SA vs AFG Semifinal: సౌతాఫ్రికాను దాటి ఆఫ్ఘనిస్తాన్ ఫైనల్ కు చేరగలదా..?

SA vs AFG Semifinal: టి20 ప్రపంచకప్ ముగింపు దశకు చేరుకుంది. ఇప్పటికీ లీగ్ దశను ముగించిన ఆయా జట్లు సూపర్-8 కూడా కంప్లీట్ చేసుకుని సెమీస్ కు చేరుకున్నాయి. 20 జట్లతో మొదలైన ఈ టోర్నీలో చివరికి నాలుగు జట్లు మిగిలాయి. భారత్, ఆఫ్ఘానిస్తాన్, ఇంగ్లాండ్, దక్షిణాఫ్రికా జట్లు సెమీస్ కు చేరుకున్నాయి.

తొలి సెమీ ఫైనల్ మ్యాచ్ దక్షిణాఫ్రికా మరియు ఆఫ్ఘనిస్తాన్ మధ్య జరుగుతుంది. ట్రినిడాడ్‌లో ఇరు జట్లు తలపడనున్నాయి. రషీద్ ఖాన్ సారథ్యంలో ఈ టీ20 ప్రపంచకప్‌ తొలి మ్యాచ్‌ల్లో అఫ్ఘానిస్థాన్‌ భారీ పరాజయాన్ని చవిచూసి సూపర్‌-8లో ఆస్ట్రేలియా, బంగ్లాదేశ్‌లను ఓడించి సెమీఫైనల్స్‌లో చోటు దక్కించుకుంది, అయితే సెమీఫైనల్‌లో విజయం సాధించడం అంత సులభం కాదు. దక్షిణాఫ్రికా జట్టు అంత తేలిగ్గా వదలదు. ఇప్పటి వరకు ఉన్న రికార్డును పరిశీలిస్తే, ఆఫ్ఘనిస్థాన్ ప్రతిసారీ దక్షిణాఫ్రికా చేతిలో ఓడిపోయింది. అఫ్గాన్‌ జట్టు ఒక్కసారి కూడా విజయం సాధించలేదు. వాస్తవానికి, దక్షిణాఫ్రికా మరియు ఆఫ్ఘనిస్తాన్ మధ్య ఇప్పటివరకు రెండు టి20 మ్యాచ్‌లు జరగగా, రెండు మ్యాచ్‌లలో ఆఫ్ఘనిస్తాన్ ఓడిపోయింది.

2010లో దక్షిణాఫ్రికా, ఆఫ్ఘనిస్థాన్ మధ్య తొలి టీ20 మ్యాచ్ జరిగింది. ఈ మ్యాచ్‌లో ఆఫ్రికా 59 పరుగుల తేడాతో ఆఫ్ఘనిస్థాన్‌పై విజయం సాధించింది. 2016లో టీ20 ప్రపంచకప్‌లో ఇరు జట్లు తలపడ్డాయి. ఈ మ్యాచ్‌లోనూ అఫ్గానిస్థాన్‌ 37 పరుగుల తేడాతో ఓటమి చవిచూడాల్సి వచ్చింది. అదే సమయంలో దక్షిణాఫ్రికా వన్డే మ్యాచ్‌లలో కూడా గెలిచింది. ఇరు జట్ల మధ్య 2019లో జరిగిన తొలి వన్డేలో దక్షిణాఫ్రికా 9 వికెట్ల తేడాతో విజయం సాధించింది. 2023 నవంబర్‌లో జరిగిన రెండో మ్యాచ్‌లో దక్షిణాఫ్రికా 5 వికెట్ల తేడాతో విజయం సాధించింది. కాగా ఆఫ్ఘన్ జట్టు బౌలర్ల పైనే పూర్తిగా ఆధారపడుతుంది. సెమీఫైనల్ మ్యాచ్ లో కూడా ఆ జట్టు ఆఫ్ఘనిస్థాన్ బౌలర్ ఫజల్ ఫరూఖీ.మీదనే హోప్స్ పెట్టుకుంది. ఇక ఈ టోర్నీలో ఇప్పటివరకు 159 పరుగులు చేశాడు దక్షిణాఫ్రికా ఆటగాడు డేవిడ్ మిల్లర్ . డేవిడ్ మిల్లర్ నెదర్లాండ్స్‌పై 59 పరుగులతో అజేయంగా ఇన్నింగ్స్ ఆడాడు. ఇంగ్లాండ్‌పై 43 పరుగులు చేశాడు. ఈ రెండు ఇన్నింగ్స్‌లు దక్షిణాఫ్రికాకు ఎంతగానో సహకరించాయి. సో దక్షిణాఫ్రికా బ్యాటింగ్ దళంలో మిల్లర్ పై ఆధారపడుతుంది. మరి సెమీ ఫైనల్ మ్యాచ్ లో ఏ జట్టు విజయం సాధిస్తుంది అనుకుంటున్నారో కామెంట్ చేయండి.

Also Read: Pinnelli Arrest: వైఎస్సార్‌సీపీ మాజీ ఎమ్మెల్యే పిన్నెల్లి రామకృష్ణారెడ్డి అరెస్ట్