లక్నో సూపర్ జెయింట్స్ కీల‌క ప్ర‌క‌ట‌న‌!

George Linde

LSG: లక్నో సూపర్ జెయింట్స్ జట్టు మొదటి మ్యాచ్‌లో ఎదురైన ఓటమి తర్వాత అద్భుతంగా పుంజుకుంది. రిషబ్ పంత్ జట్టు వరుస విజయాలను నమోదు చేస్తోంది. అయితే ఈ సమయంలో శ్రీలంక స్పిన్ ఆల్ రౌండర్ వానిందు హసరంగ టోర్నమెంట్ నుండి తప్పుకోవడంతో ఫ్రాంచైజీకి పెద్ద ఎదురుదెబ్బ తగిలింది. ఇప్పుడు ఫ్రాంచైజీ అతని స్థానంలో రిప్లేస్‌మెంట్‌ను కూడా ప్రకటించింది. కోల్‌కతా నైట్ రైడర్స్‌తో జరిగిన మ్యాచ్‌ సందర్భంగా టీమ్ డైరెక్టర్ ఆఫ్ క్రికెట్ టామ్ మూడీ దీనిపై ముందే హింట్ ఇచ్చారు.

వానిందు హసరంగ రిప్లేస్‌మెంట్ ప్రకటన

శ్రీలంక ఆల్ రౌండర్ టోర్నమెంట్ నుండి నిష్క్రమించిన తర్వాత లక్నో సూపర్ జెయింట్స్ జట్టు దక్షిణాఫ్రికా స్పిన్ ఆల్ రౌండర్ జార్జ్ లిండేని తన జట్టులోకి చేర్చుకుంది. దీనిపై ఐపీఎల్ అధికారిక ప్రకటన కూడా విడుదల చేసింది. మినీ వేలంలో హసరంగను లక్నో జట్టు రూ. 2 కోట్లు వెచ్చించి కొనుగోలు చేయగా, లిండే కేవలం రూ. 1 కోటికే లక్నో సూపర్ జెయింట్స్ జట్టులో చేరారు. లిండేకు ఇది మొదటి ఐపీఎల్ సీజన్ కానుంది. అయితే ప్లేయింగ్ 11లో అవకాశం కోసం అతను కొంతకాలం వేచి చూడాల్సి రావచ్చు. ప్రస్తుతం విజయపథంలో ఉన్న జట్టులో పెద్దగా మార్పులు చేసే రిస్క్ తీసుకోవడానికి ఫ్రాంచైజీ సిద్ధంగా లేదు. కానీ, నికోలస్ పూరన్ పేలవ ఫామ్ ఫ్రాంచైజీకి ఆందోళన కలిగించే విషయంగా మారింది.

Also Read: డిజిటల్ జనగణన.. 5.72 లక్షలకు పైగా కుటుంబాలు సెల్ఫ్-ఎన్యూమరేషన్!

టీ-20 ఫార్మాట్‌లో జార్జ్ లిండే రికార్డు

దక్షిణాఫ్రికా స్టార్ ఆల్ రౌండర్ జార్జ్ లిండే ఇప్పటివరకు 3 టెస్టులు, 4 వన్డేలు, 37 టీ-20 అంతర్జాతీయ మ్యాచ్‌లు ఆడాడు. టీ-20లలో జార్జ్ 147.61 స్ట్రైక్ రేట్‌తో 403 పరుగులు చేశాడు. బౌలింగ్‌లో 23.82 సగటుతో 35 వికెట్లు పడగొట్టాడు. దక్షిణాఫ్రికా టీ-20 లీగ్‌లో లిండే ఎంఐ (MI) జట్టు తరపున ఆడుతుంటాడు. ఓవరాల్ టీ-20 ఫార్మాట్‌లో జార్జ్ ఇప్పటివరకు 250 మ్యాచ్‌లు ఆడి, 136.68 స్ట్రైక్ రేట్‌తో 2746 పరుగులు చేశాడు. అలాగే బౌలింగ్‌లో 26.19 సగటుతో 218 వికెట్లు సాధించాడు.

Follow us