RCB vs LSG Head to Head: ఐపీఎల్‌లో నేడు ఆర్సీబీ వ‌ర్సెస్ లక్నో.. ఇరు జ‌ట్ల రికార్డులు ఇవే..!

RCB vs LSG Head to Head: IPL 2024 మ్యాచ్ నంబర్ 15లో రాయల్ ఛాలెంజర్స్ బెంగళూరు- లక్నో సూపర్ జెయింట్స్ (RCB vs LSG Head to Head) జట్లు తలపడనున్నాయి. బెంగళూరులోని చిన్నస్వామి స్టేడియంలో ఈ మ్యాచ్ జరగనుంది. లక్నో మునుపటి మ్యాచ్‌లో పంజాబ్ కింగ్స్‌ను ఓడించి సీజన్‌లో మొదటి విజయాన్ని నమోదు చేసింది. అయితే బెంగళూరు మునుపటి మ్యాచ్‌లో KKRతో ఓడిపోయిన తర్వాత సీజన్‌లో రెండవ ఓటమిని నమోదు చేసింది. అయితే ఈరోజు జ‌ర‌గ‌బోయే మ్యాచ్ బెంగ‌ళూరు వేదిక రాత్రి 7.30 గంట‌ల‌కు ప్రారంభం కానుంది. ఇలాంటి పరిస్థితుల్లో ఈరోజు ఇరు జ‌ట్ల మధ్య ఆసక్తికర పోటీ కనిపిస్తోంది. ఇంతకీ ఇరు జ‌ట్ల మధ్య ఎవరు పైచేయి సాధించారో చూద్దాం.

బెంగళూరు vs లక్నో హెడ్ టు హెడ్

ఐపీఎల్‌లో ఇప్పటివరకు రాయల్ ఛాలెంజర్స్ బెంగళూరు, లక్నో సూపర్ జెయింట్స్ జట్లు నాలుగుసార్లు తలపడ్డాయి. లక్నోపై బెంగళూరు జట్టు ఆధిపత్యం కనబరుస్తోంది. నాలుగు మ్యాచ్‌ల్లో ఆర్‌సీబీ 3 విజయం సాధించగా, లక్నో కేవలం 1 మ్యాచ్‌లో మాత్రమే విజయం సాధించింది. అయితే చిన్నస్వామి స్టేడియంలో జరిగిన ఏకైక మ్యాచ్‌లో లక్నో బెంగళూరును ఓడించింది. ఈరోజు కూడా ఎం చిన్నస్వామిలోనే ఇరు జ‌ట్ల మ‌ధ్య మ్యాచ్ జ‌ర‌గ‌నుంది.

Also Read: MI vs RR: ముంబై మూడో “సారీ” రాజస్తాన్ చేతిలో చిత్తు

గత సీజన్‌లో ఇరు జట్లు 1-1తో ఉన్నాయి

గత సీజన్‌లో అంటే IPL 2023లో RCB- లక్నో మధ్య రెండు మ్యాచ్‌లు జరిగాయి. ఇందులో రెండు జట్లు చెరోక మ్యాచ్‌లో గెలిచాయి. బెంగళూరు వేదికగా జరిగిన తొలి మ్యాచ్‌లో లక్నో 1 వికెట్ తేడాతో విజయం సాధించింది. ఆ తర్వాత లక్నో మైదానంలో జరిగిన రెండో మ్యాచ్‌లో ఆర్సీబీ 18 పరుగుల తేడాతో విజయం సాధించింది.

We’re now on WhatsApp : Click to Join

ఐపీఎల్ 2024లో లక్నో, బెంగళూరు జట్లు ఒక్కోక్క మ్యాచ్‌లో విజ‌యం సాధించాయి. లక్నో 2 మ్యాచ్‌లలో 1 మ్యాచ్ గెలిచినప్పటికీ, RCB 3మ్యాచ్‌ల‌లో 1 మాత్ర‌మే గెలిచింది. రాజస్థాన్‌తో జరిగిన తొలి మ్యాచ్‌లో లక్నో 20 పరుగుల తేడాతో ఓడిపోయింది. ఆ తర్వాత పంజాబ్‌తో జరిగిన రెండో మ్యాచ్‌లో 21 పరుగుల తేడాతో విజయం సాధించింది. కాగా.. ఆర్సీబీ తొలి మ్యాచ్‌లో చెన్నైతో ఓడిపోయి రెండో మ్యాచ్‌లో పంజాబ్ కింగ్స్‌పై విజయం సాధించింది. ఆ తర్వాత మూడో మ్యాచ్‌లో కేకేఆర్ చేతిలో ఓటమి చవిచూడాల్సి వచ్చింది.