Womens OdI World Cup: మహిళల వన్డే ప్రపంచ కప్ 2025.. భారత జట్టు ప్రకటన!

Womens OdI World Cup: బీసీసీఐ మహిళల వన్డే ప్రపంచ కప్ (Womens OdI World Cup) 2025 కోసం భారత జట్టును ప్రకటించింది. ఈ టోర్నమెంట్‌కు భారత్- శ్రీలంక సంయుక్తంగా ఆతిథ్యం ఇవ్వనున్నాయి. ఈ ప్రపంచకప్‌కు హర్మన్‌ప్రీత్ కౌర్ కెప్టెన్‌గా వ్యవహరించనున్నారు. జట్టులో షెఫాలీ వర్మకు చోటు దక్కలేదు. అదే సమయంలో రేణుకా సింగ్ ఠాకూర్ తిరిగి జట్టులోకి వచ్చింది. ప్రపంచకప్‌లో భారత్ తన ప్రచారాన్ని సెప్టెంబర్ 30న శ్రీలంకతో జరిగే మ్యాచ్‌తో ప్రారంభించనుంది.

షెఫాలీ వర్మకు నిరాశ

సంచలన ఓపెనర్ షెఫాలీ వర్మ తన పవర్ హిట్టింగ్ బ్యాటింగ్‌కు ప్రసిద్ధి చెందింది. కానీ పేలవమైన ఫామ్ కారణంగా ఆమెకు ప్రపంచ కప్ జట్టులో స్థానం దక్కలేదు. ఆమె 7 నెలల తర్వాత ఇంగ్లాండ్ పర్యటనలో భారత జట్టులోకి తిరిగి వచ్చింది. కానీ ఆ సిరీస్‌లో వర్మ 5 టీ20 మ్యాచ్‌లలో 176 పరుగులు మాత్రమే చేయగలిగింది. దీనితో పాటు ఆమె ఆస్ట్రేలియా పర్యటనలో ఇండియా A జట్టులో కూడా ఉంది. అక్కడ మూడు టీ20 మ్యాచ్‌లలో 3, 3, 41 స్కోర్లు సాధించింది. ఆస్ట్రేలియాతో వన్డే సిరీస్ కోసం భారత జట్టును సెలెక్టర్లు ప్రకటించినప్పుడు.. షెఫాలీకి అందులో కూడా చోటు కల్పించలేదు.

Also Read: Supreme Court: 16 ఏళ్ల ముస్లిం బాలిక వివాహం చట్టబద్ధమే.. సుప్రీం కీల‌క తీర్పు!

మహిళల వన్డే ప్రపంచ కప్ 2025 కోసం భారత జట్టు

• హర్మన్‌ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), ప్రతికా రావల్, హర్లీన్ డియోల్, దీప్తి శర్మ, జెమిమా రోడ్రిగ్స్, రేణుకా సింగ్ ఠాకూర్, అరుంధతి రెడ్డి, రిచా ఘోష్ (వికెట్ కీపర్), క్రాంతి గౌడ్, సయాలీ సత్ఘరే, రాధా యాదవ్, శ్రీ చరణి, యాస్తికా భాటియా (వికెట్ కీపర్), స్నేహ్ రాణా.

ప్రపంచ కప్ షెడ్యూల్

మహిళల వన్డే ప్రపంచ కప్ 2025కు భారత్, శ్రీలంక సంయుక్తంగా ఆతిథ్యం ఇవ్వనున్నాయి. ఈ టోర్నమెంట్ సెప్టెంబర్ 30 నుండి నవంబర్ 2 వరకు జరుగుతుంది. టోర్నమెంట్‌లో మొత్తం 8 జట్లు పాల్గొంటాయి. ఇది రౌండ్-రాబిన్ ఫార్మాట్‌లో ఆడబడుతుంది.

• సెప్టెంబర్ 30 – భారత్ vs శ్రీలంక
• అక్టోబర్ 5 – భారత్ vs పాకిస్తాన్
• అక్టోబర్ 9 – భారత్ vs దక్షిణాఫ్రికా
• అక్టోబర్ 12 – భారత్ vs ఆస్ట్రేలియా
• అక్టోబర్ 19 – భారత్ vs ఇంగ్లాండ్
• అక్టోబర్ 23 – భారత్ vs న్యూజిలాండ్
• అక్టోబర్ 26 – భారత్ vs బంగ్లాదేశ్