New Ration Cards : తెలంగాణ ప్రజలకు ప్రభుత్వం శుభవార్త.. ఒకే రోజు లక్ష కొత్త రేషన్ కార్డులు

New Ration Cards

New Ration Cards : ఒకే రోజు లక్ష రేషన్ కార్డుల పంపిణీకి తెలంగాణ కాంగ్రెస్ ప్రభుత్వం సిద్ధమైంది. పేదల ఆకాంక్షలు నెరవేర్చేందుకు సీఎం రేవంత్ రెడ్డి కీలక నిర్ణయం తీసుకున్నారు. పదేళ్ల నిరీక్షణకు తెర దించుతూ, మార్చి 1న కొత్త రేషన్ కార్డులను పంపిణీ చేయాలని ప్రభుత్వం అధికారులను ఆదేశించింది. రాష్ట్రవ్యాప్తంగా వేలాది కుటుంబాలకు ఇది కొత్త వెలుగులు నింపబోతోంది.

ఎమ్మెల్సీ ఎన్నికల నేపథ్యంలో కొన్ని జిల్లాల్లో ఎలక్షన్ కోడ్ అమల్లో ఉన్నప్పటికీ, హైదరాబాదు, ఉమ్మడి రంగారెడ్డి, మహబూబ్‌నగర్ జిల్లాల్లో రేషన్ కార్డుల పంపిణీకి విరామంలేకుండా ప్రభుత్వం ముందుకెళ్తోంది. రాష్ట్రంలోని మిగిలిన జిల్లాల్లో మార్చి 8 తర్వాత పంపిణీ చేపట్టాలని నిర్ణయించారు. జనవరి 26న ప్రభుత్వం మొదటి విడతగా ఎంపిక చేసిన గ్రామాల్లో 16,900 కొత్త రేషన్ కార్డులను పంపిణీ చేసిన సంగతి తెలిసిందే. ఇప్పుడు ఈ ప్రక్రియను వేగవంతం చేస్తూ, మరింత మందికి ప్రయోజనం చేకూర్చేలా లక్ష రేషన్ కార్డులను పంపిణీ చేయనుంది.

 Astrology : ఈ రాశివారికి నేడు ఆర్థికంగా మెరుగైన రోజుగా ఉంటుంది

తెలంగాణలో ప్రస్తుతం 90 లక్షల రేషన్ కార్డులు ఉండగా, 2.81 కోట్ల మంది లబ్ధిదారులుగా ఉన్నారు. కొత్తగా దరఖాస్తు చేసినవారిలో అర్హులైన వారికి కార్డులు మంజూరు చేసేందుకు అధికారులు నిరంతరం శ్రమిస్తున్నారు. మొత్తం 6 లక్షల కొత్త కార్డులు జారీ అయ్యే అవకాశముండగా, తొలి విడతలో లక్ష కార్డులను అందజేసి ప్రజల నమ్మకాన్ని నిలబెట్టుకోవాలని సీఎం రేవంత్ రెడ్డి స్పష్టం చేశారు.

ప్రభుత్వం తీసుకుంటున్న ఈ నిర్ణయం పేదలకు భరోసా కల్పించేలా ఉండనుంది. రేషన్ కార్డుల ద్వారా పేద కుటుంబాలకు అండగా నిలుస్తూ, ప్రభుత్వం తమ సంక్షేమ పాలనకు మరోసారి ముద్ర వేసింది. నిత్యావసర వస్తువుల భారం తగ్గించేందుకు, ఆహార భద్రతను కల్పించేందుకు రేషన్ కార్డులు కీలకం. ఈ నేపథ్యంలో రేషన్ కార్డుల పంపిణీని వేగంగా, పారదర్శకంగా పూర్తి చేయాలని సీఎం అధికారులకు కఠినంగా ఆదేశించారు.

కార్డుల పంపిణీ సమయంలో ఎటువంటి అవినీతి చోటుచేసుకోకుండా, అర్హులైన ప్రతి ఒక్కరికీ కార్డు అందేలా చర్యలు తీసుకోవాలని సూచించారు. రాష్ట్రవ్యాప్తంగా ఈ కార్యక్రమాన్ని ప్రజా ఉత్సవంగా మార్చాలని, ప్రతి లబ్ధిదారుని సంతోషంగా ఇంటికి పంపాలని ప్రభుత్వం లక్ష్యంగా పెట్టుకుంది. ఈ చర్య ద్వారా కాంగ్రెస్ ప్రభుత్వం ప్రజల్లో మరింతగా దగ్గరవుతుందని విశ్లేషకులు భావిస్తున్నారు.

పేదల బాగోగులే తమ ప్రథమ కర్తవ్యమని మంత్రివర్గ సమావేశాల్లో పలు మార్లు చెప్పిన సీఎం రేవంత్ రెడ్డి, ఈ కార్యక్రమాన్ని స్వయంగా పర్యవేక్షించనున్నారు. ప్రజలకు సంక్షేమ పథకాలు అందించడంలో వెనుకడుగులేదని మరోసారి నిరూపించుకునేందుకు తెలంగాణ ప్రభుత్వం ఈ నిర్ణయంతో ముందుకు దూసుకుపోతోంది. రేషన్ కార్డుల పంపిణీ అనంతరం, లబ్ధిదారుల సంతృప్తిని అంచనా వేసేందుకు ప్రత్యేకంగా ఫీడ్‌బ్యాక్ మిషన్‌ను ఏర్పాటు చేయాలని కూడా అధికారులు ప్రతిపాదనలు సిద్ధం చేస్తున్నారు.

ప్రభుత్వం చేపడుతున్న ఈ మెగా రేషన్ కార్డు పంపిణీ ద్వారా తెలంగాణలో పేద ప్రజల జీవన ప్రమాణాలు మరింత మెరుగుపడతాయని, ఆహార భద్రతతో పాటు సామాజిక న్యాయం కూడా అందుబాటులోకి వస్తుందని భావిస్తున్నారు. మార్చి 1న లాంచనంగా జరిగే ఈ కార్యక్రమంతో, తెలంగాణలో సంక్షేమ పాలనకు కొత్త అధ్యాయం ప్రారంభమవుతుందనడంలో ఎటువంటి సందేహం లేదు.

 MLC Elections : నేటితో ముగియనున్న ఎమ్మెల్సీ ఎన్నికల ప్రచారం.. పోలింగ్‌ ఏర్పాట్లు ఇలా..!

Follow us