Samsung Galaxy S25: వామ్మో.. ఈ స్మార్ట్ ఫోన్ స్టార్టింగ్ ధ‌రే రూ. 85,000!
ఈ ఈవెంట్ జనవరి 22న నిర్వహించనున్నారు. దీనిలో భాగంగా భారతదేశంలో తన ఫ్లాగ్‌షిప్ మోడల్ Samsung Galaxy S25 సిరీస్‌ను పరిచయం చేయడానికి సన్నాహాలు చేస్తోంది.
- By Gopichand Published Date - 06:54 PM, Tue - 21 January 25
Samsung Galaxy S25: శామ్ సంగ్ (Samsung Galaxy S25) 2025 సంవత్సరంలో తన అతిపెద్ద టెక్ ఈవెంట్ కోసం పూర్తి సన్నాహాలు చేసింది. శామ్ సంగ్ మునుపటి ప్రకటన ప్రకారం.. ఈ ఈవెంట్ జనవరి 22న నిర్వహించనున్నారు. దీనిలో భాగంగా భారతదేశంలో తన ఫ్లాగ్‌షిప్ మోడల్ Samsung Galaxy S25 సిరీస్‌ను పరిచయం చేయడానికి సన్నాహాలు చేస్తోంది. ఇప్పటికే చాలా దేశాల్లో లాంచ్ అయిన ఈ మోడల్ ఇండియాలో ఎప్పుడు లాంచ్ అవుతుందా అని టెక్ నిపుణులు ఆసక్తిగా ఎదురుచూస్తున్నారు. ఈ నిరీక్షణ ఇప్పుడు ముగియనుంది. ఈ ఈవెంట్‌లో శామ్‌సంగ్ ఈ ఫ్లాగ్‌షిప్ మొబైల్‌కు చెందిన కనీసం 3 మోడళ్లను విడుదల చేసే అవకాశం ఉంది. మీడియా నివేదికల ప్రకారం.. ఈ ఈవెంట్‌లో Galaxy S25, Galaxy S25+, Galaxy S25 అల్ట్రా మోడల్‌లను విడుదల చేయవచ్చు.
ఈ మోడళ్ల సాధ్యమైన ధర రూ. 85,000 నుండి రూ. 1,00,000 వరకు ఉండవచ్చని మీడియా నివేదికలలో కూడా పేర్కొన్నారు. ఇదే జరిగితే ఇది మునుపటి Galaxy S సిరీస్ ఫోన్‌ల కంటే చాలా ఎక్కువ. శాంసంగ్ ఈవెంట్‌లో మొబైల్ లాంచ్ అయిన తర్వాత మాత్రమే అధికారిక ధర తెలుస్తుంది. అయితే ప్రస్తుతం భారతీయ మార్కెట్లో లీక్ అయ్యే అవకాశం ఉన్న ధరను మాత్రమే మేము చెబుతున్నామ‌ని గుర్తుంచుకోండి.
Also Read: Venu Swamy: నాగ చైత‌న్య‌పై అనుచిత వ్యాఖ్య‌లు.. బహిరంగంగా క్షమాపణలు చెప్పిన వేణు స్వామి
ఇది మూడు మోడళ్లకు సాధ్యమయ్యే ధర?
Tipster Tarun Vats భారతీయ మార్కెట్లో Samsung Galaxy S25 సిరీస్ మోడళ్ల సాధ్యమైన ధరలను లీక్ చేసింది. తరుణ్ వాట్స్ ఈ ధరలను స్థానిక రిటైలర్ల కోసం వివరణాత్మక నోట్‌తో పాటు లీక్ చేసినట్లు ఇండియా టుడే నివేదిక పేర్కొంది. ఈ ధరలు ఇలా ఉన్నాయి.
- Samsung Galaxy S25 ధర: ఈ మొబైల్‌ను 12GB RAM + 256GB స్టోరేజ్ మోడల్‌కు రూ. 84,999. 12GB RAM + 512GB స్టోరేజ్ మోడల్‌కు రూ. 94,999 ధరతో విడుదల చేయవచ్చని స‌మాచారం.
- Samsung Galaxy S25+ ధర: ఈ మొబైల్ కోసం 12GB RAM + 256GB స్టోరేజ్ ఉన్న మోడల్ మార్కెట్లో రూ. 1,04,999కి అందుబాటులో ఉండొచ్చు. 12GB RAM + 512GB స్టోరేజ్ ఉన్న మోడల్ మార్కెట్లో రూ. 1,04,999కు అందుబాటులో ఉంటుందని క్లెయిమ్ చేసింది.
- Samsung Galaxy S25 Ultra ధర: ఈ మొబైల్ 12GB RAM + 256GB స్టోరేజ్ ఉన్న మోడల్‌కు రూ. 1,34,999 కాగా 16GB + 512GB స్టోరేజ్ ఉన్న మోడల్‌కు రూ. 1,44,999, మోడల్‌కు రూ. 1,64,999 అని క్లెయిమ్ చేసింది.
Galaxy S24 సిరీస్ ధరలు ఏమిటి?
ఇంతకుముందు Samsung Galaxy S24 సిరీస్ భారతదేశంలో లాంచ్ చేశారు. వీటి ధరలు ఈ సిరీస్ కంటే చాలా తక్కువగా ఉన్నాయి. ఆ సిరీస్ తక్కువ ధరలతో భారతదేశంలో ప్రారంభించారు.
- Samsung Galaxy S24 (8GB RAM + 256GB స్టోరేజ్) మోడల్ ధర రూ.79,999కి అందుబాటులో ఉంది.
- Galaxy S24+ (12GB RAM + 256GB స్టోరేజ్) మోడల్ ధర రూ.99,999కి అందుబాటులో ఉంది.
- Galaxy S24 Ultra (12GB RAM + 256GB స్టోరేజ్) మోడల్ ధర రూ.1,29,999కి అందుబాటులో ఉంది.
