డిజిటల్ జనగణన.. 5.72 లక్షలకు పైగా కుటుంబాలు సెల్ఫ్-ఎన్యూమరేషన్!

Census 2027

Census 2027: భారతదేశపు మొట్టమొద‌టి ‘డిజిటల్ జనగణన’ పట్ల దేశప్రజల్లో భారీ ఉత్సాహం నెలకొంది. కేంద్ర ప్రభుత్వం విడుదల చేసిన తాజా గణాంకాల ప్రకారం.. ఇప్పటివరకు 5.72 లక్షలకు పైగా కుటుంబాలు ‘సెల్ఫ్-ఎన్యూమరేషన్’ సౌకర్యాన్ని సద్వినియోగం చేసుకుంటూ తమ వివరాలను ఆన్‌లైన్‌లో నమోదు చేసుకున్నాయి.

ఈ డిజిటల్ చొరవ దేశ నిర్మాణంలో పౌరుల భాగస్వామ్యాన్ని పెంచడమే కాకుండా డేటా సేకరణ ప్రక్రియను మరింత సురక్షితంగా, వేగవంతంగా మారుస్తోంది. జనగణన 2027 మొదటి దశ అయిన ‘ఇళ్ల జాబితా- గృహ గణన’ కోసం ప్రస్తుతం కొన్ని ఎంపిక చేసిన రాష్ట్రాలు, కేంద్రపాలిత ప్రాంతాలలో ఈ సౌకర్యం ప్రారంభించబడింది. ప్రభుత్వ అధికారులు ఎవరి కోసం వేచి చూడాల్సిన అవసరం లేకుండా ప్రజలు తమ సౌలభ్యం ప్రకారం ఖచ్చితమైన సమాచారాన్ని పోర్టల్‌లో అప్‌డేట్ చేయాలన్నదే ప్రభుత్వ లక్ష్యం.

Also Read: Property Tax : ఏపీ ప్రజలకు ప్రభుత్వం భారీ ఊరట

ఆన్‌లైన్ జనగణన ఫారమ్‌ను ఎలా నింపాలి?

ఒకవేళ మీ రాష్ట్రంలో సెల్ఫ్-ఎన్యూమరేషన్ విండో అందుబాటులో ఉన్నట్లయితే మీరు ఈ 4 సులభమైన దశల్లో ప్రక్రియను పూర్తి చేయవచ్చు.

• ముందుగా జనగణన అధికారిక వెబ్‌సైట్ censusindia.gov.inను సందర్శించండి.
• మీ మొబైల్ నంబర్ ద్వారా లాగిన్ అయ్యి అందుకున్న OTPని నమోదు చేయండి.
• పోర్టల్‌లో ఇచ్చిన ఫారమ్‌లో మీ ఇంటి పరిస్థితి, కుటుంబ సభ్యుల సంఖ్య, ఇతర ముఖ్యమైన వివరాలను పూరించండి.
• సమాచారాన్ని నింపిన తర్వాత ఫారమ్‌ను సబ్మిట్ చేయండి. భవిష్యత్తు అవసరాల కోసం మీకు లభించిన ‘రిఫరెన్స్ నంబర్‌’ను భద్రపరుచుకోండి.

ఆన్‌లైన్‌లో సమాచారాన్ని నమోదు చేయడం సురక్షితమేనా?

ప్రభుత్వం అత్యాధునిక ఎన్‌క్రిప్షన్, డేటా సెక్యూరిటీని ఉపయోగించింది. దీనివల్ల మీ వ్యక్తిగత సమాచారం పూర్తిగా గోప్యంగా ఉంటుంది.

ఆన్‌లైన్ ఫారమ్ నింపిన తర్వాత కూడా ఎవరైనా ఇంటికి వస్తారా?

సెల్ఫ్-ఎన్యూమరేషన్ తర్వాత గణన సిబ్బంది మీ ఇంటికి కేవలం డేటా సంక్షిప్త ధృవీకరణ కోసం మాత్రమే రావచ్చు. దీనివల్ల మీ సమయం చాలా ఆదా అవుతుంది.

Follow us