Kolkata Knight Riders: కోల్కతా నైట్ రైడర్స్ జట్టుకు మరో షాక్.. ఆ ప్లేయర్ కు గాయం..?
ఇండియన్ ప్రీమియర్ లీగ్ (IPL) 2023 సీజన్ ప్రారంభానికి ముందు కోల్కతా నైట్ రైడర్స్ (Kolkata Knight Riders) జట్టు ఇబ్బందులను ఎదుర్కొంటుంది. వెన్ను గాయం కారణంగా కెకెఆర్ కెప్టెన్ శ్రేయాస్ అయ్యర్ ఈ సీజన్ మొత్తానికి దూరం కావడం దాదాపు ఖాయం కాగా,
- By Gopichand Published Date - 01:45 PM, Sat - 25 March 23
ఇండియన్ ప్రీమియర్ లీగ్ (IPL) 2023 సీజన్ ప్రారంభానికి ముందు కోల్కతా నైట్ రైడర్స్ (Kolkata Knight Riders) జట్టు ఇబ్బందులను ఎదుర్కొంటుంది. వెన్ను గాయం కారణంగా కెకెఆర్ కెప్టెన్ శ్రేయాస్ అయ్యర్ ఈ సీజన్ మొత్తానికి దూరం కావడం దాదాపు ఖాయం కాగా, ఈ సీజన్లో జట్టులో ఉన్న ఫాస్ట్ బౌలర్ లాకీ ఫెర్గూసన్ గాయపడిన వార్త కూడా తెరపైకి వచ్చింది. అదే సమయంలో KKR జట్టు బ్యాటింగ్ ఆర్డర్లో భాగమైన నితీష్ రాణా కూడా ప్రాక్టీస్ సెషన్లో గాయపడ్డాడు.
కోల్కతా నైట్ రైడర్స్ జట్టులోని ఆటగాళ్లు హోమ్ గ్రౌండ్ ఈడెన్ గార్డెన్స్లో ప్రాక్టీస్ చేయడం ప్రారంభించారు, ఇందులో ఇప్పటివరకు జట్టులోని చాలా మంది ముఖ్యమైన ఆటగాళ్లు చేరారు. స్పోర్ట్స్ వెబ్సైట్లో ప్రచురించిన వార్తల ప్రకారం.. ప్రాక్టీస్ సెషన్లో నితీష్ రాణా ఎడమ మోకాలికి గాయమైంది. నెట్స్ వద్ద బ్యాటింగ్ ప్రాక్టీస్ చేస్తున్న సమయంలో రాణా గాయపడ్డాడు.
Also Read: Afghanistan: పాకిస్థాన్ చిత్తు చిత్తు.. పాక్ పై ఆఫ్ఘనిస్తాన్ ఘన విజయం..!
నితీష్ రాణా మొదట ఒక నెట్లో ఫాస్ట్ బౌలర్లను ఎదుర్కొన్నాడు. మరోవైపు స్పిన్ బౌలర్లను ఎదుర్కొన్నాడు. ఆ తర్వాత ప్రాక్టీస్ సెషన్లో నితీష్ రాణా చిలమండకు గాయమైనట్లు సమాచారం. దీంతో అతడు ఆరంభ మ్యాచ్లకు దూరంగా కానున్నట్లు పలు నివేదికలు పేర్కొంటున్నాయి. రాబోయే ఐపీఎల్ సీజన్లో కోల్కతా నైట్ రైడర్స్ జట్టు తన తొలి మ్యాచ్ని పంజాబ్ కింగ్స్ జట్టుతో ఏప్రిల్ 1న మొహాలీ మైదానంలో ఆడాల్సి ఉంది. దీని తర్వాత కేకేఆర్ జట్టు తన సొంత మైదానంలో తన రెండవ మ్యాచ్ను ఏప్రిల్ 6న రాయల్ ఛాలెంజర్స్ బెంగళూరుతో ఆడుతుంది. శ్రేయాస్ అయ్యర్ లేకపోవడంతో KKR జట్టు తన జట్టుకు కొత్త కెప్టెన్ను కూడా ప్రకటించాల్సి ఉంది. ఇందులో నితీష్ రాణా కాకుండా సునీల్ నరైన్, రస్సెల్ పేర్లు ముందున్నాయి.
Related News
KKR vs RCB: ఉత్కంఠ పోరులో 1 పరుగు తేడాతో ఆర్సీబీపై కేకేఆర్ విజయం
ఆర్సీబీ, కోల్కతా నైట్ రైడర్స్ మధ్య జరిగిన ఉత్కంఠ పోరులో కోల్కతా నైట్ రైడర్స్ 1 పరుగు తేడాతో విజయం సాధించింది. చివరి ఓవర్లో కరణ్ శర్మ మిచెల్ స్టార్క్ బౌలింగ్ లో బాదిన మూడు సిక్సర్లతో మ్యాచ్ ఆర్సీబీదే అనిపించినప్పటికీ ఆ అవకాశం కేకేఆర్ బౌలర్లు ఇవ్వలేదు.