Gift Of Thar: సర్ఫరాజ్ ఖాన్ తండ్రికి ఆనంద్ మహీంద్రా ప్రత్యేక బహుమతి..!
పారిశ్రామికవేత్త, ఎంఅండ్ఎం అధినేత ఆనంద్ మహీంద్రా (Gift Of Thar) మరోసారి తన గొప్ప మనుసు చాటుకున్నారు. క్రికెటర్ సర్ఫరాజ్ ఖాన్ తండ్రిని ఉద్దేశించి ఉద్వేగభరితమైన ట్వీట్ చేశారు.
- Author : Gopichand
Date : 17-02-2024 - 10:00 IST
Published By : Hashtagu Telugu Desk
Gift Of Thar: ఐదు టెస్టు మ్యాచ్ల సిరీస్లో భాగంగా భారత్, ఇంగ్లండ్ మధ్య మూడో మ్యాచ్ రాజ్కోట్ వేదికగా జరుగుతోంది. భారత జట్టు యువ స్టార్ బ్యాట్స్మెన్ సర్ఫరాజ్ ఖాన్కు ఈ మ్యాచ్ చాలా ప్రత్యేకమైనది. నిజానికి ఈ మ్యాచ్లో సర్ఫరాజ్కి టెస్టుల్లో అరంగేట్రం చేసే అవకాశం లభించింది. భారత జట్టులోకి రావడానికి సర్ఫరాజ్ ఖాన్ చాలా కాలంగా శ్రమిస్తున్నాడు. అతని కృషి, విజయంలో అతని తండ్రి నౌషాద్ ఖాన్కు సహకారం కూడా ఉంది. సర్ఫరాజ్ అరంగేట్రం సమయంలో నౌషాద్ చాలా ఎమోషనల్గా కనిపించాడు. దేశంలోని ప్రముఖ పారిశ్రామికవేత్త ఆనంద్ మహీంద్రా కూడా సర్ఫరాజ్ తండ్రి కృషికి సెల్యూట్ చేశారు. నౌషాద్ ఖాన్ను ప్రశంసిస్తూ.. అతనికి అద్భుతమైన బహుమతి ఇవ్వాలని నిర్ణయించుకున్నారు.
నౌషాద్ ఖాన్కు ఆనంద్ మహీంద్రా ప్రత్యేక బహుమతి
పారిశ్రామికవేత్త, ఎంఅండ్ఎం అధినేత ఆనంద్ మహీంద్రా (Gift Of Thar) మరోసారి తన గొప్ప మనుసు చాటుకున్నారు. క్రికెటర్ సర్ఫరాజ్ ఖాన్ తండ్రిని ఉద్దేశించి ఉద్వేగభరితమైన ట్వీట్ చేశారు. క్రికెటర్ సర్ఫరాజ్లో విశ్వాసాన్ని నింపింనందుకు అతని తల్లిదండ్రులను అభినందనల్లో ముంచెత్తారు. అనుకున్నది సాధించేంతవరకు నమ్మకాన్ని కోల్పోకూడదనే స్పూర్తినిచ్చారు అంటూ వారిని ప్రశంసించారు. అంతేకాకుండా థార్ బహుమతిగా ఇస్తున్నట్లు ట్వీట్ చేశారు.
అరంగేట్రంలోనే సర్ఫరాజ్ ఖాన్ అద్భుత హాఫ్ సెంచరీ
సర్ఫరాజ్ ఖాన్ బ్యాటింగ్తో భారత్కు అరంగేట్రం చేశాడు. అతను తన మొదటి టెస్ట్ మ్యాచ్ మొదటి ఇన్నింగ్స్లో 62 పరుగులతో వేగంగా ఇన్నింగ్స్ ఆడాడు. సర్ఫరాజ్ తన ఇన్నింగ్స్లో 9 ఫోర్లు, 1 సిక్స్ బాదాడు. అయితే, అతను తన మొదటి ఇన్నింగ్స్లో కొంచెం దురదృష్టవంతుడు మరియు రవీంద్ర జడేజా చేసిన రాంగ్ కాల్ కారణంగా రనౌట్ అయ్యాడు. ఔటయ్యే ముందు సర్ఫరాజ్ నిర్భయ బ్యాటింగ్ని అందరూ కొనియాడుతున్నారు.
We’re now on WhatsApp : Click to Join
Follow us
