KTR vs Sharmila: చిన్నదొర చెప్పిన ఈ దశాబ్దపు పెద్ద జోక్ ఇదే
మంత్రి కేటీఆర్పై వైఎస్సాఆర్టీపీ అధినేత్రి వైఎస్ షర్మిల తీవ్ర స్థాయిలో విరుచుకుపడ్డారు. మంత్రి కేటీఆర్ తాజాగా రాజన్న సిరిసిల్ల జిల్లాలో పర్యటించిన విషయం తెలిసిందే.
- Author : Vamsi Chowdary Korata
Date : 21-06-2023 - 7:07 IST
Published By : Hashtagu Telugu Desk
KTR vs Sharmila: మంత్రి కేటీఆర్పై వైఎస్సాఆర్టీపీ అధినేత్రి వైఎస్ షర్మిల తీవ్ర స్థాయిలో విరుచుకుపడ్డారు. మంత్రి కేటీఆర్ తాజాగా రాజన్న సిరిసిల్ల జిల్లాలో పర్యటించిన విషయం తెలిసిందే. ఈ పర్యటనలో భాగంగా కేటీఆర్ చేసిన కామెంట్స్ ఆసక్తికరంగా మారాయి. కేటీఆర్ ఏమన్నారంటే.. ఎన్నికల్లో మద్యం, డబ్బు పంచనని అన్నారు. అలాగే పోలీసులను నమ్ముకుని రాజకీయాలు చేయడం నాకు చేతకాదు అంటూ కేటీఆర్ అన్నారు. కాగా కేటీఆర్ వ్యాఖ్యలపై వైఎస్సాఆర్టీపీ అధినేత్రి వైఎస్ షర్మిల వ్యంగ్యంగా స్పందించారు.
ఎన్నికల్లో మద్యం, డబ్బు పంచను, పోలీసులను నమ్ముకుని రాజకీయాలు చేయడం నాకు చేతకాదు అన్న కేటీఆర్ కామెంట్స్ పై షర్మిల మాట్లాడుతూ.. కేటీఆర్ తీరు దెయ్యాలు వేదాలు వల్లించినట్లు ఉందని విమర్శించారు. పోలీసులను అడ్డుపెట్టుకోవడం లేదట, ఓటర్లకు డబ్బు, మద్యం పంచట్లేదట, చిన్నదొర చెప్పిన ఈ దశాబ్దపు పెద్ద జోక్ ఇదేనంటూ వ్యంగ్యాస్త్రాలు సంధించారు షర్మిల.
.
పోలీసులు అడ్డు లేనిదే అడుగు కూడా బయట పెట్టలేనోడు.. ముందుగానే ప్రశ్నించే గొంతులను హౌజ్ అరెస్టులు చేయించేటోడు.. అడ్డం పొడుగు మాటలు చెప్తే నమ్మే పిచ్చోళ్లు కాదు తెలంగాణ ప్రజలు అంటూ తీవ్రస్థాయిలో విరుచుకుపడింది ఆమె. . అన్నం పెట్టే రైతుకు బేడీలు వేసి, చంటి బిడ్డల తల్లులు అని చూడకుండా జైళ్లకు పంపిన హింసాత్మక పాలన మీది అని బీఆర్ఎస్ ప్రభుత్వాన్ని ఓ రేంజ్ లో ఆడుకుంది. పోలీసు వ్యవస్థను మీ బానిస వ్యవస్థగా మార్చారని ఆమె విమర్శించారు.
అయ్యా చిన్న దొర కేటీఆర్.. మీరు నిజంగా సుద్ధపూసలే అయితే ఈ ప్రశ్నలకు సమాధానం చెప్పు. నేరెళ్ళలో దళితులపై పోలీసులను అడ్డుపెట్టుకొని థర్డ్ డిగ్రీ ప్రయోగించలేదా? ఇప్పటికీ నువ్వు సిరిసిల్ల పోతే 7 ఏళ్లుగా ఆ నేరెళ్ల మొత్తం హౌజ్ అరెస్ట్ చేయడం లేదా..? మిడ్ మానేర్ ముంపు బాధితులు న్యాయ మడిగితే అరెస్టులు చేయలేదా? నిన్న గాక మొన్న వరంగల్ వెళ్తే విద్యార్థి నాయకులను, ప్రతిపక్ష నేతలను ముందస్తు అరెస్టులు చేయించలేదా? నీ సభల కోసం జనాలు రాకపోతే పథకాలు కట్ అని బెల్లంపల్లిలో బెదిరించలేదా?? డబ్బు, మద్యం పంచనని దొంగ మాటలు చెప్పే దొర గారు.. మొన్నే జరిగిన సిరిసిల్ల కోఆపరేటివ్ సొసైటీ ఎన్నికల్లో డబ్బులు పంచలేదా? మద్యం పారించలేదా? మునుగోడు,నాగార్జున సాగర్ ఉప ఎన్నికల్లో ఓటుకు 10వేలు పంచింది మీ సారథ్యంలోనే కదా అంటూ వైఎస్ షర్మిల ప్రశ్నల వర్షం కురిపించింది.
Read More: Amazing in The Sky: నేడు కృష్ణాజిల్లాలో అద్భుతం.. మళ్లీ 200 సంవత్సరాల తర్వాత అలాంటి దృశ్యం?
Follow us
