Hero Xoom Scooter: యాక్టివాకు పోటీగా మార్కెట్లోకి హీరో గ్జూమ్ స్కూటర్.. ధర, ఫీచర్స్ ఇవే?

టెక్నాలజీ బాగా డెవలప్ అవ్వడంతో వాహన వినియోగదారుల సంఖ్య కూడా అంతకంతకూ పెరిగిపోతోంది. దేశవ్యాప్తంగా నెలలో కొన్ని లక్షల సంఖ్యలో బైకులను వినియోగదారులు కొనుగోలు చేస్తూనే ఉన్నారు. ఈ నేపథ్యంలో నేను కొత్త కొత్త ఫీచర్ లు కలిగిన బైక్ లు మార్కెట్లోకి విడుదల అవుతూనే ఉన్నాయి. ఈ నేపథ్యంలోనే ప్రముఖ బైక్ తయారీ సంస్థ హీరో ఇటీవల తన సొంత స్కూటర్ ను లాంచ్ చేసింది. హీరో గ్జూమ్ పేరుతో లాంచ్ చేసింది. కాగా ఈ బైక్ హోండా యాక్టివాకు గట్టి పోటీనిస్తుందని మార్కెట్ వర్గాలు చెబుతున్నాయి.

అయితే ఇటీవల నిర్వహించిన ఆటో ఎక్స్ పో 2023 లో కంపెనీ ఈ స్కూటర్ ను ప్రదర్శనకు పెట్టింది. అలాగే ఈ స్కూటర్ బుక్సింగ్ కూడా ఫిబ్రవరి 1 నుంచి ప్రారంభం అయ్యాయి. అయితే తక్కువ ధరలో ఈఎంఐ మీద స్కూటర్ కొనాలనుకునే వారికి గ్జూమ్ స్కూటర్ ఓ మంచి ఆప్షన్ అని చెప్పవచ్చు. మరి ఈ స్కూటర్ ధర ఫీచర్ల గురించి ఇప్పుడు మనం తెలుసుకుందాం.. కాగా ఈ హీరో గ్జూమ్ స్కూటర్ మొత్తం మూడు వేరియంట్ లలో లభిస్తోంది. అవి ఎల్ఎక్స్, వీఎక్స్, జెడ్ఎక్స్ వేరియంట్లు. అలాగే ఢిల్లీ ధరలకు అనుగుణంగా ఈ స్కూటర్ ఆన్ రైడ్ ప్రైస్ ఎల్ఎక్స్ రూ.80,091, వీఎక్స్ రూ.83,615, జెడ్ఎక్స్ రూ.85,019 గా ఉన్నాయి.

ఈ స్కూటర్ ఎల్ ఎక్స్ ను కొనుగోలు చేయాలనుకుంటే 10 శాతం డౌన్ పేమెంట్ కట్టాక, మరో పది శాతం వడ్డీ కలుపుకుని నెలకు రూ.2326 చొప్పున మూడు సంవత్సరాల ఈఎంఐతో ఈ స్కూటర్ ను పొందవచ్చు. అదే వీఎక్స్ కూడా 10 శాతం డౌన్ పేమెంట్, 10 శాతం వడ్డీ వేసుకుంటే నెలకు రూ.2440 తో మూడు సంవత్సరాలు కడితే అప్పు తీరిపోతుంది. అయితే జెడ్ఎక్స్ తీసుకుంటే 9000 డౌన్ పేమెంట్ కట్టి, రూ.76,019 రుణానికి 10 శాతం వడ్డీతో కలిపి 36 నెలల కాలానికి నెలకు రూ.2453 చెల్లిస్తే స్కూటర్ మీ సొంతం అవుతుంది.