Revanth as BJP B-Team: బీజేపీ బీ-టీమ్‌గా రేవంత్, కవిత బెయిల్ రచ్చ

Jagadish Reddy on cm revanth

Revanth as BJP B-Team: ముఖ్యమంత్రి రేవంత్ రెడ్డి బీజేపీకి బి-టీమ్‌గా పనిచేస్తున్నారని బీఆర్ఎస్ నేత జగదీష్ రెడ్డి ఆరోపించారు. కాంగ్రెస్‌ను బీజేపీలో విలీనం చేయాలని ముఖ్యమంత్రి రేవంత్‌రెడ్డి భావిస్తున్నారని విమర్శించారు. ఎమ్మెల్సీ కవిత బెయిల్‌పై బీజేపీ, కాంగ్రెస్ చేసిన విమర్శలపై జగదీష్ రెడ్డి కౌంటర్ ఎటాక్ చేశారు. కవిత బెయిల్ పై మాట్లాడటం కాదని, సుప్రీంకోర్టు న్యాయమూర్తులను విమర్శిస్తున్నారని జగదీష్ రెడ్డి పేర్కొన్నారు. తెలంగాణలో కాంగ్రెస్, బీజేపీ కలిసి పనిచేస్తున్నాయని, మద్యం కుంభకోణం అనేది బూటకపు అంశమని సంచలన వ్యాఖ్యలు చేశారు జగదీష్ రెడ్డి.

కేసీఆర్, ఆమ్ ఆద్మీ పార్టీ అధినేత, ఢిల్లీ ముఖ్యమంత్రి అరవింద్ కేజ్రీవాల్‌లను అణగదొక్కేందుకు మద్యం కుంభకోణం పన్నిన కుట్ర అని ఆయన బిజెపిపై దాడి చేశారు. కవిత కేసు విచారణలో సుప్రీంకోర్టులో న్యాయమూర్తులు ప్రశ్నలు అడుగుతున్నప్పుడు సీబీఐ లాయర్ల వద్ద సమాధానం లేదని ఆరోపించారు. మద్యం కుంభకోణం బీజేపీ కుట్ర అని, తెలంగాణలో మోడీ డైరెక్షన్‌ ప్రకారమే రేవంత్‌రెడ్డి పనిచేస్తున్నారని ఇప్పటికే అర్థమైందని వ్యాఖ్యానించారు.

కవితపై తప్పుడు కేసులు పెట్టి బీజేపీ శాడిస్టు ఆనందాన్ని పొందిందని ఆరోపించారు. కర్ణాటకలో వాల్మీకి కుంభకోణంపై బీజేపీ మౌనం వహించడాన్ని ఆయన ప్రశ్నించారు. తెలంగాణ కాంగ్రెస్ నేతల ఖాతాలోకి రూ.45 కోట్లు వచ్చాయి. అయినప్పటికీ బిజెపి దానిని ప్రశ్నించలేదని అన్నారు.రెండు పార్టీల మధ్య అనుబంధం ఉందని మాకు స్పష్టంగా తెలుస్తుందని జగదీష్ రెడ్డి చెప్పారు. అంతకుముందు వాల్మీకి కుంభకోణంపై ఈడీ మౌనంపై కేటీఆర్ ప్రశ్నలను లేవనెత్తారు. ఇక్కడ కాంగ్రెస్‌ను ఎవరు కాపాడుతున్నారు అంటూ కామెంట్స్ చేశారు.

Also Read: Khushi 2 : ఖుషి 2 రిజెక్ట్ చేసిన పవన్ కళ్యాణ్.. ఎందుకంటే..?

Follow us