Pat Cummins: ఆస్ట్రేలియాకు భారీ దెబ్బ! పాట్ కమిన్స్ ఔట్‌?

Pat Cummins: ఐసీసీ ఛాంపియన్స్ ట్రోఫీ ఫిబ్రవరి 19 నుంచి ప్రారంభం కానుంది. ఈ టోర్నీకి మొత్తం 8 జట్ల స్క్వాడ్‌లు కూడా వచ్చాయి. ఫిబ్రవరి 12 వరకు జట్టులో మార్పు ఉండవచ్చు. ఇప్పుడు ఛాంపియన్స్ ట్రోఫీకి ముందు ఆస్ట్రేలియాకు పెద్ద ఎదురుదెబ్బ తగిలినట్లైంది. ఛాంపియన్స్ ట్రోఫీలో ఆసీస్ జట్టు కెప్టెన్ పాట్ కమిన్స్ (Pat Cummins) ఆడటం చాలా కష్టంగా మార‌నుంది. దీనికి ప్రధాన కారణం వెలుగులోకి వస్తోంది.

ఆస్ట్రేలియా కోచ్‌ సమాచారం ఇచ్చాడు

“పాట్ కమిన్స్ ఎలాంటి బౌలింగ్‌ను ప్రారంభించలేకపోయాడు. కాబట్టి అతనిని ఆడటం దాదాపు అసాధ్యం. అంటే మాకు కెప్టెన్ కావాలి” అని ఆస్ట్రేలియా జట్టు ప్రధాన కోచ్ ఆండ్రూ మెక్‌డొనాల్డ్ SEN కి చెప్పాడు. పాట్ కమిన్స్ గాయం నుంచి ఇంకా కోలుకోలేదని, అందుకే బౌలింగ్ ప్రారంభించలేదని కోచ్ చెబుతున్నాడు.

Also Read: Naga Chaitanya : రెగ్యులర్ గా శోభితని తెగ పొగిడేస్తున్న నాగచైతన్య.. తండేల్ ప్రమోషన్స్ లో శోభిత గురించే..

Pat Cummins is "heavily unlikely" for the Champions Trophy because of his ankle issue

Here's who could lead Australia: https://t.co/PExtVI9pzd pic.twitter.com/HZAgR5aSJE

— ESPNcricinfo (@ESPNcricinfo) February 5, 2025

కమిన్స్ శ్రీలంక సిరీస్‌లో ఆడడం లేదు

ప్ర‌స్తుతం ఆస్ట్రేలియా జట్టు శ్రీలంక పర్యటనలో ఉంది. ఇరు జట్ల మధ్య 2 మ్యాచ్‌ల టెస్టు సిరీస్ జరగనుంది. సిరీస్‌లో తొలి మ్యాచ్‌లో విజయం సాధించిన ఆస్ట్రేలియా 1-0 ఆధిక్యంలో ఉంది. ఈ సిరీస్‌లో కూడా పాట్ కమిన్స్ ఆస్ట్రేలియా జట్టులో భాగం కాదు. దీంతో శ్రీలంక టూర్‌లో ఆస్ట్రేలియా జట్టుకు స్టీవ్ స్మిత్ కెప్టెన్‌గా వ్యవహరిస్తున్నాడు. నిజానికి కమిన్స్ తన రెండో బిడ్డ పుట్టిన కారణంగా శ్రీలంకతో జరిగిన టెస్టు సిరీస్‌కు దూరమయ్యాడు.

బోర్డర్ గవాస్కర్ ట్రోఫీలో అద్భుతాలు చేశాడు

బోర్డర్ గవాస్కర్ ట్రోఫీలో ఆస్ట్రేలియా కెప్టెన్ పాట్ కమిన్స్ అద్భుత ప్రదర్శన చేశాడు. ఈ సిరీస్‌లో బుమ్రా తర్వాత అత్యధిక వికెట్లు తీసిన రెండో బౌలర్‌గా పాట్ కమిన్స్ నిలిచాడు. బోర్డర్ గవాస్కర్ ట్రోఫీలో కమిన్స్ అద్భుతంగా బౌలింగ్ చేసి 25 వికెట్లు పడగొట్టి ఆస్ట్రేలియా తరఫున అత్యధిక వికెట్లు తీసిన బౌలర్‌గా నిలిచాడు. 10 ఏళ్ల తర్వాత ఈ సిరీస్‌లో భారత్‌ను ఆస్ట్రేలియా ఓడించింది.