Oval Stadium: టీమిండియాను భయపెడుతున్న ఓవల్.. ఇప్పటివరకు 14 టెస్టు మ్యాచ్లు ఆడగా రెండు మ్యాచ్ల్లో మాత్రమే విజయం..!
ప్రపంచ టెస్ట్ ఛాంపియన్షిప్ ఫైనల్ మ్యాచ్కు కౌంట్డౌన్ ప్రారంభమైంది. రోహిత్ శర్మ సారథ్యంలోని భారత జట్టు జూన్ 7 నుంచి ఓవల్ మైదానం (Oval Stadium)లో ఆస్ట్రేలియాతో తలపడనుంది.
- Author : Gopi
Date : 03-06-2023 - 10:53 IST
Published By : Hashtagu Telugu Desk
Oval Stadium: ప్రపంచ టెస్ట్ ఛాంపియన్షిప్ ఫైనల్ మ్యాచ్కు కౌంట్డౌన్ ప్రారంభమైంది. రోహిత్ శర్మ సారథ్యంలోని భారత జట్టు జూన్ 7 నుంచి ఓవల్ మైదానం (Oval Stadium)లో ఆస్ట్రేలియాతో తలపడనుంది. అయితే, ఓవల్ మైదానం (Oval Stadium)లో టీమ్ ఇండియా రికార్డు చెప్పుకోదగిన విధంగా లేదు. 1971 నుండి ఈ మైదానంలో భారత జట్టు కేవలం రెండు విజయాలను మాత్రమే నమోదు చేయగలిగింది.
ఓవల్లో టీమిండియా రికార్డు
ఓవల్ మైదానంలో ఇప్పటి వరకు భారత జట్టు మొత్తం 14 టెస్టు మ్యాచ్లు ఆడగా అందులో కేవలం రెండు మ్యాచ్ల్లో మాత్రమే విజయం సాధించింది. అదే సమయంలో ఓవల్లోని ఈ మైదానంలో టీమిండియా 5 మ్యాచ్ల్లో ఓటమి చవిచూడగా, 7 మ్యాచ్లు డ్రా అయ్యాయి. అంటే గణాంకాల ప్రకారం.. ఈ మైదానం భారత జట్టుకు సరిపోదు. WTC ఫైనల్లో ఆస్ట్రేలియాను ఓడించడానికి రోహిత్ సేన చాలా కష్టపడాల్సి ఉంది.
Also Read: Wrestlers – Kapil Dev : రంగంలోకి 1983 టీమిండియా.. రెజ్లర్లకు ధైర్యం చెప్పిన కపిల్ సేన
చివరి విజయం 2021 సంవత్సరంలో
విరాట్ కోహ్లీ సారథ్యంలో ఓవల్ మైదానంలో భారత జట్టు చివరి విజయాన్ని రుచిచూసింది. 2021లో ఇంగ్లండ్తో జరిగిన టెస్టు మ్యాచ్లో భారత జట్టు 157 పరుగుల తేడాతో ఘన విజయం సాధించింది. 2021కి ముందు ఓవల్లో టీమిండియా సాధించిన ఏకైక సంవత్సరం 1971.
ఓవల్లో భారత్ 600కు పైగా స్కోరు చేసింది
అయితే ఓవల్ మైదానంలో భారత బ్యాట్స్మెన్ల ప్రదర్శన అద్భుతంగా ఉంది. ఇంగ్లండ్లోని ఈ గడ్డపై ఆ జట్టు రెండుసార్లు 600 ప్లస్ మార్క్ను దాటింది. 2007లో ఇంగ్లండ్తో జరిగిన మ్యాచ్లో టీమిండియా 664 పరుగులు చేసింది. అదే సమయంలో 1990 సంవత్సరంలో కూడా ఈ మైదానంలో ఇంగ్లాండ్ పై భారత జట్టు 606 పరుగులు చేసింది. అయితే ఈ రెండు మ్యాచ్లు డ్రాగా ముగిశాయి.
Follow us
