West Indies out of the T20 WC: టీ20 ప్రపంచకప్ నుంచి వెస్టిండీస్ ఔట్..!
టీ20 ప్రపంచకప్ టోర్నీకి వెస్టిండీస్ జట్టు అర్హత సాధించలేకపోయింది.
- Author : Gopi
Date : 21-10-2022 - 1:45 IST
Published By : Hashtagu Telugu Desk
టీ20 ప్రపంచకప్ టోర్నీకి వెస్టిండీస్ జట్టు అర్హత సాధించలేకపోయింది. క్వాలిఫైయర్స్ లో భాగంగా శుక్రవారం జరిగిన మ్యాచ్ లో వెస్టిండీస్ జట్టుపై ఐర్లాండ్ జట్టు 9 వికెట్ల తేడాతో ఘాన విజయం సాధించింది. ఈ మ్యాచ్ లో తొలుత బ్యాటింగ్ చేసిన విండీస్ జట్టు 20 ఓవర్లలో 5 వికెట్లు కోల్పోయి 146 పరుగులు చేసింది. 147 పరుగుల లక్ష్యంతో బరిలోకి దిగిన ఐర్లాండ్ జట్టు కేవలం ఒక వికెట్ కోల్పోయి 17. ఓవర్లలో లక్ష్యాన్ని ఛేదించి సూపర్-12కు అర్హత సాధించింది. రెండు సార్లు టీ20 వరల్డ్ కప్ చాంపియన్స్ గా నిలిచిన వెస్టిండీస్ ఈ WCలో అర్హత కూడా సాధించకపోవడం గమనార్హం.
ఆస్ట్రేలియా వేదికగా ఈ టీ20 ప్రపంచకప్ జరుగుతున్న విషయం తెలిసిందే. అయితే సూపర్- 12 మొదలవడానికి ముందు గ్రూప్ మ్యాచ్ లు జరిగాయి. అక్టోబర్ 17న స్కాట్లాండ్ జట్టు చేతిలో 42 పరుగుల తేడాతో విండీస్ ఓడిపోయింది. అక్టోబర్ 19న జింబాబ్వేపై గెలిచింది. ఇక తాజాగా జరిగిన మ్యాచులో ఐర్లాండ్ చేతిలో 9 వికెట్ల తేడాతో ఘోర ఓటమి చవిచూసింది. దీంతో కనీసం గ్రూప్ స్టేజ్ దాటకుండానే టోర్నీ నుంచి నిష్క్రమించింది.
These fans ❤️#BackingGreen #T20WorldCup ☘️🏏 pic.twitter.com/sy0AD6G4UC
— Cricket Ireland (@cricketireland) October 21, 2022
Follow us
