PAK vs SA: నేడు పాకిస్తాన్‌కు చావో రేవో.. సౌతాఫ్రికాతో పాక్ పోరు..!

PAK vs SA: భారత్‌లో జరుగుతున్న క్రికెట్ ప్రపంచకప్ 2023లో దక్షిణాఫ్రికా ఇప్పటివరకు అద్భుతమైన ఫామ్‌ను కనబరిచింది. ఐదు మ్యాచ్‌లు ఆడిన దక్షిణాఫ్రికా 4 గెలిచి పాయింట్ల పట్టికలో రెండో స్థానంలో కొనసాగుతోంది. దక్షిణాఫ్రికా పోరు పాకిస్థాన్‌తో (PAK vs SA) నేడు చెన్నైలోని ఎంఏ చిదంబరం స్టేడియంలో జరగనుంది. ఈ మ్యాచ్‌కు ముందు దక్షిణాఫ్రికా కెప్టెన్ టెంబా బావుమా పాకిస్థాన్‌ పై తమ జట్టు 350 పరుగులు చేస్తుందని చెప్పాడు.

ఈ ప్రపంచకప్‌లో దక్షిణాఫ్రికా జట్టు అద్భుతమైన ప్రదర్శన కొనసాగుతోంది. ప్రపంచకప్ 2023 పాయింట్ల పట్టికలో దక్షిణాఫ్రికా రెండవ స్థానంలో ఉంది. అయితే ఈ ప్రపంచకప్‌లో ఇప్పటివరకు పాకిస్తాన్ జట్టు ప్రదర్శన చాలా పేలవంగా ఉంది. పాకిస్తాన్ జట్టు ప్రస్తుతం పాయింట్ల పట్టికలో ఐదో స్థానంలో ఉంది. అలాగే వన్డే క్రికెట్‌లో పాకిస్థాన్‌పై దక్షిణాఫ్రికా రికార్డు అద్భుతంగా ఉంది. పాకిస్థాన్‌పై ఆడిన చాలా మ్యాచ్‌ల్లో ఆ జట్టు గెలిచింది.

Also Read: World Cup 2023: ఇంగ్లండ్ పై శ్రీలంక ఘన విజయం

ఇప్పటివరకు పాకిస్తాన్- దక్షిణాఫ్రికా మధ్య ODI క్రికెట్‌లో 82 మ్యాచ్‌లు జరిగాయి. వీటిలో పాకిస్తాన్ 30 మ్యాచ్‌లు గెలుపొందగా, దక్షిణాఫ్రికా 51 మ్యాచ్‌లు గెలిచింది. 1 మ్యాచ్ అసంపూర్తిగా ఉంది. వన్డే ప్రపంచకప్‌లో ఇప్పటి వరకు ఇరు దేశాల మధ్య 5 మ్యాచ్‌లు జరగ్గా, ఇందులో పాకిస్థాన్ 2 మ్యాచ్‌లు గెలుపొందగా, దక్షిణాఫ్రికా జట్టు 3 మ్యాచ్‌ల్లో విజయం సాధించింది.

We’re now on WhatsApp. Click to Join.

పాకిస్థాన్ వర్సెస్ సౌతాఫ్రికా మ్యాచ్ శుక్రవారం, అక్టోబర్ 27న జరగనుంది. ఈ మ్యాచ్ మధ్యాహ్నం 2:00 గంటలకు ప్రారంభమవుతుంది. ప్రపంచకప్‌లో ఈ 25వ మ్యాచ్ చెన్నైలోని ఎంఏ చిదంబరం క్రికెట్ స్టేడియంలో జరగనుంది. ODI ప్రపంచ కప్ 2023లో ఇప్పటి వరకు పాకిస్తాన్, దక్షిణాఫ్రికా జట్లు 5 మ్యాచ్‌లు ఆడగా దక్షిణాఫ్రికా జట్టు 4 మ్యాచ్‌లు గెలవగా, పాకిస్తాన్ జట్టు ఇప్పటివరకు 2 మ్యాచ్‌లు మాత్రమే గెలవగలిగింది. ప్రస్తుతం పాకిస్తాన్ జట్టు ప్రపంచ కప్ 2023లో 5 మ్యాచ్‌లు ఆడింది. ప్రస్తుతం పాక్ ఖాతాలో 4 పాయింట్లు ఉన్నాయి. ఈ ప్రపంచ కప్‌లో ఇప్పటివరకు ఆడిన 5 మ్యాచ్‌లలో పాకిస్తాన్ 2 మ్యాచ్‌లు మాత్రమే గెలిచింది.