భారత్ వర్సెస్ నెదర్లాండ్స్ మ్యాచ్.. క్యాచ్ ఎలా పట్టాడో చూశారా?!
తిలక్ ఆడిన ఆ హవాయి షాట్ను బౌండరీ దగ్గర ఉన్న వాన్ డెర్ మెర్వ్ తన కుడి వైపు గాలిలో డైవ్ చేస్తూ అద్భుతంగా ఒడిసిపట్టాడు. ఐసీసీ (ICC) స్వయంగా ఈ క్యాచ్ వీడియోను సోషల్ మీడియాలో షేర్ చేస్తూ ప్రశంసల వర్షం కురిపించింది.
- Author : Gopichand
Date : 18-02-2026 - 10:32 IST
Published By : Hashtagu Telugu Desk
Van der Merwe: టీమ్ ఇండియా తన చివరి గ్రూప్ స్టేజ్ మ్యాచ్లో నెదర్లాండ్స్తో తలపడుతోంది. అహ్మదాబాద్లోని నరేంద్ర మోదీ స్టేడియంలో జరుగుతున్న ఈ మ్యాచ్లో భారత్ మొదట బ్యాటింగ్ చేసి నెదర్లాండ్స్ ముందు 194 పరుగుల భారీ లక్ష్యాన్ని ఉంచింది. అయితే భారత ఇన్నింగ్స్ సమయంలో నెదర్లాండ్స్ వెటరన్ ప్లేయర్ రోలోఫ్ వాన్ డెర్ మెర్వ్ పట్టిన అద్భుతమైన క్యాచ్ ఇప్పుడు చర్చనీయాంశంగా మారింది. 41 ఏళ్ల వయస్సులో కూడా వాన్ డెర్ మెర్వ్ గాలిలో ఎగిరి తిలక్ వర్మ క్యాచ్ను పట్టిన తీరు చూసి ప్రేక్షకులంతా నోరెళ్లబెట్టారు. దీనికి సంబంధించిన వీడియో సోషల్ మీడియాలో విపరీతంగా వైరల్ అవుతోంది.
వాన్ డెర్ మెర్వ్ ‘సూపర్ మ్యాన్’ క్యాచ్
నెదర్లాండ్స్పై నంబర్-3లో బ్యాటింగ్కు వచ్చిన తిలక్ వర్మ నెమ్మదిగా ఇన్నింగ్స్ ఆరంభించినా ఆ తర్వాత గేర్ మార్చి దూకుడుగా ఆడాడు. అతను 27 బంతుల్లో 3 ఫోర్లు, ఒక సిక్సర్తో 31 పరుగులు చేశాడు. అయితే 9వ ఓవర్ చివరి బంతికి లోగాన్ వాన్ బీక్ బౌలింగ్లో భారీ షాట్ ఆడబోయి తన వికెట్ కోల్పోయాడు.
Also Read: టీ20 వరల్డ్ కప్ 2026.. అహ్మదాబాద్లో భారత్ vs దక్షిణాఫ్రికా!
Undoubtedly, the Greatest ever catch by 41-year-old Roelof van der Merwe in T20 World Cup. pic.twitter.com/3YqgqGROY4
— World Monitor (@MonitorWarnow) February 18, 2026
తిలక్ ఆడిన ఆ హవాయి షాట్ను బౌండరీ దగ్గర ఉన్న వాన్ డెర్ మెర్వ్ తన కుడి వైపు గాలిలో డైవ్ చేస్తూ అద్భుతంగా ఒడిసిపట్టాడు. ఐసీసీ (ICC) స్వయంగా ఈ క్యాచ్ వీడియోను సోషల్ మీడియాలో షేర్ చేస్తూ ప్రశంసల వర్షం కురిపించింది.
టీమ్ ఇండియా స్కోరు 193/6
టాస్ గెలిచి బ్యాటింగ్ ఎంచుకున్న భారత జట్టు నిర్ణీత 20 ఓవర్లలో 6 వికెట్ల నష్టానికి 193 పరుగులు చేసింది. భారత్ ఆరంభం అంత ఆశాజనకంగా లేదు. అభిషేక్ శర్మ మరోసారి ఖాతా తెరవకుండానే పెవిలియన్ చేరాడు. ఇషాన్ కిషన్ 7 బంతుల్లో 18 పరుగులు చేసి అవుట్ అయ్యాడు. ఆ తర్వాత తిలక్ వర్మ (31), కెప్టెన్ సూర్యకుమార్ యాదవ్ (34) ఇన్నింగ్స్ను చక్కదిద్దారు. చివర్లో శివమ్ దూబే, హార్దిక్ పాండ్యా మెరుపులు మెరిపించారు. వీరిద్దరూ ఐదో వికెట్కు కేవలం 35 బంతుల్లోనే 76 పరుగులు జోడించి జట్టుకు భారీ స్కోరు అందించారు. శివమ్ దూబే 31 బంతుల్లో 66 పరుగులు (3 ఫోర్లు, 5 సిక్సర్లు), హార్దిక్ పాండ్యా 21 బంతుల్లో 30 పరుగులు చేశాడు.
Follow us
