1 Killed : అమెరికాలో స్విమ్మింగ్‌పూల్‌లో ప‌డి హైద‌రాబాద్ వ్య‌క్తి మృతి

Deaths

అమెరికాలో హైదరాబాద్‌కు చెందిన 31 ఏళ్ల వ్యక్తి ప్రమాదవశాత్తూ స్విమ్మింగ్ పూల్‌లో పడి మునిగి మృతి చెందినట్లు అతని కుటుంబసభ్యులకు సమాచారం అందింది. ఫ్లోరిడా రాష్ట్రంలోని పినెల్లాస్‌ పార్క్‌లో ఫుడ్‌ డెలివరీ బాయ్‌గా పనిచేస్తున్న మహమ్మద్‌ ముస్తఫా షరీఫ్‌ ఆహారం అందించి తిరిగి వస్తుండగా స్విమ్మింగ్‌ పూల్‌లోకి జారిపడి మృతి చెందినట్లు సమాచారం. ముస్త‌ఫా ష‌రీఫ్‌కు భార్య, ఇద్దరు కుమారులు, మ‌రో ఐదు నెలల చిన్న పిల్లవాడు ఉన్నారు. హైదరాబాద్ సమీపంలోని రంగారెడ్డి జిల్లా మల్లాపూర్‌కు చెందిన షరీఫ్ తొమ్మిది నెలల క్రితమే అమెరికా వెళ్లాడు. అమితు అక్క‌డ డెలివ‌రీబాయ్‌గా పార్ట్‌టైమ్ జాబ్ చేస్తున్నాడు. ఈ స‌మ‌యంలో ప్ర‌మాద‌వ‌శాత్తు ష‌రీఫ్ స్విమ్మింగ్‌పూల్లో ప‌డి మృతి చెందాడు. వాషింగ్టన్‌లోని భారత రాయబార కార్యాలయాన్ని, అట్లాంటాలోని భారత కాన్సులేట్‌ను సహాయం అందించాల్సిందిగా అతని కుటుంబం విదేశాంగ మంత్రి ఎస్. జైశంకర్‌ను అభ్యర్థించింది. మృతుడి తల్లిదండ్రులు, అత్తమామలకు అంత్యక్రియలకు హాజరు కావడానికి అత్యవసర వీసాలు మంజూరు చేయాలని న్యూ ఢిల్లీలోని యుఎస్ ఎంబసీని మరియు అట్లాంటాలోని ఇండియన్ కాన్సులేట్ జనరల్‌ను కోరాలని వారు మంత్రిని అభ్యర్థించారు. మజ్లిస్ బచావో తెహ్రీక్ (MBT) నాయకుడు అమ్జెద్ ఉల్లా ఖాన్ షరీఫ్ కుటుంబ సభ్యులను కలిసి వారిని ఓదార్చారు.

We’re now on WhatsApp. Click to Join.

Follow us