Ravindra Jadeja: టెస్టు క్రికెట్‌లో అరుదైన ఫీట్ సాధించిన ర‌వీంద్ర జ‌డేజా

Ravindra Jadeja: వాంఖడే మైదానంలో రవీంద్ర జడేజా (Ravindra Jadeja) స్పిన్నింగ్ బంతుల మాయాజాలం రెండో ఇన్నింగ్స్‌లోనూ తారాస్థాయికి చేరుకుంది. సర్ జడేజా తన స్పిన్ తో కివీస్ బ్యాట్స్ మెన్ ను ఓ ఆట ఆడుకున్నాడు. తొలి ఇన్నింగ్స్‌ తర్వాత జడేజా రెండో ఇన్నింగ్స్‌లోనూ ఐదు వికెట్లు పడగొట్టాడు. జడ్డూ టెస్టు కెరీర్‌లో ఒకే మ్యాచ్‌లో రెండు ఇన్నింగ్స్‌ల్లో కలిపి 5 వికెట్లు తీయడం ఇదే తొలిసారి. జడేజా తన టెస్టు కెరీర్‌లో రెండో అత్యుత్తమ స్పెల్ బౌలింగ్ చేశాడు.

జడేజా స్పిన్ ఫలించింది

తొలి ఇన్నింగ్స్‌లో 5 వికెట్లు తీసిన రవీంద్ర జడేజా రెండో ఇన్నింగ్స్‌లోనూ కివీస్ బ్యాట్స్‌మెన్‌ను ఇబ్బంది పెట్టాడు. డారిల్ మిచెల్, టామ్ బ్లండెల్ వంటి బ్యాట్స్‌మెన్‌లకు జడేజా పెవిలియన్‌కు పంపాడు. రెండో ఇన్నింగ్స్‌లో 13.5 ఓవర్లు వేసిన జడ్డూ 55 పరుగులిచ్చి ఐదు వికెట్లు పడగొట్టాడు. జడేజా తన టెస్టు కెరీర్‌లో తొలిసారి ఒకే మ్యాచ్‌లోని రెండు ఇన్నింగ్స్‌ల్లోనూ ఐదేసి వికెట్లు తీశాడు. జడేజా స్పిన్నింగ్ బంతుల ముందు న్యూజిలాండ్ బ్యాట్స్‌మెన్ పూర్తిగా నిస్సహాయంగా కనిపించారు. వాంఖడే మైదానంలో విజిటింగ్ టీమ్‌కి జడ్డూ బౌలింగ్‌ అర్థంకాని పజిల్‌గా మారింది.

Also Read: Honda Activa EV: హోండా నుంచి ఎల‌క్ట్రిక్ స్కూట‌ర్‌.. ధ‌ర ఎంతంటే?

టెస్టు కెరీర్‌లో రెండో అత్యుత్తమ స్పెల్

వాంఖడే మైదానంలో న్యూజిలాండ్‌తో జరిగిన మ్యాచ్‌లో రవీంద్ర జడేజా తన టెస్టు కెరీర్‌లో రెండో అత్యుత్తమ స్పెల్ బౌలింగ్ చేశాడు. జడేజా రెండు ఇన్నింగ్స్‌లలో కలిపి 120 పరుగులిచ్చి 10 వికెట్లు పడగొట్టాడు. తొలి ఇన్నింగ్స్‌లో జడ్డూ 65 పరుగులకే ఐదు వికెట్లు పడగొట్టాడు. 2023లో ఆస్ట్రేలియాతో జరిగిన టెస్టులో జడేజా అత్యుత్తమ బౌలింగ్ చేశాడు. ఆ స‌మ‌యంలో జడ్డూ 110 పరుగులిచ్చి 10 వికెట్లు పడగొట్టాడు. న్యూజిలాండ్‌తో జరిగిన ఒకే టెస్టులో రెండు ఇన్నింగ్స్‌ల్లోనూ 5 వికెట్లు తీసిన రెండో భారత బౌలర్‌గా జడేజా నిలిచాడు. జడేజా కంటే ముందు ఆర్ అశ్విన్ మాత్రమే భారత్ తరఫున ఈ ఘనత సాధించగలిగాడు.

న్యూజిలాండ్ 174కి ఆలౌట్

రవీంద్ర జడేజా అద్భుతమైన బౌలింగ్ కారణంగా రెండో ఇన్నింగ్స్‌లో 174 పరుగులకే న్యూజిలాండ్ జట్టు మొత్తం ఆలౌట్ అయింది. దీంతో భార‌త్ 147 ప‌రుగులు చేయాల్సి ఉంది. వార్త రాసే స‌మ‌యానికి భార‌త్ జ‌ట్టు 6 వికెట్ల న‌ష్టానికి 92 ప‌రుగులు చేసింది. క్రీజులో పంత్ (53), వాషింగ్ట‌న్ సుంద‌ర్ (6) ఉన్నారు.