Shikhar Dhawan Retirement: క్రికెట్‌కు రిటైర్మెంట్ ప్రకటించిన శిఖర్ ధావన్..!
టీమ్ ఇండియా అత్యుత్తమ ఆటగాళ్లలో ఒకరైన శిఖర్ ధావన్‌కు టీమ్ ఇండియా నుండి దూర‌మైన‌ప్పుడు అతని అభిమానులు చాలా నిరాశకు గురయ్యారు.
- By Gopichand Published Date - 08:30 AM, Sat - 24 August 24
Shikhar Dhawan Retirement: టీమిండియా వెటరన్ ఆటగాడు శిఖర్ ధావన్ అంతర్జాతీయ, దేశవాళీ క్రికెట్‌కు రిటైర్మెంట్ (Shikhar Dhawan Retirement) ప్రకటించాడు. ఈ విషయాన్ని ఆయన సోషల్ మీడియా ద్వారా ప్రకటించారు. టీమ్ ఇండియా అత్యంత ప్రమాదకరమైన ఓపెనింగ్ బ్యాట్స్‌మెన్‌లలో ఒకరైన శిఖర్ ధావన్ చాలా కాలం పాటు జట్టుకు దూరమయ్యాడు. శిఖర్ ధావన్ డిసెంబర్-2022లో బంగ్లాదేశ్‌తో టీమిండియా తరపున చివరి మ్యాచ్ ఆడాడు. అప్పటి నుంచి ఇప్పటి వరకు టీమ్ ఇండియాకు దూరంగా ఉన్నాడు.
టీమ్ ఇండియా అత్యుత్తమ ఆటగాళ్లలో ఒకరైన శిఖర్ ధావన్‌కు టీమ్ ఇండియా నుండి దూర‌మైన‌ప్పుడు అతని అభిమానులు చాలా నిరాశకు గురయ్యారు. టీమిండియా గబ్బర్‌గా పేరుగాంచిన శిఖర్ ధావన్ త్వరలో తిరిగి జట్టులోకి వస్తాడని అభిమానులు ఆశలు పెట్టుకున్నారు. అయితే ఇప్పుడు శిఖర్ ధావన్ స్వయంగా రిటైర్మెంట్ నిర్ణయం తీసుకుని అభిమానులను ఆశ్చర్యపరిచాడు.
Also Read: Jay Shah: ఐసీసీ చైర్మ‌న్‌గా జై షా.. మ‌ద్ద‌తు ప్రకటించిన ఇంగ్లండ్‌, ఆస్ట్రేలియా..!
As I close this chapter of my cricketing journey, I carry with me countless memories and gratitude. Thank you for the love and support! Jai Hind! 🇮🇳 pic.twitter.com/QKxRH55Lgx
— Shikhar Dhawan (@SDhawan25) August 24, 2024
ఇటీవల సూచన ఇచ్చాడు
వెటరన్ మాజీ ఓపెనర్‌ శిఖర్ ధావన్ ఇటీవల రిటైర్‌మెంట్‌పై సూచన చేశాడు. మీడియాతో మాట్లాడుతూ అభిమానులకు నచ్చజెప్పే ప్రయత్నం చేశారు. ఓ ఇంటర్వ్యూలో శిఖర్ ధావన్ తన పేలవమైన ఫామ్ కారణంగానే టీమ్ ఇండియా నుంచి బయటికి వ‌చ్చిన‌ట్లు చెప్పాడు. రిటైర్‌మెంట్‌ను ప్రకటించిన సందర్భంగా ఆయన ఏం మాట్లాడారో ఈ వీడియోలో తెలుసుకోవ‌చ్చు.
1 నిమిషం 17 సెకన్ల వీడియోలో శిఖర్ ధావన్ మాట్లాడుతూ.. క్రికెట్ ప్రయాణంలో తన ఈ అధ్యాయాన్ని ముగిస్తున్నానని తెలిపాడు. టీమిండియా తరపున లెక్కలేనన్ని జ్ఞాపకాలను, కృతజ్ఞతా భావాన్ని తీసుకువెళుతున్నానని పేర్కొన్నాడు. అభిమానులు త‌న‌పై చూపించిన ప్రేమకు అడుగడుగునా మద్దతుగా నిలిచిన ప్రతి ఒక్కరికీ ధన్యవాదాలు! జై హింద్ అంటూ శిఖర్ ధావన్ ఓ వీడియో రిలీజ్ చేశాడు.
We’re now on WhatsApp. Click to Join.
శిఖర్ ధావన్ కెరీర్
శిఖర్ ధావన్ టీమిండియా తరఫున మొత్తం 34 టెస్టులు, 167 వన్డేలు, 68 అంతర్జాతీయ టీ20 మ్యాచ్‌లు ఆడాడు. టెస్టుల్లో 2315 పరుగులు, వన్డేల్లో 6793 పరుగులు, టీ20ల్లో 1759 పరుగులు చేశాడు. టెస్టుల్లో శిఖర్ ధావన్ అత్యధిక స్కోరు 190 పరుగులు కాగా.. వన్డే క్రికెట్‌లో అత్యధిక ఇన్నింగ్స్‌లు ఆడిన 143 పరుగులు. అదే సమయంలో T20 క్రికెట్‌లో అతని అత్యుత్తమ స్కోరు 92 పరుగులు.
