KKR vs RCB: రెండో విజయం కోసం బెంగళూరు.. తొలి గెలుపు కోసం కోల్‌కతా..!

ఐపీఎల్‌లో భాగంగా నేడు కోల్‌కతా నైట్ రైడర్స్, రాయల్ ఛాలెంజర్స్ బెంగళూరు (KKR vs RCB)మధ్య మ్యాచ్ జరగనుంది. కోల్‌కతా వేదికగా రాత్రి 7:30 గంటలకు మ్యాచ్ ప్రారంభంకానుంది. గురువారం IPL 2023లో కోల్‌కతా నైట్ రైడర్స్‌తో జరిగే మ్యాచ్ ఈ సీజన్‌లో RCBకి ఇది రెండవ మ్యాచ్. అంతకుముందు ముంబై ఇండియన్స్‌తో జరిగిన తొలి మ్యాచ్‌లో బెంగళూరు విజయం సాధించింది. ఆ మ్యాచ్‌లో 172 పరుగుల లక్ష్యాన్ని ఛేదించింది RCB. విరాట్, డుప్లెసిస్ కలిసి ముంబై బౌలర్లపై దాడి చేయడంతో విజయం సాధించారు. ఇన్నింగ్స్ ప్రారంభించిన విరాట్ 82 పరుగులు చేయగా, ఫాఫ్ డుప్లెసీ 73 పరుగులు చేశాడు.

రాయల్ ఛాలెంజర్స్ బెంగళూరు మాదిరిగానే KKR ఈ సీజన్‌లో తన మొదటి మ్యాచ్‌లో అదృష్టం లేదు. డక్‌వర్త్ లూయిస్ నిబంధన ప్రకారం పంజాబ్ కింగ్స్‌పై ఓటమిని చవిచూడాల్సి వచ్చింది. తొలి మ్యాచ్‌లో పరాజయం పాలైన కేకేఆర్ ఈ సీజన్‌లో రెండో మ్యాచ్ లో RCBతో తలపడనుంది. ఐపీఎల్ చరిత్రలో ఇరు జట్లు 30 సార్లు తలపడ్డాయి. ఆడిన 30 మ్యాచ్‌ల్లో కోల్‌కతా 16 సార్లు గెలిచింది. బెంగళూరు 14 సార్లు గెలిచింది. అంటే పోటీ హోరాహోరీగా సాగింది. మరోవైపు ఐపీఎల్ పిచ్‌పై చివరి 5 ఎన్‌కౌంటర్లలో RCB, KKRపై 3-2 ఆధిక్యంలో ఉంది.

Also Read: Sudhir Naik Passes Away: భారత మాజీ క్రికెటర్ సుధీర్ నాయక్ మృతి

జట్టు విషయానికొస్తే KKRపై వనిందు హసరంగా, జోష్ హేజిల్‌వుడ్ సేవలను RCB పొందదు. ఈ ఇద్దరు ఆటగాళ్లు ఇంకా జట్టులో చేరలేదు. అదే సమయంలో రజత్ పాటిదార్ కూడా టోర్నీ నుంచి నిష్క్రమించాడు. కాగా గత మ్యాచ్‌లో ఫీల్డింగ్ చేస్తూ గాయపడిన రీస్ టాప్లీ కూడా నేటి మ్యాచ్ ఆడడం లేదు. అటువంటి పరిస్థితిలో డేవిడ్ విల్లీ అతనిని భర్తీ చేయగలడు. KKR విషయానికి వస్తే.. జాసన్ రాయ్ అందులో చేరినట్లు ఖచ్చితంగా వార్తలు వచ్చాయి. కానీ అతను నేటి మ్యాచ్‌కు అందుబాటులో ఉండడు. ఓవరాల్‌గా ఈరోజు ఇరు జట్ల ప్లేయింగ్ ఎలెవన్‌లో కొన్ని మార్పులు మాత్రమే కనిపిస్తున్నాయి. మొదటి మ్యాచ్‌లో విజయం సాధించిన తర్వాత RCB జట్టు మరో విజయం కోసం చూస్తుంది. కోల్‌కతా నైట్ రైడర్స్‌ మొదటి విజయం కోసం బరిలోకి దిగుతుంది.