Bomb Prank : యూట్యూబ్‌‌ చూసి బాంబు తయారుచేసి.. టీచర్ కుర్చీ కింద పేల్చారు

క్లాస్‌ రూంలోకి ఆ టీచర్ రావడానికి కొన్ని నిమిషాల ముందు.. ఒక విద్యార్థి వెళ్లి  టీచర్ కుర్చీ కింద ఫైర్ క్రాకర్‌ను(Bomb Prank) అమర్చాడు. అనంతరం మహిళా టీచర్ వచ్చి ఆ కుర్చీలో కూర్చోబోతుండగా.. మరో విద్యార్థి తన వద్ద ఉన్న రిమోట్ కంట్రోల్‌తో  ఆ ఫైర్ క్రాకర్‌ను పేల్చేశాడు.  టీచర్ చూస్తుండగా ఇదంతా జరిగింది. కుర్చీ వద్ద పేలుడు జరిగిన వెంటనే టీచర్ పక్కకు జరిగారు. దీంతో ఆమెకు గాయాలు కాలేదు. మొత్తం మీద ఈ ఘటనను హర్యానా రాష్ట్ర విద్యాశాఖ సీరియస్‌గా తీసుకుంది. టీచర్ కుర్చీ కింద ఫైర్ క్రాకర్‌ను అమర్చిన 13 మంది విద్యార్థులను వారం రోజుల పాటు స్కూలు నుంచి సస్పెండ్ చేసింది.  దీనిపై విద్యాశాఖ దర్యాప్తు చేయిస్తోంది. అయితే ఈ ఘటనకు పాల్పడిన విద్యార్థులను క్షమిస్తున్నట్లు టీచర్ ప్రకటించారు.  ఇకపై తమ పిల్లలు అలా చేయబోరని 13 మంది విద్యార్థుల తల్లిదండ్రులు పాఠశాలకు హామీ పత్రాన్ని అందించారు.

Also Read :Netanyahus Residence : ఇజ్రాయెల్ ప్రధాని నెతన్యాహు ఇంటిపై ఫ్లాష్ బాంబులు