India vs Bangladesh: భారత్ 376 పరుగులకు ఆలౌట్.. రాణించిన అశ్విన్, జడేజా..!
భారత్ తరఫున అశ్విన్ 113 పరుగులు, జడేజా 86 పరుగులు చేశారు. రెండో రోజు బంగ్లాదేశ్ బౌలింగ్లో తస్కిన్ అహాన్ 3 వికెట్లు పడగొట్టాడు. కాగా హసన్ మహమూద్ తొలి ఇన్నింగ్స్లో 5 వికెట్లు పడగొట్టాడు.
- Author : Gopichand
Date : 20-09-2024 - 11:04 IST
Published By : Hashtagu Telugu Desk
India vs Bangladesh: భారత్- బంగ్లాదేశ్ మొదటి టెస్టు రెండో రోజు తొలి సెషన్లో భారత జట్టు తొలి ఇన్నింగ్స్ ముగిసింది. తొలి ఇన్నింగ్స్లో టీమిండియా 376 పరుగులు (India vs Bangladesh) చేసింది. భారత్ తరఫున అశ్విన్ 113 పరుగులు, జడేజా 86 పరుగులు చేశారు. రెండో రోజు బంగ్లాదేశ్ బౌలింగ్లో తస్కిన్ అహాన్ 3 వికెట్లు పడగొట్టాడు. కాగా హసన్ మహమూద్ తొలి ఇన్నింగ్స్లో 5 వికెట్లు పడగొట్టాడు. అనంతరం బంగ్లాదేశ్ తొలి ఇన్నింగ్స్లో బ్యాటింగ్ ప్రారంభమైంది. జస్ప్రీత్ బుమ్రా తొలి ఓవర్లోనే విజిటింగ్ టీమ్కి పెద్ద షాక్ ఇచ్చాడు. బంగ్లాదేశ్ తొలి వికెట్ షాద్మన్ రూపంలో పడింది. 2 పరుగుల వద్ద షాద్మన్ ఔటయ్యాడు.
Also Read: Canada Visa Restrictions: వీసా విధానాన్ని మార్చనున్న కెనడా.. భారతీయులపై ప్రభావం..?
భారత్-బంగ్లాదేశ్ మధ్య రెండు టెస్టు మ్యాచ్ల సిరీస్లో భాగంగా చెన్నైలోని చెపాక్ స్టేడియంలో తొలి మ్యాచ్ జరుగుతోంది. తొలి రోజు రెండు సెషన్ల పాటు బంగ్లాదేశ్ బౌలర్లు మంచి ఫామ్లో ఉన్నారు. దీంతో 150 పరుగుల వ్యవధిలో టీమిండియా 6 వికెట్లు కోల్పోయింది. దీని తర్వాత ఆర్ అశ్విన్, రవీంద్ర జడేజా జోడీ రికార్డు బద్దలు కొట్టి భారత జట్టు స్కోరును 300కి తీసుకెళ్లింది.
తొలిరోజు ఆర్ అశ్విన్ అద్భుత సెంచరీ సాధించాడు. రవీంద్ర జడేజా కూడా సెంచరీ దిశగా దూసుకుపోయాడు. తొలి రోజు ఆట ముగిసే సమయానికి భారత్ 6 వికెట్ల నష్టానికి 339 పరుగులు చేసింది. అయితే జట్టు 400 స్కోర్ సాధించేలా కనిపించింది. కానీ రెండో రోజు ఆట ముగిసే సమయానికి భారత ఆటగాళ్లు వెంట వెంటనే వికెట్లు కోల్పోవడంతో టీమిండియా తొలి ఇన్నింగ్స్లో కేవలం 376 పరుగులు మాత్రమే చేయగలిగింది. ఇకపోతే ఈ మ్యాచ్లో రోహిత్ శర్మ, కోహ్లీ, గిల్ సింగిల్ డిజిట్ స్కోర్లకే ఔటయ్యారు.
మ్యాచ్ రెండో రోజైన శుక్రవారం 339/5 స్కోరుతో ఇన్నింగ్స్ కొనసాగించిన టీమ్ ఇండియా.. 37 పరుగులు జోడించిన తర్వాత చివరి 4 వికెట్లను కోల్పోయింది. ఇందులో తస్కిన్ అహ్మద్ 3 వికెట్లు తీశాడు. తొలిరోజు సెంచరీ చేసిన ఆర్ అశ్విన్ 113 పరుగులు చేశాడు. కాగా రవీంద్ర జడేజా 86 పరుగుల వ్యక్తిగత స్కోరు వద్ద ఔటయ్యాడు. జడేజా ఈరోజు పరుగులు చేయలేకపోయాడు. బంగ్లాదేశ్ తరఫున హసన్ మహమూద్ అత్యధికంగా 5 వికెట్లు పడగొట్టాడు.
Follow us
