Vivo Y36: మార్కెట్ లోకి సరికొత్త వివో స్మార్ట్ ఫోన్.. ధర, ఫీచర్స్ ఇవే?
చైనాకు చెందిన ప్రముఖ స్మార్ట్ ఫోన్ల తయారీ సంస్థ వివో గురించి మనందరికీ తెలిసిందే. ఇప్పటికే ఎన్నో రకాల ఆండ్రాయిడ్ ఫోన్ లను అద్భుతమైన ఫీచర్లతో
- Author : Anshu
Date : 22-06-2023 - 7:06 IST
Published By : Hashtagu Telugu Desk
చైనాకు చెందిన ప్రముఖ స్మార్ట్ ఫోన్ల తయారీ సంస్థ వివో గురించి మనందరికీ తెలిసిందే. ఇప్పటికే ఎన్నో రకాల ఆండ్రాయిడ్ ఫోన్ లను అద్భుతమైన ఫీచర్లతో మార్కెట్లోకి విడుదల చేసిన విషయం తెలిసిందే. కాగా వివో సంస్థ వినియోగదారులను దృష్టిలో ఉంచుకొని ఎప్పటికప్పుడు మార్కెట్లోకి రకరకాల మొబైల్ ఫోన్ లను తీసుకువస్తోంది. ఇప్పటికే అనేక స్మార్ట్ ఫోన్ లను విడుదల చేసిన వివో సంస్థ తాజాగా మరో సరికొత్త స్మార్ట్ ఫోన్ మార్కెట్లోకి విడుదల చేసింది. ఆ వివరాల్లోకి వెళితే.. వివో వై సిరీస్లో వివో వై 36 స్మార్ట్ ఫోన్ ని మార్కెట్ లోకి విడుదల చేసింది.
ఈ స్మార్ట్ ఫోన్ మనకు ఫ్లిప్కార్ట్, వివో ఇండియా ఇ-స్టోర్ ఇతర రిటైల్ స్టోర్లలో కొనుగోలు చేయవచ్చు. ఇదే విషయాన్ని కంపెనీ ఒక ప్రకటనలో తెలిపింది. సన్లైట్-రీడబుల్ డిస్ప్లే అంటే ప్రకాశవంతమైన సూర్యకాంతిలో కూడా స్మార్ట్ ఫోన్ను ఉపయోగించడం ఈజీ అని పేర్కొంది. ఇకపోతే ఈ స్మార్ట్ ఫోన్ ధర ఫీచర్ల విషయం వస్తే.. 8జీబీ ర్యామ్128జీబీ స్టోరేయ్ వేరియంట్ కలిగిన ఈ ఫోన్ ధర రూ. 16,999గా ఉంది. డైనమిక్ డ్యూయల్ రింగ్ డిజైన్తో వస్తున్న ఈ స్మార్ట్ ఫోన్ వైబ్రాంట్ గోల్డ్, మెటోర్ బ్లాక్ వంటి రెండు కలర్స్ లలో లభిస్తోంది.
ఐసీఐసీఐ హెచ్డీఎఫ్సి కార్డ్ ద్వారా జరిపే కొనుగోళ్లపై రూ. 500 తగ్గింపు ధరతో లభిస్తోంది. వివో వై36 ఫీచర్ ల విషయానికి వస్తే.. 6.64-అంగుళాల FHD+ హై-క్వాలిటీ డిస్ప్లే, 90Hz రిఫ్రెష్ రేట్, 240Hz టచ్ శాంప్లింగ్ రేట్, స్నాప్డ్రాగన్ 680 ప్రాసెసర్, 50 + 2 ఎంపీ రియర్ కెమెరా తో రానుంది. ఆరా స్క్రీన్ లైట్తో 16ఎంపీ ఫ్రంట్ కెమెరాతో పాటు 5000mAh బ్యాటరీ సామర్ధ్యాన్ని కలిగి ఉండనుంది. అలాగే 44W ఫ్లాష్ ఛార్జ్ తో రానుంది.
Follow us
