Rajiv Yuva Vikasam: రూ.50వేల యూనిట్‌పై 100 శాతం రాయితీ.. దరఖాస్తు ప్రక్రియ, అర్హతలివీ

రాయితీలు.. ఎవరికి ఎంత ? 

• రాజీవ్ యువ వికాసం(Rajiv Yuva Vikasam) పథకం ద్వారా  నాలుగు రకాల యూనిట్లను మంజూరు చేస్తారు. రూ.50వేలలోపు, రూ.50వేల నుంచి రూ.1 లక్షలోపు, రూ.1లక్ష నుంచి  రూ.2 లక్షలలోపు,  రూ.2 లక్షల నుంచి రూ.3 లక్షలలోపు అనే యూనిట్లు ఉంటాయి.
• యూనిట్‌ విలువను బట్టి ఆయా లబ్ధిదారులకు అందే రాయితీ మారిపోతుంది. రాయితీపోను మిగతా మొత్తాన్ని బ్యాంకు రుణం ద్వారా అందిస్తారు. లబ్ధిదారుడి వాటా ఉండదు.
• రూ.50 వేలలోపు యూనిట్‌ను పొందే వారికి ప్రభుత్వం 100 శాతం రాయితీ ఇస్తుంది.
• రూ.50,001 నుంచి రూ.లక్ష యూనిట్‌‌ను పొందే వారికి  90 శాతం రాయితీ లభిస్తుంది.
• రూ.1,00,001-రూ.2లక్షల యూనిట్‌ను పొందే వారికి  80 శాతం రాయితీ ఇస్తారు.
• రూ. 2 లక్షలకుపైన విలువ చేసే యూనిట్‌‌ను పొందే వారికి  70 శాతం రాయితీ ఇస్తారు.

Also Read :California Almonds : మెరుగైన ఆరోగ్యం పొందడానికి అత్యంత సహజమైన విధానం

దరఖాస్తు ప్రక్రియ ఇదీ.. 

• నిరుద్యోగ యువతీ యువకులు http://tgobmms.cgg.gov.in వెబ్‌సైట్‌కు లాగిన్ అయి ఏప్రిల్‌ 5లోగా దరఖాస్తు చేసుకోవాలి.
• ఈ పథకానికి మార్చి 17 నుంచే దరఖాస్తుల స్వీకరణ ప్రారంభమైంది.
• దరఖాస్తు ఫామ్‌ను డౌన్‌లోడ్‌ చేసుకుని, అర్హత పత్రాలతోపాటు హార్డ్‌ కాపీని సంబంధిత అధికారులకు అందజేయాలి.
• గ్రామీణ ప్రాంతాల లబ్ధిదారులు ఎంపీడీవో కార్యాలయంలో, పట్టణ ప్రాంతాల వారు పురపాలక సంఘాల్లో, నగరాల్లో ఉండేవారు నగరపాలక సంస్థ జోనల్‌ కార్యాలయాల్లో దరఖాస్తు కాపీలను సమర్పించాలి.
• ఏప్రిల్‌ 6 నుంచి మే 20 వరకు మండల స్థాయిలో దరఖాస్తులను పరిశీలిస్తారు. ఎంపిక చేసిన దరఖాస్తులను జిల్లా స్థాయి పరిశీలనకు పంపుతారు.
• మే 21 నుంచి 31 వరకు జిల్లా స్థాయిలో దరఖాస్తుల పరిశీలన ఉంటుంది. అక్కడ ఎంపిక చేసిన లబ్ధిదారుల జాబితాను జిల్లా ఇన్‌‌ఛార్జి మంత్రికి పంపుతారు.
• మంత్రి ఆమోదం పొందిన దరఖాస్తులను ఈ పథకంలో లబ్ధికి ఎంపిక చేస్తారు.
• తెలంగాణ ఆవిర్భావ వారోత్సవాల సందర్భంగా జూన్‌ 2 నుంచి 9 వరకు లబ్ధిదారులకు మంజూరు పత్రాలను అందజేస్తారు.
• లబ్ధిదారులకు వారం నుంచి పక్షం రోజుల పాటు స్వయం ఉపాధిలో శిక్షణ ఇస్తారు. రాయితీ విడుదలైన 16 రోజుల్లోగా లబ్ధిదారుడు బ్యాంకు ఖాతాను తెరవాలి.

అర్హులు ఎవరు ? 

• ఎస్సీ, ఎస్టీ, బీసీ, ఎంబీసీ, బీసీ ఫెడరేషన్ల సభ్యు లు, మైనారిటీ, క్రిస్టియన్‌ మైనారిటీ ఫెడరేషన్లు, ఈబీసీ వర్గాల వారు రాజీవ్‌ యువ వికాసం కోసం అప్లై చేయొచ్చు.
• దరఖాస్తుదారుల వయసు 21 నుంచి 55 ఏళ్లలోపు ఉండాలి.
• వ్యవసాయ అనుబంధ రంగాల్లో యూనిట్లు ఏర్పాటు చేసుకునే వారికి గరిష్ఠ వయోపరిమితి 60 సంవత్సరాలు. వీరికి పట్టాదార్‌ పాస్‌పుస్తకం తప్పనిసరి.
• రవాణా రంగానికి సంబంధించిన యూనిట్‌ను ఏర్పాటు చేసేవారికి డ్రైవింగ్‌ లైసెన్సు ఉండాలి.
• దివ్యాంగులకు సదరం సర్టిఫికెట్‌ ఉండాలి.
• దరఖాస్తుదారులకు రేషన్‌కార్డు తప్పనిసరి.రేషన్‌ కార్డు లేకుంటే ఆదాయ ధ్రువ పత్రాన్ని సమర్పించాలి.
• వార్షికాదాయం గ్రామీణ ప్రాంతాల్లో రూ.1.5 లక్షలు, పట్టణ ప్రాంతాల్లో రూ.2 లక్షలకు మించకుండా ఉండాలి.
• ఆధార్‌కార్డు, కుల ధ్రువీకరణ పత్రం తప్పనిసరి.తెలంగాణ ఏర్పాటైన తర్వాత జారీ అయిన కుల ధ్రువీకరణ పత్రాలనే పరిగణనలోకి తీసుకుంటారు.
• దరఖాస్తు సమయంలో పాస్‌పోర్టు సైజు ఫొటోను అప్‌లోడ్‌ చేయాలి.