IND A vs AUS A: భారత్తో జరిగే టెస్టు సిరీస్‌కు జట్టును ప్రకటించిన ఆస్ట్రేలియా!
ఆస్ట్రేలియా ఎ వర్సెస్ ఇండియా ఎ మధ్య 2 టెస్టుల సిరీస్‌లో మొదటి మ్యాచ్ అక్టోబర్ 31 నుండి జరగనుండగా, రెండవ మ్యాచ్ నవంబర్ 7 నుండి నవంబర్ 10 వరకు మెల్‌బోర్న్‌లో జరుగుతుంది.
- By Gopichand Published Date - 01:40 PM, Mon - 14 October 24
IND A vs AUS A: 2 టెస్టుల సిరీస్ ఆడనున్న భారత్ ఎ ఆస్ట్రేలియా (IND A vs AUS A) పర్యటనకు వెళ్లనుంది. ఈ సిరీస్‌కు ఆస్ట్రేలియా ఏ జట్టును ఆస్ట్రేలియా క్రికెట్ బోర్డు ప్రకటించింది. పలువురు యువ ఆటగాళ్లతో పాటు సీనియర్ ఆటగాళ్లకు కూడా జట్టులో అవకాశం కల్పించారు. వరల్డ్ టెస్ట్ ఛాంపియన్‌షిప్ ఫైనల్ 2025లో భారత్‌పై అద్భుత ప్రదర్శన చేసిన స్కాట్ బోలాండ్ తిరిగి జట్టులోకి వచ్చాడు.
అక్టోబర్ 31 నుంచి ప్రారంభం
ఆస్ట్రేలియా ఎ వర్సెస్ ఇండియా ఎ మధ్య 2 టెస్టుల సిరీస్‌లో మొదటి మ్యాచ్ అక్టోబర్ 31 నుండి జరగనుండగా, రెండవ మ్యాచ్ నవంబర్ 7 నుండి నవంబర్ 10 వరకు మెల్‌బోర్న్‌లో జరుగుతుంది. నాలుగు రోజుల పాటు టెస్టు సిరీస్ జరగనుంది. ఆస్ట్రేలియా తన జట్టును ప్రకటించింది. అయితే భారత క్రికెట్ కంట్రోల్ బోర్డు ఇండియా ఎ జట్టును ప్రకటించలేదు. భారత్ ఎ జట్టుకు రుతురాజ్ గైక్వాడ్‌కు కెప్టెన్సీ ఇవ్వవచ్చని భావిస్తున్నారు. క్రిక్‌బజ్ నివేదిక ప్రకారం.. బోర్డు గైక్వాడ్‌ను కెప్టెన్‌గా పరిశీలిస్తోంది. వీరితో పాటు రంజీ ట్రోఫీలో మంచి ప్రదర్శన కనబరిచిన ఆటగాళ్లకు కూడా ఇండియా ఎలో అవకాశం వస్తుందని భావిస్తున్నారు.
Also Read: Cameron Green: భారత్తో టెస్టు సిరీస్‌కు ముందు ఆసీస్‌కు బ్యాడ్ న్యూస్‌.. స్టార్ ప్లేయ‌ర్ దూరం!
స్కాట్ బోలాండ్ తిరిగి రావడంతో ఆస్ట్రేలియా A బలపడింది
ఫాస్ట్ బౌలర్ స్కాట్ బోలాండ్ చివరిసారిగా 2023లో ఆస్ట్రేలియా తరఫున ఆడాడు. ఆ తర్వాత టెస్టు జట్టులో చోటు దక్కలేదు. భారత్తో జరిగిన ప్రపంచ టెస్ట్ ఛాంపియన్‌షిప్ ఫైనల్‌లో బోలాండ్ అద్భుత ప్రదర్శన చేశాడు. భారత బౌలర్లను కూడా చాలా ఇబ్బంది పెట్టాడు. తొలి ఇన్నింగ్స్‌లో బోలాండ్ 2 వికెట్లు తీశాడు. రెండో ఇన్నింగ్స్‌లో అతను 4 వికెట్లు తీశాడు. ఇందులో శుభ్‌మన్ గిల్, విరాట్ కోహ్లీ, రవీంద్ర జడేజా, మహ్మద్ సిరాజ్‌ల వికెట్లు ఉన్నాయి. బోలాండ్ అద్భుతమైన స్పెల్ ఆస్ట్రేలియా ప్రపంచ టెస్ట్ ఛాంపియన్‌షిప్ టైటిల్‌ను గెలుచుకోవడానికి సహాయపడింది.
ఆస్ట్రేలియా A జట్టు
నాథన్ మెక్‌స్వీనీ (కెప్టెన్), కామెరాన్ బాన్‌క్రాఫ్ట్, స్కాట్ బోలాండ్, జోర్డాన్ బకింగ్‌హామ్, కూపర్ కొన్నోలీ, ఒల్లీ డేవిస్, మార్కస్ హారిస్, సామ్ కొన్‌స్టాస్, నాథన్ మెక్‌ఆండ్రూ, మైఖేల్ నేజర్, టాడ్ మర్ఫీ, ఫెర్గస్ ఓ నీల్, జిమ్మీ పియర్సన్, జోష్ ఫిలిప్పీ, మార్క్‌ స్టెక్టీ, బ్యూ వెబ్‌స్టర్.
