Kohli- Gaikwad Centuries: సౌతాఫ్రికాతో రెండో వన్డే.. శతక్కొట్టిన కోహ్లీ, గైక్వాడ్!!
గైక్వాడ్ తర్వాత కోహ్లీ కూడా తన వన్డే కెరీర్లో 53వ సెంచరీ నమోదు చేశాడు. కోహ్లీ సౌతాఫ్రికాతో జరిగిన రెండో వన్డేలో 90 బంతుల్లో సెంచరీ చేశాడు.
- Author : Gopichand
Date : 03-12-2025 - 4:26 IST
Published By : Hashtagu Telugu Desk
Kohli- Gaikwad Centuries: భారత్- దక్షిణాఫ్రికా మధ్య జరుగుతున్న 3 మ్యాచ్ల వన్డే సిరీస్లో రెండో మ్యాచ్ డిసెంబర్ 3న రాయ్పూర్లో జరుగుతోంది. ఈ మ్యాచ్లో దక్షిణాఫ్రికా టాస్ గెలిచి ముందుగా బౌలింగ్ చేయాలని నిర్ణయించుకుంది. తొలుత బ్యాటింగ్ చేసిన టీమ్ ఇండియాకు ఆశించిన శుభారంభం దక్కలేదు. రోహిత్ శర్మ, యశస్వి జైస్వాల్ తక్కువ పరుగులకే అవుట్ అయ్యారు. ఆ తర్వాత విరాట్ కోహ్లీ, రుతురాజ్ గైక్వాడ్ ఇన్నింగ్స్ను ముందుకు నడిపించారు. గైక్వాడ్ ఈ మ్యాచ్లో అద్భుతమైన సెంచరీ సాధించాడు. గైక్వాడ్ తర్వాత కోహ్లీ కూడా తన వన్డే కెరీర్లో 53వ సెంచరీ (Kohli- Gaikwad Centuries) నమోదు చేశాడు. కోహ్లీ సౌతాఫ్రికాతో జరిగిన రెండో వన్డేలో 90 బంతుల్లో సెంచరీ చేశాడు.
Also Read: Telangana Global Summit 2025: తెలంగాణ గ్లోబల్ సమ్మిట్.. ప్రధాన ఆకర్షణలు ఇవే..!
Maiden ODI Century! 💯🥳
A special knock this from Ruturaj Gaikwad! 🔥
Updates ▶️ https://t.co/oBs0Ns6SqR#TeamIndia | #INDvSA | @IDFCFIRSTBank pic.twitter.com/cnIhlR5JgE
— BCCI (@BCCI) December 3, 2025
గైక్వాడ్ తొలి సెంచరీ
రుతురాజ్ గైక్వాడ్ ఈ మ్యాచ్లో అద్భుతమైన సెంచరీ చేసి సంచలనం సృష్టించాడు. అతను తన వన్డే అంతర్జాతీయ కెరీర్లో తొలి శతకాన్ని నమోదు చేశాడు. గైక్వాడ్ ఇప్పటికే టీ20 ఫార్మాట్లో భారత్ తరఫున అద్భుతమైన సెంచరీని సాధించాడు. అతను 77 బంతుల్లోనే తన సెంచరీని పూర్తి చేసి ప్రేక్షకులను ఉర్రూతలూగించాడు. సెంచరీ చేసిన తర్వాత గైక్వాడ్ ఎక్కువసేపు క్రీజులో నిలవలేకపోయాడు. అతను 83 బంతుల్లో 105 పరుగుల అద్భుతమైన ఇన్నింగ్స్ ఆడాడు. తన ఇన్నింగ్స్లో అతను 12 ఫోర్లతో పాటు 2 సిక్సర్లు కొట్టాడు.
𝙐𝙣𝙨𝙩𝙤𝙥𝙥𝙖𝙗𝙡𝙚! 👑
BACK to BACK ODI HUNDREDS for Virat Kohli 🫡🫡
His 5⃣3⃣rd in ODIs 💯
Updates ▶️ https://t.co/oBs0Ns6SqR#TeamIndia | #INDvSA | @IDFCFIRSTBank | @imVkohli pic.twitter.com/sahZeIUo19
— BCCI (@BCCI) December 3, 2025
విరాట్ కోహ్లీ వరసగా రెండో సెంచరీ!
రాంచీలో విధ్వంసం సృష్టించిన కింగ్ కోహ్లీ.. ఇప్పుడు రాయ్పూర్లో కూడా దంచి కొట్టి మరో అద్భుతమైన సెంచరీని నమోదు చేశాడు. రోహిత్ శర్మ తక్కువ స్కోరుకే పెవిలియన్కు చేరుకున్న తర్వాత క్రీజులోకి వచ్చిన విరాట్.. మరోసారి తన మెరుపు బ్యాటింగ్తో అందరి హృదయాలను గెలుచుకున్నాడు. కోహ్లీ ప్రొటియాస్ (దక్షిణాఫ్రికా) జట్టు బౌలింగ్ దాడిని ధీటుగా ఎదుర్కొని కేవలం 90 బంతుల్లోనే తన అంతర్జాతీయ కెరీర్లో 84వ సెంచరీని పూర్తి చేసి దుమ్మురేపాడు.
ఈ మ్యాచ్లో కోహ్లీ తన ఖాతాను ఒక సిక్స్తోనే తెరిచాడు. ఆ తర్వాత రాయ్పూర్లో విరాట్ ఫోర్లు, సిక్సర్ల వర్షం కురిపించాడు. యాభై పరుగులు పూర్తి చేసిన తర్వాత కోహ్లీ తన గేర్ను మార్చి ప్రొటియాస్ (దక్షిణాఫ్రికా) జట్టు బౌలింగ్ దాడిని చిన్నాభిన్నం చేశాడు. విరాట్ తన వన్డే కెరీర్లో 53వ సెంచరీని కేవలం 90 బంతుల్లోనే పూర్తి చేశాడు. సెంచరీకి చేరుకోవడానికి కోహ్లీ 7 ఫోర్లు, 2 సిక్స్లు కొట్టాడు. టీమ్ ఇండియా స్టార్ బ్యాట్స్మెన్ రుతురాజ్ గైక్వాడ్తో కలిసి రెండో వికెట్కు 194 పరుగుల రికార్డు భాగస్వామ్యాన్ని కూడా నెలకొల్పాడు.
THE ICONIC VIRAT KOHLI JUMP AFTER HIS 53RD ODI HUNDRED. 🥹❤️
pic.twitter.com/6ygstpUWYr— Mufaddal Vohra (@mufaddal_vohra) December 3, 2025
రాంచీలో రంకెలు
దక్షిణాఫ్రికాతో జరిగిన మొదటి వన్డేలో కూడా విరాట్ కోహ్లీ బ్యాట్ అద్భుతంగా గర్జించింది. రాంచీలో కోహ్లీ తన అంతర్జాతీయ కెరీర్లో 83వ సెంచరీని సాధించి అందరి దృష్టిని ఆకర్షించాడు. 120 బంతుల్లో కోహ్లీ 135 పరుగులు చేశాడు. కోహ్లీ బ్యాట్ నుండి 11 ఫోర్లు, 7 సిక్స్లు వచ్చాయి. విరాట్ ఒక ఫార్మాట్లో అత్యధిక సెంచరీలు చేసిన బ్యాట్స్మెన్గా కూడా నిలిచాడు. రాంచీలో తన 52వ వన్డే సెంచరీని సాధించడం ద్వారా ఈ విషయంలో ఆయన సచిన్ టెండూల్కర్ను అధిగమించాడు.
11 సార్లు వరుసగా..
విరాట్ కోహ్లీ వన్డే ఇంటర్నేషనల్ (ODI) క్రికెట్లో 11 సార్లు వరుసగా రెండు ఇన్నింగ్స్లలో సెంచరీలు సాధించాడు. వరుస ODI ఇన్నింగ్స్లలో సెంచరీలు సాధించిన జాబితాలో విరాట్ తర్వాత ఏబీ డివిలియర్స్ పేరు ఉంది. డివిలియర్స్ ఈ ఘనతను 6 సార్లు సాధించాడు.
Follow us
