స్మిత్‌ను ఇంటర్నెట్ మీడియాలో “ట్రంప్ ద్వేషి” అని లేబుల్ చేశాడు. ట్రంప్ 2021 జనవరిలో వైట్‌హౌస్‌ను విడిచిపెట్టినప్పుడు వేలాది రహస్య కాగితాలను తనతో తీసుకెళ్లి, వాటిని తన మార్-ఎ-లాగో ఫ్లోరిడా ఎస్టేట్, న్యూజెర్సీ గోల్ఫ్ క్లబ్‌లో అస్తవ్యస్తంగా ఉంచడం ద్వారా జాతీయ భద్రతను ప్రమాదంలో పడేశారని స్మిత్ ఆరోపించారు.

Follow us