IPL Mock Auction: ఐపీఎల్ మాక్ వేలం.. రూ. 29 కోట్లకు పంత్‌ను కొనుగోలు చేసిన పంజాబ్!
శ్రీకాంత్ తన యూట్యూబ్ ఛానెల్‌లో మాక్ వేలం నిర్వహించారు. ఇందులో అత్యంత ఖరీదైన కొనుగోలుదారుగా పంత్ నిలిచాడు. పంజాబ్ అతన్ని కొనుగోలు చేసింది.
- By Gopichand Published Date - 07:40 AM, Mon - 18 November 24
IPL Mock Auction: IPL 2025 మెగా వేలం నవంబర్ 24, 25 తేదీల్లో సౌదీ అరేబియాలో జరుగుతుంది. ఈసారి వేలంలో చాలా మంది ఆటగాళ్లపై పెద్ద మొత్తంలో వేలం వేయవచ్చు. కాగా టీమిండియా మాజీ వెటరన్ ఎస్. శ్రీకాంత్ ఆధ్వర్యంలో మాక్ వేలం (IPL Mock Auction) జరిగింది. ఇందులో రిషబ్ పంత్ అత్యధిక ధర పలికాడు. పంత్‌ను పంజాబ్ కింగ్స్ రూ. 29 కోట్లకు కొనుగోలు చేసింది. అదే సమయంలో కోల్‌కతా నైట్ రైడర్స్ జోస్ బట్లర్‌పై భారీగా డబ్బు కురిపించింది. అర్ష్‌దీప్ సింగ్‌పై కూడా కాసుల వర్షం కురిసింది.
వాస్తవానికి శ్రీకాంత్ తన యూట్యూబ్ ఛానెల్‌లో మాక్ వేలం నిర్వహించారు. ఇందులో అత్యంత ఖరీదైన కొనుగోలుదారుగా పంత్ నిలిచాడు. పంజాబ్ అతన్ని కొనుగోలు చేసింది. రిషబ్ పంత్‌ను ఢిల్లీ క్యాపిటల్స్ విడుదల చేసింది. మెగా వేలంలో బట్లర్, పంత్‌లకు భారీ మొత్తం లభించనుంది. అయితే అతడిని ఏ జట్టు కొనుగోలు చేస్తుందో చెప్పలేదు. అయితే ఈ ఇద్దరు ఆటగాళ్లు మాక్ వేలంలో చాలా ఎక్కువ ధరకు అమ్ముడుపోయారు. రూ. 15.50 కోట్లకు బట్లర్‌ను కొనుగోలు చేశారు.
Also Read: Delhi CM Atishi: ఢిల్లీలో గాలి కాలుష్యం.. పాఠశాలలు మూసివేస్తున్నట్లు ప్రకటించిన సీఎం
మాక్ వేలంలో ఫాస్ట్ బౌలర్ అర్ష్‌దీప్ సింగ్ షమీ కంటే ఎక్కువ ధరకు అమ్ముడయ్యాడు. అర్ష్‌దీప్ సింగ్‌ను చెన్నై సూపర్ కింగ్స్ 13 కోట్ల రూపాయలకు కొనుగోలు చేసింది. కాగా షమీని గుజరాత్ టైటాన్స్ 11 కోట్లకు కొనుగోలు చేసింది. గుజరాత్ ఈసారి షమీని రిటైన్ చేసుకోలేదు. గాయం కారణంగా షమీ గత సీజన్‌కు దూరమయ్యాడు. అయితే ఇప్పుడు మళ్లీ రంగంలోకి దిగాడు. ఇటీవల జరిగిన దేశవాళీ మ్యాచ్‌లో అద్భుతంగా బౌలింగ్ చేశాడు.
శ్రీకాంత్ మాక్ వేలంలో ఎవరికి ఎంత వచ్చింది?
- రిషబ్ పంత్ – పంజాబ్ కింగ్స్ – రూ.29 కోట్లు
- కేఎల్ రాహుల్ – రాయల్ ఛాలెంజర్స్ బెంగళూరు – రూ. 20 కోట్లు
- శ్రేయాస్ అయ్యర్ – ఢిల్లీ క్యాపిటల్స్ – రూ. 16 కోట్లు
- జోస్ బట్లర్ – కోల్‌కతా నైట్ రైడర్స్ – రూ. 15.50 కోట్లు
- అర్ష్‌దీప్ సింగ్ – చెన్నై సూపర్ కింగ్స్ – రూ. 13 కోట్లు
- మహ్మద్ షమీ – గుజరాత్ టైటాన్స్ – రూ. 11 కోట్లు
