IND vs SA: న‌వంబ‌ర్ 14 నుంచి భార‌త్- సౌతాఫ్రికా తొలి టెస్ట్‌.. మ్యాచ్‌కు వర్షం అంతరాయం?!

IND vs SA

IND vs SA: టీమ్ ఇండియా, దక్షిణాఫ్రికా (IND vs SA) మధ్య జరగబోయే 2 మ్యాచ్‌ల టెస్ట్ సిరీస్‌లో మొదటి మ్యాచ్ నవంబర్ 14 నుండి కోల్‌కతాలోని ఈడెన్ గార్డెన్స్ స్టేడియంలో జరగనుంది. ప్రపంచ టెస్ట్ ఛాంపియన్‌షిప్ కారణంగా ఈ మ్యాచ్ రెండు జట్లకు చాలా ముఖ్యం. కాబట్టి ఇరు జట్లు ఈ మ్యాచ్‌లో కచ్చితంగా ఫలితం రావాలని కోరుకుంటాయి. ఈ నేపథ్యంలో కోల్‌కతా టెస్ట్ సమయంలో వాతావరణ నివేదిక గురించి అభిమానులు తెలుసుకోవాలని అనుకుంటున్నారు. ఈ మ్యాచ్‌కు కూడా వర్షం ముప్పు ఉందా అనేది వారి ప్రధాన ప్రశ్న.

మ్యాచ్‌కు వర్షం అంతరాయం కలిగిస్తుందా?

AccuWeather ప్రకారం.. కోల్‌కతా టెస్ట్ మ్యాచ్ సమయంలో వర్షం పడే అవకాశం దాదాపుగా లేదు. నవంబర్ 14 నుండి 18 వరకు కోల్‌కతాలో వర్ష సూచన లేదు. కాబట్టి భారత్- దక్షిణాఫ్రికా మధ్య ఐదు రోజుల పాటు ఆట పూర్తిగా జరిగే అవకాశం ఉంది. ఈ మ్యాచ్‌పై వర్షం ప్రభావం ఏమాత్రం ఉండదు. గతంలో దక్షిణాఫ్రికా జట్టు భారత్‌లో పర్యటించినప్పుడు వారికి ఘోర పరాజయం ఎదురైంది. ఈ సిరీస్‌లో కూడా శుభ్‌మన్ గిల్ జట్టు అదే ప్రదర్శనను పునరావృతం చేయాల్సి ఉంటుంది. ఇటీవల గిల్ జట్టు సొంత గడ్డపై వెస్టిండీస్‌ను 2-0 తేడాతో ఓడించింది. కాబట్టి దక్షిణాఫ్రికా జట్టుపై చాలా ఒత్తిడి ఉండే అవకాశం ఉంది. ఈ సిరీస్‌లో గౌతమ్ గంభీర్, శుభ్‌మన్ గిల్ తమ అత్యుత్తమ ప్రదర్శన ఇవ్వాల్సి ఉంటుంది.

Also Read: Red Fort Blast: ఎర్ర‌కోట స‌మీపంలో భారీ పేలుడు.. కేంద్రం కీల‌క నిర్ణ‌యం!

ఇరు జట్ల వివరాలు

భారత టెస్ట్ జట్టు: శుభ్‌మన్ గిల్ (కెప్టెన్), రిషబ్ పంత్ (వికెట్ కీపర్) (వైస్-కెప్టెన్), యశస్వి జైస్వాల్, కేఎల్ రాహుల్, సాయి సుదర్శన్, దేవదత్ పడిక్కల్, ధ్రువ్ జురెల్, రవీంద్ర జడేజా, వాషింగ్టన్ సుందర్, జస్‌ప్రీత్ బుమ్రా, అక్షర్ పటేల్, నితీష్ కుమార్ రెడ్డి, మహమ్మద్ సిరాజ్, కుల్దీప్ యాదవ్, ఆకాశ్ దీప్.

దక్షిణాఫ్రికా టెస్ట్ జట్టు: టెంబా బావుమా (కెప్టెన్), కార్బిన్ బాష్, డెవాల్డ్ బ్రెవిస్, టోనీ డి జార్జి, జుబైర్ హంజా, సైమన్ హార్మర్, మార్కో జాన్సెన్, కేశవ్ మహారాజ్, ఐడెన్ మార్క్‌రమ్, వియాన్ ముల్డర్, సెనురన్ ముత్తుసామి, కగిసో రబాడా, ర్యాన్ రికెల్టన్, ట్రిస్టన్ స్టబ్స్, కైల్ వెరైన్.

Follow us