Shreyas Iyer: 10 రోజులు పూర్తి విశ్రాంతి.. శ్రేయస్‌ అయ్యర్ ఐపీఎల్‌లో ఆడటం డౌటే.. కారణమిదే..!

ఆస్ట్రేలియాతో అహ్మదాబాద్ టెస్ట్ మ్యాచ్ మూడవ రోజు ఆటలో వెన్నునొప్పి కారణంగా శ్రేయస్ అయ్యర్‌ (Shreyas Iyer)ను స్కాన్ కోసం తీసుకెళ్లారు. దీని తర్వాత అయ్యర్ టెస్ట్ మ్యాచ్‌లో కూడా పాల్గొనలేదు. అదే సమయంలో రాబోయే ఇండియన్ ప్రీమియర్ లీగ్ (ఐపిఎల్) సీజన్‌లో శ్రేయస్ అయ్యర్ ఆడటానికి సంబంధించి ఎటువంటి అప్‌డేట్ తెరపైకి రాలేదు. కోల్‌కతా నైట్ రైడర్స్ (KKR) జట్టు తమ కెప్టెన్ శ్రేయస్ అయ్యర్ ఫిట్‌నెస్ అప్‌డేట్ కోసం వేచి ఉంది. ఈ సీజన్‌లో అయ్యర్ పాల్గొనగలడా లేదా అనేది కూడా వారికి తెలియదు.

క్రిక్‌బజ్‌లోని ఒక నివేదిక ప్రకారం.. అయ్యర్‌కు రాబోయే 10 రోజులు పూర్తి విశ్రాంతి తీసుకోవాలని వైద్యులు సూచించారు. ఆ తర్వాత ఐపిఎల్‌లో ఆడటం గురించి నిర్ణయం తీసుకోబడుతుంది. వెన్నెముక నిపుణుడు డాక్టర్ అభయ్ నేనేని కలిసిన తర్వాత అయ్యర్ ఖచ్చితమైన పరిస్థితిని తెలుసుకోవడానికి 10 రోజులు వేచి ఉండాలన్నారు. అయ్యర్‌పై నిర్వహించిన పరీక్షలు ప్రోత్సాహకరంగా లేనప్పటికీ, అతను అధికారికంగా IPL నుండి తొలగించబడలేదని నివేదిక పేర్కొంది. తన స్వస్థలమైన ముంబైకి తిరిగి వచ్చిన తర్వాత అయ్యర్ ముంబై నగరంలోని లీలావతి హాస్పిటల్‌లో వెన్నెముక సమస్యలలో నిపుణుడైన డాక్టర్ అభయ్ నేనేని సంప్రదించారు. ఇటువంటి పరిస్థితిలో అయ్యర్ ఐపిఎల్ ఆడకపోతే అతని స్థానంలో కెకెఆర్‌కి ఎవరు కెప్టెన్‌గా ఉంటారో చూడాలి.

Also Read: Tim Paine Retirement: క్రికెట్‌కు గుడ్‌బై చెప్పిన ఆస్ట్రేలియా మాజీ కెప్టెన్‌

వెస్టిండీస్ వెటరన్ బ్యాట్స్‌మన్ ఆండ్రీ రస్సెల్ KKR అత్యంత అనుభవజ్ఞుడైన ఆటగాళ్లలో ఒకరు. అతను చాలా సందర్భాలలో అద్భుతమైన బ్యాటింగ్ తో జట్టును గెలిపించాడు. రస్సెల్ బ్యాట్‌తో పాటు బంతితో మ్యాజిక్ చేస్తాడు. అటువంటి పరిస్థితిలో అయ్యర్ అందుబాటులో ఉండకపోతే కోల్‌కతా నైట్ రైడర్స్ రస్సెల్‌ను కెప్టెన్‌గా చేయవచ్చు. న్యూజిలాండ్‌కు చెందిన అనుభవజ్ఞుడైన ఫాస్ట్ బౌలర్ టిమ్ సౌథీ కూడా KKRకి కెప్టెన్‌గా వ్యవహరించడం చూడవచ్చు. సౌదీ అనేక సందర్భాల్లో కివీస్ జట్టుకు నాయకత్వం వహించాడు. అతను ప్రస్తుతం న్యూజిలాండ్ టెస్టు జట్టుకు కెప్టెన్‌గా కూడా ఉన్నాడు. ఇటువంటి పరిస్థితిలో KKR అతని కెప్టెన్సీ అనుభవం నుండి కూడా ప్రయోజనం పొందవచ్చు. అయ్యర్ స్థానంలో ఫ్రాంచైజీ అతన్ని కెప్టెన్‌గా చేయవచ్చు.

నితీష్ రాణా కూడా చాలా కాలంగా కేకేఆర్ తరఫున ఐపీఎల్‌లో ఆడుతున్నాడు. దేశవాళీ క్రికెట్‌లో జట్టుకు కెప్టెన్‌గా కూడా వ్యవహరించాడు. అదే సమయంలో కేకేఆర్‌తో చాలా కాలంగా ఉన్న అనుబంధం కారణంగా జట్టుపై కూడా అతనికి మంచి అవగాహన ఉంది. ఈ పరిస్థితిలో అయ్యర్ గాయం కారణంగా IPL నుండి తప్పుకుంటే నితీష్ రాణా కూడా KKR కెప్టెన్ కావచ్చు. నివేదికల ప్రకారం.. జట్టు మరికొద్ది రోజుల్లో కోల్‌కతాలో సమావేశమవుతుంది. అయ్యర్‌పై పూర్తి స్పష్టత వచ్చిన తర్వాత కొత్త కెప్టెన్‌ను నిర్ణయిస్తారు.