ICC ODI Rankings: ఐసీసీ వన్డే ర్యాంకింగ్స్‌లో సత్తా చాటిన కోహ్లీ, రోహిత్ , టాప్ 4 లో మనోళ్లే

Virat Kohli Imresizer

ICC ODI Rankings: ఐసీసీ వన్డే ర్యాంకింగ్స్‌లో టీమిండియా స్టార్ బ్యాట్స్‌మెన్ విరాట్ కోహ్లీ మూడో స్థానానికి చేరుకున్నాడు. బుధవారం విడుదల చేసిన తాజా వన్డే బ్యాటింగ్ ర్యాంకింగ్స్‌లో భారత్‌కు చెందిన ముగ్గురు బ్యాట్స్‌మెన్‌లు టాప్-4లో చోటు దక్కించుకున్నారు. మొదటి స్థానంలో శుభ్‌మన్ గిల్, మూడో స్థానంలో విరాట్ కోహ్లీ, నాలుగో స్థానంలో కెప్టెన్ రోహిత్ శర్మ ఉన్నారు. అదే సమయంలో పాకిస్థాన్‌కు చెందిన బాబర్‌ ఆజం రెండో స్థానంలో కొనసాగుతున్నాడు. 2023 ప్రపంచకప్‌లో కోహ్లీ 3 సెంచరీలతో సహా మొత్తం 765 పరుగులు చేశాడు.

బౌలింగ్ ర్యాంకింగ్స్‌లో దక్షిణాఫ్రికాకు చెందిన కేశవ్ మహరాజ్ అగ్రస్థానంలో కొనసాగుతుండగా, భారత ఆటగాడు మహ్మద్ సిరాజ్ ఒక స్థానం కోల్పోయాడు. రెండో స్థానం నుంచి మూడో స్థానానికి చేరుకున్నాడు. ఆస్ట్రేలియాకు చెందిన జోష్ హేజిల్‌వుడ్ మూడో స్థానం నుంచి రెండో స్థానానికి చేరుకున్నాడు. బ్యాట్స్‌మెన్లలో భారత ఆటగాడు శుభ్‌మన్ గిల్ నంబర్ వన్ ర్యాంక్‌లో కొనసాగుతున్నాడు. న్యూజిలాండ్‌కు చెందిన డారిల్ మిచెల్ ఒక స్థానం సంపాదించాడు. 7వ స్థానం నుంచి 6వ స్థానానికి చేరుకున్నాడు. అదే సమయంలో ఆస్ట్రేలియా ఓపెనర్ డేవిడ్ వార్నర్ ఒక స్థానం కోల్పోయాడు.

బౌలింగ్ ర్యాంకింగ్స్‌లో భారత్‌కు చెందిన మహ్మద్ షమీ టాప్-10లోకి ప్రవేశించి పదో ర్యాంక్‌లో ఉన్నాడు. ర్యాంకింగ్స్‌లో టాప్-10లో నలుగురు భారతీయులు ఉన్నారు, షమీ, సిరాజ్‌లతో పాటు జస్ప్రీత్ బుమ్రా నాలుగో స్థానంలో, కుల్దీప్ యాదవ్ ఆరో స్థానంలో ఉన్నారు. కుల్దీప్ ఐదో స్థానం నుంచి ఆరో స్థానానికి పడిపోయాడు.

Follow us