కేకేఆర్ ఫ్యాన్కు ముంబై ఇండియన్స్ ఫ్యాన్ ప్రపోజ్!
MI vs KKR మ్యాచ్ జరుగుతుండగా ఒక వీడియో బాగా వైరల్ అవుతోంది. అందులో ఒక అభిమాని తన గర్ల్ఫ్రెండ్కు ప్రపోజ్ చేశాడు.
- Author : Gopichand
Date : 30-03-2026 - 7:21 IST
Published By : Hashtagu Telugu Desk
IPL 2026: ఐపీఎల్ 2026 సీజన్ రెండో మ్యాచ్ ముంబై ఇండియన్స్, కోల్కతా నైట్ రైడర్స్ మధ్య వాంఖడే స్టేడియంలో జరిగింది. ఈ మ్యాచ్లో రెండు జట్లు బ్యాట్తో విరుచుకుపడ్డాయి. ముంబై ఇండియన్స్.. కోల్కతా నైట్ రైడర్స్ బ్యాటర్ల హై-వోల్టేజ్ బ్యాటింగ్ను చూసి అభిమానులు పరవశించిపోయారు. కేకేఆర్పై ముంబై ఇండియన్స్ 6 వికెట్ల తేడాతో ఘనవిజయం సాధించింది. అయితే ఈ ఉత్సాహభరితమైన మ్యాచ్ మధ్యలో ఒక ప్రేమ నాటకం కూడా చోటుచేసుకుంది. ముంబై ఇండియన్స్ అభిమాని ఒకరు కేకేఆర్ మహిళా అభిమానిని ప్రపోజ్ చేశారు. దీనికి సంబంధించిన వీడియో ఇప్పుడు నెట్టింట వైరల్ అవుతోంది.
కేకేఆర్ ఫ్యాన్కు ముంబై ఇండియన్స్ ఫ్యాన్ ప్రపోజ్
MI vs KKR మ్యాచ్ జరుగుతుండగా ఒక వీడియో బాగా వైరల్ అవుతోంది. అందులో ఒక అభిమాని తన గర్ల్ఫ్రెండ్కు ప్రపోజ్ చేశాడు. అయితే ఈ వీడియో ఒక వింత కారణంతో చర్చనీయాంశమైంది. ఆ ముంబై ఇండియన్స్ అభిమాని మోకాళ్లపై నిలబడి ప్రపోజ్ చేస్తున్న సమయంలో అతని చేతిలోని ఉంగరం కింద పడిపోయింది. ఆ తర్వాత మ్యాచ్ చూడటానికి వచ్చిన మిగిలిన ప్రేక్షకులు కలిసి ఆ ఉంగరాన్ని వెతికారు. ఉంగరం దొరికిన తర్వాత ఆ అభిమాని కేకేఆర్ జెర్సీలో ఉన్న తన గర్ల్ఫ్రెండ్కు ప్రపోజ్ చేశాడు. వారిద్దరూ ఒకరినొకరు హగ్ చేసుకున్నారు. అక్కడున్న ప్రేక్షకులందరూ చప్పట్లతో వారిని అభినందించారు.
Also Read: ఐపీఎల్లో రోహిత్ శర్మ అరుదైన రికార్డు.. క్యాప్డ్ ప్లేయర్ అంటే ఏమిటి?!
Shei Prothom Bhalobashar feeling 💜 pic.twitter.com/AtiWuB863m
— KolkataKnightRiders (@KKRiders) March 30, 2026
ముంబై ఇండియన్స్ 6 వికెట్ల తేడాతో విజయం
ఐపీఎల్ 2026లో భాగంగా జరిగిన ఈ మ్యాచ్లో ముంబై ఇండియన్స్ కెప్టెన్ హార్దిక్ పాండ్యా టాస్ గెలిచి ముందుగా బౌలింగ్ ఎంచుకున్నాడు. కోల్కతా నిర్ణీత 20 ఓవర్లలో 4 వికెట్ల నష్టానికి 220 పరుగుల భారీ స్కోరు సాధించింది. వారి జట్టులో అజింక్య రహానే అత్యధికంగా 67 పరుగులు చేయగా, అంగ్క్రిష్ రఘువంశీ 29 బంతుల్లో 51 పరుగులు, ఫిన్ అలెన్ 37 పరుగులతో మెరుపు ఇన్నింగ్స్ ఆడారు.
ముంబై ఇండియన్స్ బౌలర్లలో శార్దూల్ ఠాకూర్ 3 వికెట్లు పడగొట్టాడు. 221 పరుగుల భారీ లక్ష్యంతో బరిలోకి దిగిన ముంబై ఇండియన్స్ అదిరిపోయే ఆరంభాన్ని ఇచ్చింది. రోహిత్ శర్మ 38 బంతుల్లో 78 పరుగులు చేయగా, ర్యాన్ రికెల్టన్ 43 బంతుల్లో 81 పరుగులు బాదాడు. వీరిద్దరి వీరోచిత ఇన్నింగ్స్ల వల్ల ముంబై ఇండియన్స్ 6 వికెట్ల తేడాతో విజయాన్ని అందుకుంది.
Follow us
