Lok Sabha 2024: వరంగల్ టికెట్ ఉద్యమ నేతకే.. కేసీఆర్ తంటాలు

Lok Sabha 2024: దేశంలో లోకసభ ఎన్నికలకు సమయం దగ్గర పడుతుంది. ఇందుకోసం ఆయా పార్టీలు తమ అభ్యర్థుల్ని ప్రకటించి ఎన్నికల ప్రచారాన్ని కూడా షురూ చేశాయి. అయితే తెలంగాణలో అధికారం కోల్పోయిన గులాబీ పార్టీకి వరంగల్ స్థానం తలనొప్పిగా మారింది. వరంగల్ లోక్‌సభ నియోజక వర్గానికి బీఆర్ఎస్ పార్టీ అభ్యర్థి కడియం కావ్య తప్పుకోవడంతో ఇప్పుడా స్థానం నుంచి ఎవర్ని నిలబెట్టాలోనని పార్టీ అధినేత కేసీఆర్ నానా తంటాలు పడుతున్నారు. స్టేషన్‌ఘన్‌పూర్‌ మాజీ ఎమ్మెల్యే రాజయ్య ఎన్నికల్లో పోటీ చేసేందుకు ఆసక్తి కనబరుస్తుండగా, తెలంగాణ ఉద్యమంలో పాల్గొన్న నేతకే ఆ స్థానాన్ని కేటాయించాలన్న జిల్లా స్థాయి నేతలు డిమాండ్ చేస్తున్నారు.

వరంగల్ లో పోటీకి దింపేందుకు బలమైన నాయకుడి కోసం కేసీఆర్ వెతుకుతున్నట్లు సమాచారం. ఇద్దరు ముఖ్య నేతలు ఆరూరి రమేష్, ఎంపీ పసునూరి దయాకర్ పార్టీని వీడారు. రమేష్ బీజేపీలో చేరగా, దయాకర్ కాంగ్రెస్‌లోకి మారారు. సీనియర్ నేత శ్రీహరి కుమార్తె కడియం కావ్యను పార్టీ గతంలోనే ప్రతిపాదించింది. అయితే ఇద్దరూ పార్టీని వీడి కాంగ్రెస్‌లో చేరి టిక్కెట్లు దక్కించుకున్నారు. దీంతో కేసిఆర్ రంగంలోకి దిగి రాష్ట్ర, జిల్లా నేతలతో చర్చిస్తున్నారు. నియోజకవర్గంలో సీనియర్‌ నేత హరీశ్‌రావు ఆధ్వర్యంలో తాజాగా నిర్వహించిన సమీక్షా సమావేశంలో తెలంగాణ ఉద్యమంలో పాల్గొన్న ఎవరికైనా అవకాశం ఇవ్వాలని బీఆర్‌ఎస్ కార్యకర్తలు స్పష్టం చేశారు.

We’re now on WhatsApp. Click to Join

ఆయా రామ్‌ గయా రామ్‌ తరహా నేతలను ప్రోత్సహించబోమని పార్టీ స్పష్టమైన సందేశం ఇవ్వాలని కోరారు. ఇప్పటికే బీజేపీ, కాంగ్రెస్ అభ్యర్థులు ప్రచారం ప్రారంభించినందున హైకమాండ్‌ను త్వరలో ప్రకటించాలని కోరుతున్నారు. పెద్ది సుదర్శన్ రెడ్డి భార్య అయిన పెద్ది స్వప్న పేర్లను పార్టీ పరిశీలిస్తున్నట్లు సమాచారం. పల్లారాజేశ్వర్ రెడ్డి ఆధ్వర్యంలో వరంగల్ నేతల సమావేశం నిర్వహించారు. పలువురి పేర్లపై నేతలు చర్చించనున్నారు. కాకతీయ యూనివర్సిటీ నుంచి ప్రొ. పుల్లా శ్రీనివాస్‌, హన్మకొండజిల్లా పరిషత్‌ చైర్మన్‌ డాక్టర్‌ సుధీర్‌ పేర్లను పార్టీ పరిశీలిస్తోంది. పుల్లాశ్రీనివాస్‌కు ఆర్‌ఎస్‌ ప్రవీణ్‌కుమార్‌, డి వినయ్‌భాస్కర్‌ మద్దతు ఉన్నట్లు సమాచారం. సుధీర్ పార్టీ పెట్టినప్పటి నుంచి పార్టీలో కొనసాగుతున్నారు.

Also Read: Sreemukhi: బుట్ట బొమ్మలా మెరిసిపోతున్న శ్రీముఖి.. రోజురోజుకీ మరింత అందంగా!