ఐపీఎల్ 2026లో సంజూ శాంసన్ సరికొత్త రికార్డు.. సీజన్లో తొలి సెంచరీ నమోదు!
ఈ మ్యాచ్కు ముందు సంజూ శాంసన్ తీవ్ర విమర్శలు ఎదుర్కొన్నాడు. IPL 2026లో చెన్నై సూపర్ కింగ్స్ తరపున ఆడిన మొదటి మూడు ఇన్నింగ్స్లలో ఆయన వరుసగా 6, 7, 9 పరుగులు మాత్రమే చేశారు.
- Author : Gopi
Date : 11-04-2026 - 10:55 IST
Published By : Hashtagu Telugu Desk
Sanju Samson: ఐపీఎల్ 2026 టోర్నమెంట్లో సెంచరీ సాధించిన తొలి బ్యాటర్గా సంజూ శాంసన్ నిలిచారు. శనివారం ఢిల్లీ క్యాపిటల్స్తో జరిగిన మ్యాచ్లో శాంసన్ ఈ ఘనత సాధించాడు. కేవలం 52 బంతుల్లోనే సెంచరీ పూర్తి చేసిన శాంసన్, తన ఐపీఎల్ కెరీర్లోనే అత్యంత వేగవంతమైన శతకాన్ని నమోదు చేశాడు. అంతేకాకుండా చెన్నై సూపర్ కింగ్స్ (CSK) తరపున ఆడుతూ శాంసన్ సాధించిన మొదటి సెంచరీ కూడా ఇదే కావడం విశేషం.
IPL 2026లో మొదటి సెంచరీ
ఐపీఎల్ 2026లో తొలి సెంచరీని సంజూ శాంసన్ తన ఖాతాలో వేసుకున్నాడు. అంతకుముందు ఈ సీజన్లో అత్యధిక స్కోరు రికార్డు ఢిల్లీ క్యాపిటల్స్కు చెందిన కేఎల్ రాహుల్ (92 పరుగులు) పేరిట ఉండేది. అలాగే ఢిల్లీకే చెందిన సమీర్ రిజ్వీ కూడా 90 పరుగులు చేశాడు. కానీ మూడంకెల స్కోరును అందుకున్న మొదటి ఆటగాడిగా శాంసన్ రికార్డు సృష్టించాడు.
Also Read: దిగ్గజ గాయని ఆశా భోంస్లేకు గుండెపోటు!
అత్యంత వేగవంతమైన సెంచరీ రికార్డు
ఢిల్లీ క్యాపిటల్స్పై శాంసన్ 52 బంతుల్లోనే సెంచరీ పూర్తి చేశాడు. ఇది వ్యక్తిగతంగా అతనికి అత్యంత వేగవంతమైన ఐపీఎల్ సెంచరీ. గతంలో 2019 సీజన్లో రాజస్థాన్ రాయల్స్ తరపున ఆడుతూ పంజాబ్ కింగ్స్పై 54 బంతుల్లో సెంచరీ చేయడం అతని ఉత్తమ రికార్డుగా ఉండేది. చెన్నై సూపర్ కింగ్స్ తరపున ఇది ఐదో అత్యంత వేగవంతమైన సెంచరీ. CSK తరపున ఫాస్టెస్ట్ సెంచరీ రికార్డు ఇప్పటికీ మురళీ విజయ్ (46 బంతుల్లో – 2010లో రాజస్థాన్ రాయల్స్పై) పేరు మీద ఉంది. గత 16 ఏళ్లుగా ఈ రికార్డు చెక్కుచెదరకుండా ఉంది.
విమర్శలకు బ్యాట్తోనే సమాధానం
ఈ మ్యాచ్కు ముందు సంజూ శాంసన్ తీవ్ర విమర్శలు ఎదుర్కొన్నాడు. IPL 2026లో చెన్నై సూపర్ కింగ్స్ తరపున ఆడిన మొదటి మూడు ఇన్నింగ్స్లలో ఆయన వరుసగా 6, 7, 9 పరుగులు మాత్రమే చేశారు. మూడు మ్యాచ్ల్లో కలిపి కేవలం 22 పరుగులు చేయడంతో అతని ఫామ్పై ప్రశ్నలు తలెత్తాయి. అయితే ఢిల్లీ క్యాపిటల్స్పై ఈ మెరుపు సెంచరీతో తన విమర్శకుల నోళ్లు మూయించాడు.
Follow us
