RCB vs GT: గుజరాత్ తో బెంగళూరు కీలక పోరు.. ప్లేఆఫ్‌కు చేరుకోవాలంటే ఆర్సీబీ గెలిచి తీరాల్సిందే..!

RCB vs GT: ఈ సీజన్‌లో చివరి లీగ్ మ్యాచ్ రాయల్ ఛాలెంజర్స్ బెంగళూరు, గుజరాత్ టైటాన్స్ (RCB vs GT) మధ్య జరగనుంది. రెండు జట్ల మధ్య ఈ మ్యాచ్ బెంగళూరు జట్టు హోమ్ గ్రౌండ్ ఎం.చిన్నస్వామి స్టేడియంలో జరగనుంది. డిఫెండింగ్‌ ఛాంపియన్‌ గుజరాత్‌ జట్టు ఇప్పటికే ప్లేఆఫ్‌కు చేరువైంది. అదే సమయంలో ప్లేఆఫ్‌కు చేరుకోవాలంటే ఆర్‌సీబీకి ఈ మ్యాచ్‌లో విజయం సాధించడం చాలా ముఖ్యం.

తమ చివరి మ్యాచ్‌లో రాయల్ ఛాలెంజర్స్ బెంగళూరు 8 వికెట్ల తేడాతో సన్‌రైజర్స్ హైదరాబాద్‌ను ఏకపక్షంగా ఓడించింది. ఆర్సీబీ తరఫున ఈ మ్యాచ్‌లో విరాట్ కోహ్లీ సెంచరీ చేయగా, కెప్టెన్ ఫాఫ్ డు ప్లెసిస్ హాఫ్ సెంచరీ చేశాడు. మరోవైపు గుజరాత్ టైటాన్స్ కూడా హైదరాబాద్‌తో చివరి మ్యాచ్ ఆడింది. ఈ మ్యాచ్‌లో శుభ్‌మన్ గిల్ బ్యాట్‌తో అత్యుత్తమ సెంచరీ ఇన్నింగ్స్ కనిపించింది. హైదరాబాద్‌పై గుజరాత్‌ 34 పరుగుల తేడాతో విజయం సాధించింది.

హెడ్ ​​టు హెడ్ రికార్డ్

ఐపీఎల్ చరిత్రలో ఇప్పటి వరకు రాయల్ ఛాలెంజర్స్ బెంగళూరు, గుజరాత్ టైటాన్స్ జట్లు రెండు సార్లు తలపడ్డాయి. ఇందులో గుజరాత్ 1 విజయం సాధించగా, RCB 1 మ్యాచ్ గెలిచింది.

Also Read: MI vs SRH: హైదరాబాద్‌తో ముంబై డూ ఆర్ డై మ్యాచ్.. ప్లేఆఫ్‌కు చేరుకోవాలంటే రోహిత్ సేన గెలవాల్సిందే..!

పిచ్ రిపోర్ట్

రెండు జట్ల మధ్య ఈ మ్యాచ్ బెంగళూరు జట్టు సొంత మైదానం ఎం.చిన్నస్వామి స్టేడియంలో జరగనుంది. ఇక్కడ లక్ష్యాన్ని ఛేదించే జట్టుదే పైచేయి. బెంగళూరు పిచ్‌పై చాలా వేగంగా పరుగులు చేయొచ్చు. ఇలాంటి పరిస్థితుల్లో పరుగులను ఆపడం బౌలర్లకు చాలా కష్టం. ఇక్కడ ఇప్పటివరకు 87 మ్యాచ్‌లు ఆడగా, ముందుగా బ్యాటింగ్ చేసిన జట్టు 37 సార్లు గెలుపొందగా, లక్ష్యాన్ని చేధించిన జట్టు 46 సార్లు గెలిచింది.

బెంగళూరు, గుజరాత్ జట్ల మధ్య భారత కాలమానం ప్రకారం రాత్రి 7:30 గంటలకు మ్యాచ్ ప్రారంభం కానుంది. ఈ మ్యాచ్ స్టార్ స్పోర్ట్స్ నెట్‌వర్క్‌లో టీవీలో ప్రత్యక్ష ప్రసారం చేయబడుతుంది. అభిమానులు జియో సినిమా యాప్, వెబ్‌సైట్‌లో మ్యాచ్ ప్రత్యక్ష ప్రసారాన్ని ఉచితంగా చూడవచ్చు.

మ్యాచ్ అంచనా

ఇక ఈ మ్యాచ్ ఫలితం గురించి మాట్లాడుకుంటే ఇరు జట్ల సమతూకంగా ఉన్నాయి. RCB తమ గత కొన్ని మ్యాచ్‌లలో మెరుగైన ప్రదర్శన కనబరిచింది. అదే సమయంలో గుజరాత్ సీజన్ మొత్తం చాలా మంచి ప్రదర్శనను చూపింది. మ్యాచ్‌లో టాస్ గెలిచిన జట్టు పైచేయి సాధించవచ్చు. ఎందుకంటే ఈ మైదానంలో లక్ష్యాన్ని ఛేదించడం కాస్త తేలిక అవుతుంది.