Hardik Pandya: టీమిండియాకు భారీ షాక్.. ఇంగ్లండ్‌తో మ్యాచ్‌కూ హార్దిక్‌ పాండ్యా దూరం..!

Hardik Pandya

Hardik Pandya: 2023 ప్రపంచకప్‌లో హార్దిక్ పాండ్యా (Hardik Pandya) గాయపడడం భారత జట్టు కష్టాలను మరింత పెంచింది. అక్టోబర్ 19న బంగ్లాదేశ్‌తో జరిగిన మ్యాచ్‌లో టీమిండియా స్టార్ ఆల్ రౌండర్ హార్దిక్ పాండ్యా గాయపడ్డాడు. గాయంతో పాండ్యా వెంటనే మైదానం వీడాల్సిన పరిస్థితి నెలకొంది. ఆ తర్వాత న్యూజిలాండ్‌తో జరిగిన మ్యాచ్‌లో కూడా పాండ్యా కనిపించలేదు. తదుపరి ప్రపంచకప్ మ్యాచ్‌లో టీమ్ ఇండియా పునరాగమనానికి సంబంధించి ఇప్పుడు తాజా అప్‌డేట్ వచ్చింది. హార్దిక్ పాండ్యా రాబోయే చాలా మ్యాచ్‌లకు దూరమయ్యే అవకాశం ఉంది. అయితే టీమ్ ఇండియా పాండ్యా భర్తీ గురించి ఆలోచించడం లేదని, నాకౌట్‌లో హార్దిక్ పునరాగమనం కోసం వేచి చూస్తుందని కూడా వార్తలు వస్తున్నాయి.

టైమ్స్ ఆఫ్ ఇండియా వార్తల ప్రకారం.. హార్దిక్ తన చీలమండలో గ్రేడ్ 1 లిగమెంట్ టియర్‌తో బాధపడుతున్నాడు. దీని కారణంగా న్యూజిలాండ్ తర్వాత అతను ఇంగ్లాండ్, శ్రీలంకతో జరగబోయే మ్యాచ్‌లకు కూడా దూరం కావచ్చు. ‘బెంగళూరులోని నేషనల్ క్రికెట్ అకాడమీ (NCA)లో నితిన్ పటేల్ నేతృత్వంలోని వైద్య బృందం పాండ్యాని పర్యవేక్షిస్తోంది. కానీ గాయం మొదట అనుకున్నదానికంటే చాలా తీవ్రంగా ఉన్నట్లు కనిపిస్తోంది. అతను ఒక చిన్న స్నాయువు గాయంతో బాధపడుతున్నట్లు కనిపిస్తోంది. ఇది సాధారణంగా నయం కావడానికి కనీసం రెండు వారాలు పడుతుంది. అతని గాయం నయం కాకముందే NCA అతన్ని విడుదల చేయదు. అతను త్వరలో మైదానంలోకి వస్తాడనే ఆశాభావంతో ఉన్నామని వైద్య బృందం టీమ్ మేనేజ్‌మెంట్‌కు తెలిపిందని టైమ్స్ ఆఫ్ ఇండియా పేర్కొంది.

Also Read: Team India: లక్నో చేరుకున్న టీమిండియా.. 29న ఇంగ్లండ్‌తో భారత్ ఢీ..!

పాండ్యాను తిరిగి జట్టులోకి తీసుకునేందుకు భారత జట్టు తొందరపడటం లేదు. దీంతో ఇంగ్లండ్ తో జరిగే తదుపరి మ్యాచ్ కు హార్దిక్ అందుబాటులో ఉండే అవకాశం లేదని స్పష్టమవుతోంది. భారత జట్టు బుధవారం లక్నో చేరుకుంది. టీమిండియా మొదటి ప్రాక్టీస్ సెషన్ గురువారం జరుగుతుంది. నవంబర్ మొదటి వారంలో శ్రీలంక, దక్షిణాఫ్రికాతో భారత్ తదుపరి రెండు మ్యాచ్‌లు ఆడాల్సి ఉంది. ఆ మ్యాచ్ లకు కూడా హార్దిక్ పునరాగమనం చేయడం కష్టమే.

We’re now on WhatsApp. Click to Join.

పాయింట్ల పట్టికలో భారత జట్టు అగ్రస్థానంలో ఉంది. టీమిండియా ఐదు మ్యాచ్‌లు ఆడింది. నాలుగు మ్యాచ్‌లు ఆడాల్సి ఉంది. తొలి మ్యాచ్‌లో భారత్ 6 వికెట్ల తేడాతో ఆస్ట్రేలియాను ఓడించింది. ఆ తర్వాత ఆఫ్ఘనిస్థాన్‌పై 8 వికెట్ల తేడాతో గెలుపొందింది. పాకిస్థాన్, బంగ్లాదేశ్, న్యూజిలాండ్‌లను కూడా ఓడించింది. ఇంగ్లండ్ తర్వాత భారత్ శ్రీలంక, దక్షిణాఫ్రికా, నెదర్లాండ్స్‌తో మ్యాచ్‌లు ఆడాల్సి ఉంది.

Follow us