Royal Challengers Bangalore: ఐపీఎల్ ప్రారంభానికి ముందు ఆర్సీబీకి షాక్.. ఆ ప్లేయర్ కు గాయం..!

IPL 2023 ప్రారంభానికి ముందు రాయల్ ఛాలెంజర్స్ బెంగళూరు (Royal Challengers Bangalore)కు షాక్ తగిలింది. మడమ గాయం కారణంగా ఆ జట్టు స్టార్ బ్యాట్స్‌మెన్ రజత్ పాటిదార్ ఈ ఐపీఎల్ సీజన్ ప్రథమార్ధానికి దూరంగా ఉండవచ్చు. దేశీయ క్రికెట్‌లో మధ్యప్రదేశ్‌కు చెందిన రజత్ పాటిదార్ ప్రస్తుతం బెంగళూరులోని నేషనల్ క్రికెట్ అకాడమీలో పునరావాసం పొందుతున్నాడు. IPL 2022లో RCBకి పాటిదార్ ముఖ్యమైన బ్యాట్స్‌మెన్. ఎలిమినేటర్ మ్యాచ్‌లో సెంచరీతో జట్టును గెలిపించాడు.

ESPNcricinfo నివేదిక ప్రకారం.. పాటిదార్ గాయం కారణంగా మూడు వారాల పాటు విశ్రాంతి తీసుకోవాలని తెలుస్తోంది. MRI స్కాన్ తర్వాత అతను మిగిలిన టోర్నమెంట్‌లో తన జట్టు కోసం ఆడగలడా లేదా అనేది నిర్ణయించబడుతుంది. పాటిదార్ RCB క్యాంపులో చేరడానికి ముందే గాయపడ్డాడు. ఇప్పుడు ఐపీఎల్‌లో చేరాలంటే జాతీయ క్రికెట్ అకాడమీ నుంచి అనుమతి పొందాల్సి ఉంటుంది.

Also Read: WPL Final 2023: తొలి విజేత ఎవరో.. నేడు ఉమెన్స్ ప్రీమియర్ లీగ్ ఫైనల్ మ్యాచ్..!

బ్యాటింగ్ లైనప్‌లో మార్పు

రజత్ పాటిదార్ గాయం తర్వాత RCB బ్యాటింగ్‌లో మార్పు కనిపిస్తుంది. కెప్టెన్ ఫాఫ్ డు ప్లెసిస్‌తో కలిసి విరాట్ కోహ్లీ ఓపెనింగ్ చేస్తాడని, రజత్ పాటిదార్ మూడో స్థానంలో ఉంటాడని ఆర్‌సిబి క్రికెట్ డైరెక్టర్ మైక్ హెస్సన్ గతంలో చెప్పారు. ఇలాంటి పరిస్థితుల్లో పాటిదార్ ఔట్ అయితే ఆర్సీబీ లైనప్‌లో మార్పు రావడం ఖాయం.

IPL 2022లో లక్నో సూపర్ జెయింట్‌తో జరిగిన ఎలిమినేటర్ మ్యాచ్‌లో రజత్ పాటిదార్ తన అద్భుతమైన సెంచరీతో జట్టును గెలిపించాడు. మూడో స్థానంలో వచ్చిన అతను 54 బంతుల్లో 12 ఫోర్లు, 7 సిక్సర్ల సాయంతో అజేయంగా 112 పరుగులు చేశాడు. ఈ మ్యాచ్‌లో RCB 14 పరుగుల తేడాతో విజయం సాధించింది.