Rishabh Pant: ఇంగ్లాండ్‌తో నాల్గ‌వ టెస్ట్‌కు ముందు టీమిండియాకు గుడ్ న్యూస్‌!

Rishabh Pant: టెస్ట్ క్రికెట్‌లో టీమ్ ఇండియా వికెట్ కీపర్ బ్యాట్స్‌మెన్ రిషభ్ పంత్ (Rishabh Pant) అద్భుతమైన ఫామ్‌లో ఉన్నాడు. ఇంగ్లాండ్‌తో జరుగుతున్న సిరీస్‌లో అతని బ్యాటింగ్ ప్రదర్శన ఆకట్టుకుంటోంది. అయితే, లార్డ్స్ టెస్టులో వికెట్ కీపింగ్ చేస్తుండగా పంత్ గాయపడటం, నాల్గవ టెస్టులో అతను ఆడతాడా లేదా అనే సందేహాన్ని రేకెత్తించింది. మూడో టెస్ట్‌లో పంత్‌కు గాయం కావ‌టంతో ధ్రువ్ జురెల్ వికెట్ కీపింగ్ బాధ్యతలు స్వీకరించాడు. పంత్ రెండు ఇన్నింగ్స్‌లలోనూ బ్యాటింగ్ చేసినప్పటికీ.. అతని గాయంపై స్పష్టత లేకపోవడంతో టీమ్ ఇండియా మేనేజ్‌మెంట్‌లో ఆందోళన నెలకొంది.

పంత్ గాయంపై అప్‌డేట్

రిషభ్ పంత్ తన ఇన్‌స్టాగ్రామ్‌లో షేర్ చేసిన ఒక వీడియోలో అతను పూర్తిగా ఫిట్‌గా కనిపిస్తున్నాడు. ఈ వీడియోలో పంత్ ఫుట్‌బాల్ ఆడటం, ఫీల్డింగ్బ్యా, టింగ్ ప్రాక్టీస్ చేయడం గమనించవచ్చు. అయితే, వికెట్ కీపింగ్ ప్రాక్టీస్ చేస్తున్నట్లు వీడియోలో కనిపించకపోవడం టీమ్ ఇండియాకు ఆందోళన కలిగించే అంశం. పంత్ తన క్యాప్షన్‌లో “శాంతికి ఒక శబ్దం ఉంటే, అది ఇదే అవుతుంది” అని రాశాడు.

Also Read: Champions League: క్రికెట్ అభిమానుల‌కు మ‌రో శుభ‌వార్త‌.. ఛాంపియన్స్ లీగ్ టీ20 రీ-ఎంట్రీ..!

పంత్ ఫిట్‌నెస్‌పై టీమ్ మేనేజ్‌మెంట్ నుంచి ఇప్పటివరకు ఎటువంటి అధికారిక ప్రకటన రాలేదు. అయితే పంత్ వీడియోలో మాత్రం చాలా ఫిట్‌గా ఉన్నాడు. దీంతో నాల్గ‌వ టెస్ట్‌కు పంత్ అందుబాటులో ఉండ‌నున్న‌ట్లు తెలుస్తోంది. లార్డ్స్ టెస్ట్ మొదటి ఇన్నింగ్స్‌లో పంత్ అద్భుతంగా బ్యాటింగ్ చేసి 74 పరుగులు చేశాడు. అయితే, రెండవ ఇన్నింగ్స్‌లో అతను కేవలం 9 పరుగులు మాత్రమే చేసి ఔటయ్యాడు.

If calm had a sound, it would be this 🏏🔊#RP17 pic.twitter.com/q5EAxVA98W

— Rishabh Pant (@RishabhPant17) July 20, 2025

అద్భుత ఫామ్‌లో పంత్

ఇంగ్లాండ్ పిచ్‌లపై రిషభ్ పంత్ బ్యాటింగ్ నైపుణ్యం చాలా బాగా సరిపోతోంది. ఈ సిరీస్‌లోని మొదటి టెస్టులోనే పంత్ రెండు ఇన్నింగ్స్‌లలోనూ శతకాలు సాధించి సత్తా చాటాడు. ఎడ్జ్‌బాస్టన్, లార్డ్స్‌లో కూడా పంత్ తన బ్యాటింగ్‌తో ఆకట్టుకున్నాడు. సిరీస్‌లోని మూడు మ్యాచ్‌లలో 6 ఇన్నింగ్స్‌లలో పంత్ ఇప్పటివరకు 70 సగటుతో 425 పరుగులు సాధించాడు. ఈ క్రమంలో రెండు శతకాలు, రెండు అర్ధ శతకాలు సాధించాడు. పంత్ అద్భుత ఫామ్ దృష్ట్యా, టీమ్ మేనేజ్‌మెంట్ అతను త్వరగా కోలుకోవాలని, నాల్గవ టెస్టులో ఆడాలని ఆశిస్తోంది. అతని వికెట్ కీపింగ్ ఫిట్‌నెస్‌పైనే తదుపరి నిర్ణయం ఆధారపడి ఉంటుంది.