గుజరాత్ టైటాన్స్పై పంజాబ్ కింగ్స్ ఘనవిజయం!
163 పరుగుల లక్ష్యంతో బరిలోకి దిగిన పంజాబ్ కింగ్స్కు కూడా ఆరంభంలోనే షాక్ తగిలింది. ప్రియాంశ్ ఆర్య కేవలం 7 పరుగులకే అవుట్ అయ్యాడు.
- Author : Gopi
Date : 31-03-2026 - 11:45 IST
Published By : Hashtagu Telugu Desk
PBKS Beat GT: ఐపీఎల్ 2026లో పంజాబ్ కింగ్స్, గుజరాత్ టైటాన్స్ మధ్య రసవత్తర పోరు జరిగింది. ముల్లాన్పూర్ (న్యూ చండీగఢ్)లోని మహారాజా యాదవీంద్ర సింగ్ అంతర్జాతీయ క్రికెట్ స్టేడియంలో జరిగిన ఈ పోరులో పంజాబ్ కింగ్స్ కెప్టెన్ శ్రేయస్ అయ్యర్ టాస్ గెలిచి ముందుగా బౌలింగ్ ఎంచుకున్నాడు. తొలుత బ్యాటింగ్ చేసిన గుజరాత్ టైటాన్స్ 20 ఓవర్లలో 6 వికెట్లు కోల్పోయి 162 పరుగులు చేసింది. అనంతరం లక్ష్య ఛేదనలో పంజాబ్ కింగ్స్ కూపర్ కోనోలీ అద్భుత బ్యాటింగ్తో 3 వికెట్ల తేడాతో విజయం సాధించి, ఈ సీజన్లో తమ పాయింట్ల ఖాతాను తెరిచింది.
గుజరాత్ టైటాన్స్ గౌరవప్రదమైన స్కోరు
టాస్ ఓడి బ్యాటింగ్కు దిగిన గుజరాత్ టైటాన్స్కు ఆశించిన ఆరంభం లభించలేదు. సాయి సుదర్శన్ కేవలం 13 పరుగులకే వెనుదిరిగాడు. కెప్టెన్ శుభ్మన్ గిల్ 27 బంతుల్లో 39 పరుగులు చేయగా, వికెట్ కీపర్ బ్యాటర్ జోస్ బట్లర్ 33 బంతుల్లో 38 పరుగులు జోడించారు. మిడిల్ ఆర్డర్లో గ్లెన్ ఫిలిప్స్ (25), వాషింగ్టన్ సుందర్ (18) పరుగులు చేశారు. చివర్లో రాహుల్ తెవాటియా 11 పరుగులు చేయడంతో గుజరాత్ నిర్ణీత 20 ఓవర్లలో 6 వికెట్ల నష్టానికి 162 పరుగులు చేయగలిగింది.
Also Read: టీం ఇండియా బిజీ షెడ్యూల్.. ఐపీఎల్ తర్వాత జింబాబ్వే పర్యటనకు!
పంజాబ్ బౌలింగ్లో విజయ్కుమార్ వైషాక్ 3 వికెట్లతో రాణించగా, యుజ్వేంద్ర చాహల్ 4 ఓవర్లలో కేవలం 28 పరుగులిచ్చి 2 వికెట్లు పడగొట్టాడు. మార్కో జాన్సెన్కు ఒక వికెట్ దక్కింది.
కూపర్ కోనోలీ మెరుపులు.. పంజాబ్ ఘనవిజయం
163 పరుగుల లక్ష్యంతో బరిలోకి దిగిన పంజాబ్ కింగ్స్కు కూడా ఆరంభంలోనే షాక్ తగిలింది. ప్రియాంశ్ ఆర్య కేవలం 7 పరుగులకే అవుట్ అయ్యాడు. వికెట్ కీపర్ బ్యాటర్ ప్రభ్సిమ్రాన్ సింగ్ 24 బంతుల్లో 37 పరుగులు చేయగా, కెప్టెన్ శ్రేయస్ అయ్యర్ 18 పరుగులు చేశాడు. అయితే, ఐపీఎల్ అరంగేట్రం చేస్తున్న యువ ఆస్ట్రేలియా బ్యాటర్ కూపర్ కోనోలీ అద్భుత ఇన్నింగ్స్ ఆడాడు. ఒకవైపు వికెట్లు పడుతున్నా పట్టుదలతో ఆడిన కోనోలీ 44 బంతుల్లో నాటౌట్గా 72 పరుగులు చేసి జట్టును విజయతీరాలకు చేర్చాడు. దీనివల్ల పంజాబ్ జట్టు చివరి ఓవర్లో 3 వికెట్ల తేడాతో విజయాన్ని అందుకుంది.
Follow us
