Tecno Spark 20: టెక్నో స్పార్క్ 20 సేల్స్ షురూ..ధర,ఫీచర్స్ ఇవే?
చైనాకు చెందిన ప్రముఖ స్మార్ట్ ఫోన్ దిగ్గజం టెక్నో మార్కెట్ లోకి ఇప్పటికీ ఎన్నో రకాల స్మార్ట్ ఫోన్లను విడుదల చేసిన విషయం తెలిసిందే. అతి తక్
- Author : Anshu
Date : 02-02-2024 - 4:00 IST
Published By : Hashtagu Telugu Desk
చైనాకు చెందిన ప్రముఖ స్మార్ట్ ఫోన్ దిగ్గజం టెక్నో మార్కెట్ లోకి ఇప్పటికీ ఎన్నో రకాల స్మార్ట్ ఫోన్లను విడుదల చేసిన విషయం తెలిసిందే. అతి తక్కువ దొరికే అద్భుతమైన ఫీచర్లు కలిగిన స్మార్ట్ ఫోన్లను మార్కెట్లోకి విడుదల చేస్తూ ఎప్పటికప్పుడు వినియోగదారుల దృష్టిని ఆకర్షిస్తోంది. ఇప్పటికే మార్కెట్లోకి విడుదల చేసిన ఫోన్ లతో పాటు కొత్త కొత్త స్మార్ట్ ఫోన్లను మార్కెట్లోకి విడుదల చేస్తూనే ఉంది. ఇది ఇలా ఉంటే ఇండియాలోకి గత వారం ఒక బడ్జెట్ ఫ్రెండ్లీ స్మార్ట్ఫోన్ని లాంచ్ చేసిన విషయం తెలిసిందే. దీని పేరు టెక్నో స్పార్క్ 20. ఇక ఇప్పుడు ఈ గ్యాడ్జెట్ సేల్స్ అధికారికంగా మొదలయ్యాయి.
మరి ఈ టెక్నో స్పార్క్ 20 స్మార్ట్ఫోన్ ఫీచర్స్, ధర గురించి ఇప్పుడు మనం తెలుసుకుందాం.. టెక్నో స్పార్క్ 20 స్మార్ట్ఫోన్లో పంచ్ హోల్ కటౌట్ ఉంటుంది. 90 హెచ్జెడ్ రిఫ్రెష్ రేట్తో కూడిన 6.56 ఇంచ్ హెచ్డీ+ డిస్ప్లే దీని సొంతం. ఇందులో హీలియో జీ85 ప్రాసెసర్ ఉంటుంది. 8జీబీ ర్యామ్ 128జీబీ/ 256జీబీ స్టోరేజ్ ఆప్షన్స్ లభిస్తున్నాయి. 5000 ఎంఏహెచ్ బ్యాటరీతో పాటు 18వాట్ ఛార్జింగ్ సపోర్ట్ ఈ బడ్జెట్ ఫ్రెండ్లీ స్మార్ట్ఫోన్కి లభిస్తోంది. ఆండ్రాయిడ్ 13 ఆధారిత హెచ్ఐఓఎస్ సాఫ్ట్వేర్పై ఈ టెక్నో స్పార్క్ 20 పనిచేస్తుంది. సైడ్ ఫేసింగ్ ఫింగర్ప్రింట్ స్కానర్, డీటీఎస్- ఎనేబుల్డ్ డ్యూయెల్ స్పీకర్స్, 3.5ఎంఎం ఆడియో జాక్, మైక్రోఎస్డీ కార్డ్ స్లాట్ వంటి కనెక్టివిటీ ఫీచర్స్ ఇందులో ఉన్నాయి.
ఈ బడ్జెట్ ఫ్రెండ్లీ స్మార్ట్ఫోన్ రేర్లో 50ఎంపీ కెమెరా ఉంటుంది. ఏఐ లెన్స్, డ్యూయెల్ ఎల్ఈడీ ఫ్లాష్ కూడా రేర్లో కనిపిస్తుంది. సెల్ఫీ, వీడియో కాల్స్ కోసం 32ఎంపీ ఫ్రెంట్ కెమెరా వస్తోంది. వీటిని చూస్తే చాలు.. ఇది పక్కా బడ్జెట్ ఫ్రెండ్లీ స్మార్ట్ఫోన్ అని అర్థమైపోతుంది. టెక్నో స్పార్క్ 20లో రెండు వేరియంట్స్ ఉంటాయి. 8జీబీ ర్యామ్ 128జీబీ స్టోరేజ్ వేరియంట్ ధర రూ. 10,499 గా ఉంది. ఇక 8జీబీ ర్యామ్- 256 జీబీ స్టోరేజ్ వేరియంట్ ధర రూ. 11,499. గ్రావిటీ బ్లాక్, సైబర్ వైట్, నియాన్ షైన్, బ్లూ మేజిక్ స్కిన్ వంటి కలర్స్లో ఈ గ్యాడ్జెట్స్ అందుబాటులోకి వచ్చాయి. అయితే ఒక మంచి బడ్జెట్ ఫ్రెండ్లీ స్మార్ట్ఫోన్ కొనాలని చూస్తున్న వారు అమెజాన్లో ఈ టెక్నో స్పార్క్ 20ని బుక్ చేసుకోవచ్చు. లేదంటే సంస్థకు చెందిన రీటైల్ ఔట్లెట్స్కి వెళ్లి కూడా కొనుగోలు చేసుకోవచ్చు. ఈ రెండు స్మార్ట్ఫోన్స్పైనా రూ. 1000 వరకు లిమిటెడ్ బ్యాంక్ డిస్కౌంట్స్ సైతం లభిస్తున్నాయి.
Follow us
